21 قىركۇيەك, 2021 news
فوتو: mosmonitor.ru
ەندى ءبىزدىڭ ەلدەن باسقا مەملەكەتكە قوڭىراۋ شالعاندا, شەتەلدىكتەردىڭ تەلەفونىندا "قازاقستان" دەگەن جازۋ شىعىپ تۇرادى. بۇل تۋرالى سيفرلىق دامۋ, يننوۆاسيالار جانە اەروعارىش ونەركاسىبى ءمينيسترى باعدات مۋسين مالىمدەدى.
&ndash؛ بۇۇ جانىنداعى حالىقارالىق ەلەكتر بايلانىس وداعى قازاقستانعا جاڭا +997 دەف كودىن بەلگىلەدى. ەندى ءبىزدىڭ ەلدەن باسقا مەملەكەتكە قوڭىراۋ شالعاندا, شەتەلدىكتەردىڭ تەلەفونىندا "قازاقستان" دەگەن جازۋ شىعادى. سونداي-اق حالىقارالىق دەڭگەيدەگى سيفرلى سەرۆيستەردى قولدانعاندا دا, بارلىق جەردە قازاقستان دەگەن سيگنال شىعادى. كەزىندە كسرو تاراعاندا, +7 حالىقارالىق تەلەفون كودى ەكى ەلگە بىردەي بەكىتىلگەن بولاتىن, &ndash؛ دەدى مينيستر.
باعدات مۋسين قازاقستانعا عانا تيەسىلى حالىقارالىق كودقا قول جەتكىزۋ ءۇشىن بىلتىردان بەرى تەلەكوممۋنيكاسيا سالاسىنداعى كومپانيالارمەن بىرگە جان-جاقتى جۇمىس جۇرگىزىلگەنىن اتاپ ءوتتى. ياعني وسى كەلىسسوزدەردىڭ ناتيجەسىندە ءبىزدىڭ ەلگە دەربەس +997 كودى رەزەرۆكە قويىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر