20 قىركۇيەك, 2021 سپورت وزگەرتۋ

البەرت ليندەردىڭ ءولىمى: ءىنىسى اعاسىنىڭ وزىنە قول جۇمساۋ سەبەبىن ءتۇسىندىردى

فوتو: اشىق دەرەككوز

قازاقستاندىق اۋىر اتلەت البەرت ليندەردىڭ ءىنىسى سەمەن ليندەر سپورتشىنىڭ قايتىس بولۋ سەبەبىن ءتۇسىندىردى. بۇل تۋرالى ول الەۋمەتتىك جەلىدەگى پاراقشاسىندا جازدى.

سەمەن ليندەر اعاسىنىڭ جانە ءوزىنىڭ سپورتتا العان مەدالدارىن جەرگە كومىپ جاتقانىن جەلىدە جاريالادى.

&ndash؛ اعا, سەن ماڭگى مەنىڭ جۇرەگىمدەسىڭ! بۇل ءبىزدىڭ مەدالدارىمىز!, &ndash؛ دەپ جازدى سەمەن.

ول اعاسىنىڭ بويىنداعى جاقسى قاسيەتتەرىن اتاپ, ۇنەمى ونى جىگەرلەندىرىپ وتىرعانىن ايتتى.

&ndash؛ اعامنىڭ العا قويعان ماقساتى بولدى. ول اۋىر اتلەتيكامەن ءومىر ءسۇردى. بۇل ءىستى بارىنەن ارتىق جاقسى كوردى. سپورتقا جان-تانىمەن بەرىلدى, شتانگانى قاتتى جاقسى كوردى, سول ارقىلى ءوزىن تاپتى. ونىڭ ماقساتى مەن ارمانى بولدى. ول ەلىمىزدىڭ پاتريوتى ەدى. قازاقستان تۋىن ماقتانىشپەن كوتەردى.جۇرەگى كەڭ ادام ەدى, &ndash؛ دەپ جازدى ءىنىسى مارقۇم اعاسى تۋرالى.

ول ءوز جازباسىندا البەرت ليندەردىڭ ؛جاتتىعۋ كەزىندە كۇيزەلىسكە ءتۇسىپ, قولىن سىندىرعانىن جانە جاتتىقتىرۋشىسى مارقۇم سپورتشىنى ماماندارعا جىبەرمەگەنىن ايتتى.

&ndash؛ اعام سپورتتان كەتكەننەن كەيىن اۋىر جاعدايعا تاپ بولدى, كوڭىلى قالدى. ءبارى ونى ۇمىتىپ كەتتى. جاتتىقتىرۋشىسى بىرنەشە رەت كەلىپ, ءدال سول كۇيىندە جاتتىعۋدى جالعاستىرۋعا كوندىرىپ كوردى. سودان كەيىن مەنىڭ اعامنىڭ جاتتىعۋ جاسامايتىنىن ءتۇسىنىپ, ول دا ۇمىتىپ كەتتى. ؛اعام اۋىر اتلەتيكادان باسقا سالادا ءوزىن تابا المادى. ەشكىمگە ەشتەڭە ايتپاستان كەتىپ قالدى. مەنىڭ اعام كەتتى, &ndash؛ دەدى سەمەن ليندەر.

ول سونداي-اق مۇنداي جاتتىقتىرۋشى بالالاردى جاتتىقتىرماۋى قاجەت ەكەنىن ايتتى.

&ndash؛ بۇل ارەكەتىنەن كەيىن قالايشا جاتتىقتىرۋشى رەتىندە قىزمەتىن جالعاستىرىپ جاتقانىن ەلەستەتە المايمىن, &ndash؛ دەدى ليندەر.

ول كىنالى ادامنىڭ زاڭ نەگىزىندە جازالانۋى قاجەت ەكەنىن جەتكىزدى.

بۇعان دەيىن, قازاقستاندىق اۋىراتلەت البەرت ليندەر وزىنە قول جۇمساعانى حابارلانعان.

اۋىر اتلەتيكادان الەمنىڭ ءتورت دۇركىن چەمپيونى يليا يلين ليندەردىڭ ءولىمى تۋرالى ايتىپ, سپورتشىلار فيزيكالىق جاراقات الىپ قانا قويماي, پسيحولوگيالىق تۇرعىدا دا زارداپ شەگەتىنىن جەتكىزدى. ول قازاقستاندا مۇنداي اتلەتتەر ءۇشىن قالپىنا كەلتىرۋ ورتالىعى جوق ەكەنىن, تەك بىرنەشە ادام عانا سپورتتان تىس ومىردە ءوز ورنىن تاباتىنىن جەتكىزدى.