22 قىركۇيەك, 2021 news
فوتو: اشىق دەرەككوز
"قىتاي شەتەلدە كومىرمەن جۇمىس جاسايتىن جاڭا جوبالار سالمايدى, بۇل جاھاندىق جىلىنۋمەن كۇرەسۋدە ماڭىزدى بولۋى مۇمكىن" دەپ حابارلادى bbc.
بۇل تۋرالى بىرىككەن ۇلتتار ۇيىمىنىڭ باس اسسامبلەياسىندا سويلەگەن سوزىندە قىتاي ءتوراعاسى سي سزينپين مالىمدەدى.
قىتاي يندونەزيا مەن ۆەتنام سياقتى ەلدەردە كومىر جوبالارىن ء"بىر بەلدەۋ, ءبىر جول" باستاماسى دەپ اتالاتىن اۋقىمدى ينفراقۇرىلىمدىق جوبا بويىنشا قارجىلاندىردى.
بىراق الەم ەلدەرى مۇنداي قارجىلاندىرۋدى توقتاتۋعا ءماجبۇر بولدى, ويتكەنى ولار پاريج كليماتتىق كەلىسىمىنىڭ ماقساتتارىنا قول جەتكىزۋگە تىرىسادى.
"قىتاي باسقا دامۋشى ەلدەر ءۇشىن جاسىل ەنەرگيانى قولداۋدى كۇشەيتەدى, ال شەتەلدە كومىرمەن جۇمىس ىستەيتىن جاڭا جوبالار سالمايدى" دەدى سي جىل سايىنعى بولاتىن سامميتتە.
قوسىمشا اقپارات بەرىلمەدى, ءبىراق بۇل قادام قىتايدىڭ ء"بىر بەلدەۋ, ءبىر جول" جوباسى ارقىلى دامۋشى ەلدەردە كومىر زاۋىتتارىن كەڭەيتۋدى شەكتەۋى مۇمكىن.
"بىر بەلدەۋ, ءبىر جول" كوپتەگەن ەلدەردەگى تەمىر جولداردى, پورتتاردى جانە كومىر زاۋىتتارىن قارجىلاندىرعان. ولاردىڭ كوپشىلىگى دامۋشى ەلدەر. بەيجىڭ 2021 جىلدىڭ ءبىرىنشى جارتىسىندا كومىر جوبالارىن قارجىلاندىرمادى.
قىتاي سونىمەن قاتار الەمدەگى ەڭ ءىرى پارنيكتىك گاز شىعارۋشى بولىپ ەسەپتەلەدى جانە ىشكى ەنەرگيا قاجەتتىلىكتەرى ءۇشىن كومىرگە تاۋەلدى.
بىلتىر سي قىتاي 2030 جىلعا دەيىن كومىرتەگى ؛گازىن شىعارۋدىڭ شىڭىنا جەتەتىنىن, سودان كەيىن 2060 جىلعا قاراي كومىرتەگىسىز كەزەڭگە وتەتىنى تۋرالى ۋادەلەرىن ايتقان بولاتىن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر