قور بيرجاسى مەن كريپتو نارىعى قۇلدىرادى. وعان نە سەبەپ؟

قىتايدىڭ ەكىنشى ءىرى جىلجىمايتىن مۇلىك كومپانياسى عالامدىق قور نارىعى مەن كريپتو نارىعىن قۇلدىراتتى. ؛

قارجىلىق ساراپشىلاردىڭ پىكىرىنشە, قور نارىعى مەن جاھاندىق كريپتو نارىعىنىڭ قۇلدىراۋىنا قىتايدىڭ ءىرى ؛جىلجىمايتىن مۇلىك كومپانياسى  ؛"evergrande real estate group" اكسيالارىنىڭ 10,24 پايىزعا تومەندەۋى سەبەپ بولعان. ؛الدىمەن گونكونگ قور نارىعى قۇلدىرادى. گونكونگتاعى "hang seng" يندەكسى ؛ 52 اپتاداعى ەڭ تومەنگى دەڭگەيگە ءتۇستى. ؛

بۇعان دەيىن كومپانيا يندەكسى 17 پايىزعا تومەندەگەن بولاتىن. "evergrande" جىلجىمايتىن مۇلىك توبى "fortune global 500" تىزىمىنە سايكەس, ساتىلىم كولەمى بويىنشا قىتايداعى ەكىنشى ءىرى قۇرىلىس كومپانياسى. ول سونىمەن قاتار الەمدەگى ەڭ تابىستى 122 ءىرى كومپانياعا كىرەدى.

گونكونگتاعى تاعى ءبىر ءىرى جىلجىمايتىن مۇلىك توبى "henderson land development co."-نىڭ دا اكسيالارى ايتارلىقتاي ساتىلعان.

ماماندار "evergrande real estate group"-تىڭ شامامەن 2 تريلليون دوللار قارىزعا باتقانىن ايتادى. الەمدەگى جەتەكشى جىلجىمايتىن مۇلىك كورپوراسيالارىنىڭ قارىز داعدارىسىنا قاتىستى الاڭداۋشىلىق نارىققا كەڭ اۋقىمدى ىقپال ەتتى. بانك اكسيالارى, جوعارى كىرىستى دوللارلىق وبليگاسيالار جانە ساقتاندىرۋ فيرمالارى داعدارىس ىقپالىنا ۇشىراۋدا.

قىركۇيەكتىڭ التىنشى كۇنى 52 مىڭ دوللاردان اسقان بيتكوين باعاسى بۇگىن تاڭەرتەڭ 40 مىڭ دوللارعا دەيىن قۇلادى.

بىر ساعاتتىڭ ىشىندە بيتكوين نارىعى 312 ميلليون دوللار جوعالتتى. كريپتوۆاليۋتادا btc ايىرباسىنىڭ بىرنەشە ەسە ءوسۋى بايقالدى. بيتكويننىڭ جاپپاي ساتىلۋى جالعاسا بەرسە, كريپتو نارىعىنىڭ ءالى دە قۇلدىراۋىنا الىپ كەلۋى ىقتيمال.

ايتا كەتەيىك, ؛قىتاي بيلىگى سيفرلىق ۆاليۋتاعا قاتال ساياسات ۇستانا باستاعاننان كەيىن جانە tesla كومپانياسى بيتكويندى تولەم ءتۇرى رەتىندە قابىلدامايتىنىن جاريالاعان سوڭ, بيىل ساۋىردە ەڭ جوعارى شەككە (شامامەن 63 مىڭ دوللارعا) جەتكەن كريپتو نارىعىندا قۇلدىراۋ باستالعان. ؛  ؛قۇلدىراۋ شىلدەگە دەيىن جالعاستى. شىلدەنىڭ 21 كۇنى twitter كومپانياسىنىڭ باس اتقارۋشى ديرەكتورى دجەك دورسي, tesla جانە spacex كومپانياسىنىڭ ديرەكتورى يلون ماسك ونلاين كەزدەسۋ وتكىزىپ, ينۆەستورلار مەن كومپانيالارعا كريپتوۆاليۋتانىڭ مۇمكىندىكتەرى تۋرالى پىكىرلەرىن جاريالاعان سوڭ, سول كۇننەن باستاپ كريپتو نارىعى وڭالا باستاعان.