قازاقستاننىڭ ءبىر ۋنيۆەرسيتەتى باس ليسەنزياسىنان ايىرىلدى

بىلىم جانە عىلىم مينيسترلىگى شەت تىلدەر جانە ىسكەرلىك كارەرا ۋنيۆەرسيتەتى باس ليسەنزياسىنان ايىرىلعانىن مالىمدەدى. ؛

بۇعان دەيىن مينيسترلىك, جوعارى وقۋ ورنى باس ليسەنزياسىنان ايىرىلۋ الدىندا تۇرعانىن حابارلاعان. قايتا تەكسەرۋ قورىتىندىسى بويىنشا زاڭبۇزۋشىلىقتار انىقتالعان. ؛ ناتيجەسىندە الماتى قالالىق اكىمشىلىك قۇقىق بۇزۋشىلىقتار جونىندەگى مامانداندىرىلعان اۋدانارالىق سوتىنىڭ شەشىمىمەن, اتالعان وقۋ ورنى باس ليسەنزياسىنان ايىرىلدى.

سونداي-اق سوتتىڭ 2021 جىلعى 18 تامىزداعى شەشىمىمەن جوعارى وقۋ ورىنى ءتيىستى نۇسقامانى ورىنداماعانى ءۇشىن اكىمشىلىك جاۋاپكەرشىلىككە تارتىلدى.

&ndash؛ ءبىز جوعارى وقۋ ورىندارىنا بۇزۋشىلىقتاردى جويۋعا ۋاقىت بەرەمىز, الايدا ولار كەمشىلىكتەرمەن جۇمىس جۇرگىزبەيدى. وسىعان بايلانىستى كەيىنىرەك قاتاڭ شارالار قولدانۋعا تۋرا كەلەدى. شەت تىلدەر جانە ىسكەرلىك كارەرا ۋنيۆەرسيتەتىندە ءبىلىم بەرۋ ساپاسىن قامتاماسىز ەتۋدىڭ ىشكى جۇيەسى قالىپتاسپاعان. ءبىلىم بەرۋ باعدارلامالارىن, جەكە وقۋ جوسپارلارىن تالداۋ بەلگىلى ءبىر پاندەر بويىنشا كرەديتتەردى يگەرۋدە ۇلكەن ايىرماشىلىقتاردى كورسەتتى. تيىسىنشە, ءبىلىم الۋشىلار پاندەردى تولىق كولەمدە مەڭگەرمەيدى. وقىتۋ ناتيجەلەرى بويىنشا ستۋدەنتتەردىڭ 90%-ى شەكتى دەڭگەيدەن وتە المادى, ؛&ndash؛ دەدى ءبىلىم جانە عىلىم سالاسىندا ساپانى قامتاماسىز ەتۋ كوميتەتىنىڭ ءتورايىمى گۇلزات كوبەنوۆا.

زاڭناماعا سايكەس, ۋنيۆەرسيتەت ليسەنزيادان ايىرىلعان جاعدايدا ءبىلىم الۋشىلار سەمەستردىڭ اياقتالۋىن كۇتپەي-اق باسقا ۋنيۆەرسيتەتتەرگە اۋىسا الادى.