ەلدە كوروناۆيرۋس پەن پنەۆمونيادان تاعى 43 ادام قايتىس بولدى

دەنساۋلىق ساقتاۋ مينيسترلىگى 19 قىركۇيەكتەگى ەپيدەميولوگيالىق ؛جاعدايدى مالىمدەدى.

مينيسترىك مالىمەتىنشە, قازاقستاندا وتكەن تاۋلىكتە پتر ارقىلى 2438 ادامنان كوروناۆيرۋس, 67 ادامنان پنەۆمونيا انىقتالعان.

18 قىركۇيەكتەگى دەرەك بويىنشا, ەلدە كوروناۆيرۋستان 37, پنەۆمونيادان 6 ادام كوز جۇمعان. ؛

ەل بويىنشا كوروناۆيرۋسقا تاپسىرعان تەستى وڭ ناتيجە كورسەتكەن جاعدايلاردىڭ جالپى سانى 862 862-گە جەتتى. كوروناۆيرۋس بەلگىلەرى بار پنەۆمونيامەن اۋىرعانداردىڭ رەسمي سانى &ndash؛ 74 092.

كوروناۆيرۋس ينفەكسياسىنا قارسى ۆاكسينانىڭ 1-كومپونەنتىن 7 300 062 ادام, 2-كومپونەنتىن 6 161 154 ادام سالدىرعان.

20 قىركۇيەكتەگى مالىمەت بويىنشا, 70 290 ادام كوروناۆيرۋس ينفەكسياسىنان ەمدەلۋدە, ولاردىڭ ىشىندە 13 333 پاسيەنت ستاسيوناردا, 56 957 ناۋقاس امبۋلاتوريالىق دەڭگەيدە ەم قابىلداۋدا.

1051 ادامنىڭ جاعدايى اۋىر, 278 پاسيەنتتىڭ جاعدايى وتە اۋىر, 143 ناۋقاس ءوجج اپپاراتىندا جاتىر.

"قىزىل" ايماقتا نۇر-سۇلتان, الماتى قالالارى, اقمولا, اقتوبە, اتىراۋ, قاراعاندى, قوستاناي, پاۆلودار وبلىستارى ورنالاسقان.

"سارى" ايماقتا شىمكەنت قالاسى, الماتى, ماڭعىستاۋ, قىزىلوردا, سولتۇستىك قازاقستان, باتىس قازاقستان, شىعىس قازاقستان وبلىستارى تۇر.

"جاسىل" ايماقتا - تۇركىستان, جامبىل وبلىستارى.