20 قىركۇيەك, 2021 news
فوتو:اشىق دەرەككوز
قىلمىستىق اتقارۋ جۇيەسi كوميتەتiنىڭ ءباسپاسوز قىزمەتى قازاقستاننىڭ بۇرىنعى پرەمەر-مينيسترى سەرىك احمەتوۆتىڭ پروباسيا ەسەبىنەن شىعارىلعانىن راستادى.
"2021 جىلعى 1 قىركۇيەكتە س. ن.احمەتوۆ سوتتالۋ مەرزىمىن وتەۋىنە بايلانىستى جازانىڭ نەگىزگى ءتۇرى بويىنشا پروباسيا ەسەبىنەن شىعارىلدى. قازىرگى ۋاقىتتا بەلگىلى ءبىر لاۋازىمداردى اتقارۋعا تىيىم سالۋ تۇرىندەگى قوسىمشا جازا بويىنشا قازىبەك بي اۋدانىنىڭ پروباسيا قىزمەتىندە ەسەپتە تۇر" دەلىنگەن حابارلامادا.
ەسكە سالا كەتەيىك, 2015 جىلى جەلتوقسان ايىندا قاراعاندى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى بۇرىنعى پرەمەر-مينيستر س. احمەتوۆ پەن باسقا دا لاۋازىمدى تۇلعالارعا قاتىستى ءىس بويىنشا ۇكىمى شىعاردى.
اتالمىش ءىس بويىنشا 7 ءتۇرلى ەپيزودقا سايكەس بارلىعى 21 ادام ايىپتالعان بولاتىن. سوت تالقىلاۋى 2015 جىلعى 10 تامىزدا باستالىپ, ءتورت ايعا سوزىلدى.
سوت تەرگەۋى مەن سوت جارىسسوزدەرى 2015 جىلعى 9 جەلتوقساندا اياقتالدى. قاراعاندى وبلىستىق سوتىنىڭ قىلمىستىق ىستەر بويىنشا اپەللياسيالىق سوتى 2016 جىلدىڭ 14 ناۋرىزدا جەمقورلىق قىلمىستىق ىسكە قاتىستى سوتتى بولعان 11 ادامنىڭ جازاسىن جەڭىلدەتتى. سونىڭ ىشىندە سەرىك احمەتوۆتىڭ جازاسى 10 جىلدان 8 جىلعا دەيىن ازايتىلدى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر