• usd 468.56

  • eur 497.56

  • rub 7.3

  • cny 67.18

29 ناۋرىز, 10:46:38
الماتى
+35°

جامبىل وبلىسىنىڭ پوليسياسى رەزونانس تۋدىرعان ۆيدەونى تۇسىرگەن ەكى جۋرناليسكە قاتىستى قىلمىستىق ءىستى توقتاتتى, ؛دەپ حابارلادى zakon.kz.

قىركۇيەك ايىنىڭ ورتاسىندا ؛ەكى باق وكىلى - ؛يسلامبەك داستان (turaninfo.kz) مەن دانيار ءالىمقۇلدىڭ ("جەتىنشى ارنا") پوليسياعا جاۋاپ الۋعا شاقىرتۋ العانى بەلگىلى بولدى. جۋرناليستەر نە بۇلدىرگەندەرىن سۇراعاندا پوليسيا ولاردىڭ تۇسىرىلىمدەرىن تەكسەرىپ جاتقانىن ايتتى.

جامبىل وبلىستىق پروكۋراتۋراسى "اقپاراتتىق جۇيەنى پايدالانا وتىرىپ, بىلە تۇرا جالعان اقپارات تاراتۋ" بابى بويىنشا تەرگەۋ جۇرگىزىلگەنىن حابارلادى. تەرگەۋ 26 تامىزدا بايزاق وڭىرىندە بولعان وقيعالاردان كەيىن قولعا الىنعان.

"سوتقا دەيىنگى تەرگەۋدىڭ قولعا الىنۋىنا الەۋمەتتىك جەلىلەردى مونيتورينگىلەۋ كەزىندە ۋاكىلەتتى ورگان انىقتاعان قوعامنىڭ تەرىس پىكىرىن تۋعىزعان وسى ادامداردىڭ ءتۇسىرىلىمى سەبەپ بولدى", دەلىنگەن رەداكسيا ساۋالىنا بەرىلگەن جاۋاپتا.

تەرگەۋ وبلىستىق پروكۋراتۋرانىڭ باقىلاۋىندا بولدى. "تۋىنداعان سۇراقتارعا" تۇسىنىك بەرۋ ءۇشىن باق وكىلدەرىمەن كەزدەسۋ وتكىزىلدى. 21 قىركۇيەكتە, جۇرگىزىلگەن تەرگەۋ ارەكەتتەرى مەن زەرتتەۋ ناتيجەلەرىن زەردەلەي كەلە, پوليسيا قىلمىس قۇرامىنىڭ جوقتىعىنا بايلانىستى جۋرناليستەرگە قاتىستى قىلمىستىق ىستەردى توقتاتتى.

30 تامىزدا بۇقارالىق اقپارات قۇرالدارى مەن الەۋمەتتىك جەلىلەردە مەيرامحانانىڭ جانىندا اسكەري سناريادتارعا ۇقساس زاتتار جاتقان ۆيدەو پايدا بولدى. ۆيدەو اۆتورى دانيار ءالىمقۇل ولاردى جامبىل وبلىسى بايزاق اۋدانىنان تاپقانىن ايتتى.

كەيىنىرەك قورعانىس مينيسترلىگى بۇل وق-دارىلەردى جويعاننان كەيىنگى مەتالل قالدىقتارى ەكەنىن, ونىڭ جەكە كاسىپورىنعا ساتىلعانىن, ونىڭ باسقالارعا ەشقانداي ءقاۋىپ توندىرمەيتىنىن اتاپ ءوتتى.

26 تامىزدا جامبىل وبلىسى, بايزاق اۋدانىندا ورنالاسقان اسكەري بولىمدەگى قويمالاردىڭ ءبىرىنىڭ جانىندا ءورت شىقتى. سوڭعى مالىمەتتەر بويىنشا, جارىلىستان 17 ادام قايتىس بولدى.

"قامشى" سىلتەيدى
ىلمەك سوزدەر: جامبىل وبلىسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر