قىتايعا قارسى اقش, ۇلىبريتانيا, اۆستراليا بىرىككەن كەلىسىمدى فرانسيا ايىپتادى

ۇلىبريتانيا, اقش جانە اۆستراليا اراسىنداعى جاڭا قاۋىپسىزدىك كەلىسىمىنە بايلانىستى داۋ تۋىپ, فرانسيا اۆستراليانى ايىپتادى.

اۆستراليا اتومدىق سۇڭگۋىر كەمەلەر تۋرالى "aukus" كەلىسىمىنە قول قويعاننان كەيىن فرانسيا اۆستراليانى ء"وزارا كەلىسىمدى بۇزدى" دەپ اشۋلاندى.

ال, ۇلىبريتانيا پرەمەر-مينيسترى بوريس دجونسون فرانسياعا كەلىسىمنەن الاڭدايتىن ەشتەڭە جوق ەكەنىن ايتتى.

بىراق فرانسيا قورعانىس ءمينيسترىنىڭ ۇلىبريتانيالىق ارىپتەسىمەن وسى اپتادا لوندوندا كەزدەسۋى توقتاتىلدى.

بەيجىڭنىڭ وڭتۇستىك قىتاي تەڭىزىندەگى ىقپالىنا قارسى تۇرۋ ارەكەتى رەتىندە وتكەن اپتادا ۆاشينگتون, لوندون جانە كانبەررا اراسىندا "aukus" كەلىسىمى جاسالعان. الايدا, بۇل كەلىسىم اۆستراليا مەن فرانسيا اراسىندا 2016 جىلى بولعان سۇڭگۋىر كەمە جاساۋ تۋرالى 37 ميلليارد دوللارلىق مامىلەنى اياقتاتپاق.

فرانسيا سىرتقى ىستەر ءمينيسترى جان-يۆ لە دريان بۇل "وداقتاستار مەن سەرىكتەستەر اراسىنداعى جول بەرىلمەيتىن مىنەز-قۇلىق" بولىپ ەسەپتەلەتىنىن جەتكىزدى جانە "تۋ سىرتتان ۇرىلعان پىشاق" دەپ سيپاتتادى.

فرانسيا پرەزيدەنتى ەممانۋەل ماكرون ۆاشينگتون مەن كانبەرراداعى فرانسۋز ەلشىلەرىن شاقىرتىپ الۋعا بۇيرىق بەردى. بۇل وداقتاستار اراسىندا بۇرىن -سوڭدى بولماعان قادام.

ال, بۇۇ باس اسسامبلەياسىنا قاتىسۋ ءۇشىن نيۋ-يورككە ۇشىپ بارا جاتقان بوريس دجونسون اعىلشىن-فرانسۋز قارىم-قاتىناستارى "السىرەمەيتىنىن" ايتىپ, وداققا "الاڭداماۋ" كەرەك دەدى.

 ؛سونىمەن قاتار, اۆستراليا تاراپى دا "aukus" كەلىسىمىن قورعادى.

اۆستراليا پرەمەر ء-مينيسترى سكوتت مورريسون كانبەررانىڭ ء"پاريجدى ساتىپ كەتۋى" تۋرالى ايىپتاۋلارعا قارسى شىقتى. ول حالىقتىڭ سالىعىنان تولەنەتىن قىمبات مامىلەنىڭ شارتتارى بويىنشا, كەلىسىم كەز-كەلگەن ۋاقىتتا بۇزىلاتىنىن پاريج ءبىلۋى كەرەكتىگىن ايتتى.

بۇل كەلىسىم اۆستراليانى الەم بويىنشا اتومدىق سۋاستى كەمەلەرى بار جەتىنشى ەلگە اينالدىرادى.

ايتا كەتەيىك, "aukus" كەلىسىمىنە سايكەس, وداقتاستار كيبەر مۇمكىندىكتەرىن, جاساندى ينتەللەكت جانە باسقا دا تەڭىز استى تەحنولوگيالارىن ءوزارا بولىسەدى. قاۋىپسىزدىك كەلىسىمىنە ؛قول قويىلعاننان كەيىن قىتايدىڭ مەملەكەتتىك گازەتى اۆستراليا بەيجىڭنىڭ يادرولىق سوققىسىنىڭ نىساناسىنا اينالۋى مۇمكىن ەكەنىن مالىمدەگەن.

 ؛