قىتايداعى قايتا تاريبەلەۋ لاگەرلەرىندە قانشا ادام بار؟

جاڭا زەرتتەۋلەرگە سايكەس, قىتايدىڭ جوعارى ساياسات, زاڭ شىعارۋشى جانە كەڭەسشى ورگاندارى شىڭجاڭدا 1,8 ميلليونعا جۋىق ازشىلىقتى "قايتا تاربيەلەۋ ورتالىقتارى" دەپ دەپ اتالاتىن قاماۋ لاگەرلەرىنە جىبەرگەن. ؛

نەمىس زەرتتەۋشىسى ادريان زەنستىڭ پىكىرىنشە, قىتايدىڭ شىڭجاڭىندا قايتا تاربيەلەۋ ورتالىقتارىن قۇرۋ تۋالى زاڭ جوباسى 2017 جىلى ازىرلەنگەن. ول "ەكسترەميزمنەن ارىلتۋ تۋرالى ەرەجە" دەپ اتالادى. بۇنى ءۇش ماڭىزدى مەملەكەتتىك ورگان قاداعالايدى. زەنستىڭ ايتۋىنشا, ولار: ورتالىق كوميتەتتىڭ شىڭجاڭداعى قىزمەتتەردى ۇيلەستىرۋ شاعىن توبى, بەيجىڭدەگى بۇكىلحالىقتىق حالىق وكىلدەرىنىڭ كونگرەسى تۇراقتى كوميتەتىنىڭ زاڭ شىعارۋ ماسەلەلەرى جونىندەگى كوميسسياسى جانە ءدىن ىستەرى جونىندەگى مەملەكەتتىك باسقارما.

"ۇش ينستيتۋتتىڭ ەكەۋى قىتاي كوممۋنيستىك پارتياسىنىڭ شەشىم قابىلداۋشى جوعارعى ورگانى ساياسي بيۋروسىنىڭ تۇراقتى كوميتەتىنىڭ ءۇشىنشى جانە ءتورتىنشى دارەجەلى مۇشەلەرىنىڭ تىكەلەي باسقارۋىندا. ولار تەك قىتاي كوممۋنيستىك پارتياسىنىڭ باسشىسى, مەملەكەت ءتوراعاسى سي سزينپين مەن پرەمەر لي كەسياننان عانا تومەن ادامدار" ؛دەيدى ۆاشينگتونداعى زەرتتەۋ ورتالىعى "jamestown foundation".

ال, زەنستىڭ پىكىرىنشە, 2016 جىلعا دەيىن قىتايدىڭ تيبەت اۆتونومياسىن باسقارعان ؛چەن سيۋانگو شىڭجاڭداعى ازشىلىققا جاسالعان قاتاڭ ساياسات تۋرالى نەگىزگى ايىپتى ادام رەتىندە قارالعان. سەبەبى, چەن 2017 جىلدان باستاپ شىڭجاڭداعى ەڭ جوعارى بيلىككە كەلگەن سوڭ, ءوزىنىڭ تيبەتتە قولدانعان "تاجىريبەلى قاتال ساياساتىن" الىپ كەلگەن. الايدا, زەنس بۇل جانىشتاۋ ساياساتى ءۇشىن چەننىڭ عانا ەمەس, بەيجىڭدەگى ورتالىق بيلىكتىڭ نەگىزگى جاۋاپكەرشىلىگى بار ەكەنىن ايتادى. زەرتتەۋشى اقش سانكسيالارى تەك ؛چەن سيۋانگو مەن ونىڭ اينالاسىنداعى شەنەۋنىكتەرگە سالىنىپ, قاتاڭ ساياساتقا قاتىسى بار بەيجىڭدەگى ەڭ جوعارى شەنەۋنىكتەردىڭ سانكسيادان قۇتىلىپ كەتۋىنەن الاڭدايدى.

نەمىس زەرتتەۋشىسى وتكەن دەمالىس كۇندەرى لوندوندا وتكەن "ۇيعىر تريبۋنالىنىڭ" ەكىنشى سەسسياسىندا ءوزىنىڭ زەرتتەۋىن ۇسىنعان. قىتايدىڭ ەتنيكالىق ۇيعىر, قازاق سياقتى باسقا تۇركى مۇسىلماندارىنا جاساعان قارىم-قاتىناسى "گەنوسيد" بولىپ ەسەپتەلەتىنىن زەرتتەيتىن ماماندار توبى لوندوندا جينالعان. ؛

زەنستىڭ بۇرىنعى زەرتتەۋلەرى شىڭجاڭداعى قاماۋ لاگەرلەرىنە, بەيجىڭنىڭ ۇستالعان ۇيعىر, قازاق سياقتى ەتنيكالىق ازشىلىق ايەلدەرىن ماجبۇرلەپ ستەريليزاسيالاۋ ساياساتتارىنا باعىتتالعان. ول سونىمەن قاتار ايماقتاعى حالىقتىڭ ءوسۋىن ازايتۋعا باعىتتالعان ساياساتتاردى, مىسالى تۋۋ كورسەتكىشىن باقىلاۋ جانە قىتايدىڭ شىعىسىنان قىتايلىقتاردى شىڭجاڭعا كوشىرۋى سياقتى "ستراتەگيالاردى" زەرتتەيدى. ؛

قىتايلىق شەنەۋنىكتەر مەن مەملەكەتتىك اقپارات قۇرالدارى زەنستى "قىتايعا قارسى الاياق" جانە "بانكروتتىق بەدەلگە يە جالعان اكادەميك" دەپ اتادى جانە ونى "قىتايعا جالا جاپتى جانە شىڭجاڭعا بايلانىستى وتىرىك ويلاپ تاپتى" دەپ ايىپتادى.

 ؛

 ؛