الماتىنىڭ ناۋرىزباي اۋدانىندا زاماناۋي ءورت ءسوندىرۋ ءبولىمى اشىلدى

ورت قاۋىپسىزدىگى مەن ازاماتتىق قورعانىستى قامتاماسىز ەتۋ شارالارى اياسىندا اقجار شاعىناۋدانىندا 1,5 جىلدان از ۋاقىتتا ءورت ءسوندىرۋ دەپوسى سالىندى. قالا كۇنى بولىمشەنىڭ اشىلۋى ءوتتى, ونىڭ جاۋاپكەرشىلىك ايماعىندا ناۋرىزباي اۋدانىنىڭ 130 مىڭنان استام تۇرعىنى بار.

الماتى قالاسىنىڭ اكىمى باقىتجان ساعىنتاەۆ ءورت سوندىرۋشىلەردى بولىمشەنىڭ اشىلۋىمەن قۇتتىقتاپ, قىزمەتتەرى ءۇشىن العىسىن ءبىلدىردى. جاڭا ءورت ءسوندىرۋ بەكەتى وقيعا ورنىنا بارۋ ۋاقىتىن قىسقارتادى جانە ءورت قاۋىپسىزدىگىنىڭ تيىمدىلىگىن ارتتىرادى. قالا اكىمى بولىمشەنى, گارنيزون قىزمەتكەرلەرىنە ارنالعان جاتاقحانانى قاراپ شىقتى. سونىمەن قاتار ءورت سوندىرۋشىلەرگە قىزمەتتىك كولىكتەردىڭ كىلتى تابىستالدى.

اشىلۋ سالتاناتىنا قر توتەنشە جاعدايلار مينيسترلىگىنىڭ وكىلدەرى, توتەنشە جاعدايلار دەپارتامەنتىنىڭ باسشىلىعى, قىزمەتتىڭ ارداگەرلەرى دە قاتىستى.

2014 جىلى قۇرىلعان ناۋرىزباي اۋدانىنا جايلاۋ, قاراعايلى, قۇرامىس, راحات, قارعالى, تاۋسامالى, اقجار, تاستىبۇلاق, تاۋجولى, شۇعىلا, التىن الاش, قالقامان-1, 2, 3 شاعىناۋداندارى كىرەدى. جالپى تۇرعىندار سانى &ndash؛ 130 108 ادام.

قالاعا قوسىلعان اۋماقتا ءورت ءسوندىرۋ بەكەتى بولمادى, سوندىقتان اقجار شاعىن اۋدانىندا ءورت ءسوندىرۋ پوستى ۇيىمداستىرىلدى. 2015 جىلدان بەرى بۇل بولىمشە 700-دەن استام شاقىرتۋلارعا باردى.

ەكى قاباتتى دەپو عيماراتىنىڭ قۇرىلىسى 1,5 جىلدان دا از ۋاقىت ىشىندە اياقتالدى. ءورت ءسوندىرۋ ءبولىمى جالپى الاڭى 3,2 مىڭ شارشى مەترگە جۋىق التى شاقىرتۋعا ەسەپتەلگەن.

اۆتوسيستەرنالار ءورت ءسوندىرۋ ءبولىمىنىڭ قوراپتارىنا ورنالاستىرىلادى. اۋداننىڭ بەلسەندى دامۋىن ەسكەرە وتىرىپ, ءورتتى سوندىرۋگە ارنالعان قۇرال-جابدىقتارمەن بىرگە, ءبولىم بيىك ۇيلەرگە ارنالعان ارنايى كولىكتەرمەن جابدىقتالاتىن بولادى.

بۇگىندە الماتى قالاسىنىڭ ورتتەن قاۋىپسىزدىگىن 17 بولىمشە قامتاماسىز ەتەدى. ءورت ءسوندىرۋ قىزمەتى 157 بىرلىكتەگى ءورت سوندىرەتىن اۆتوتەحنيكامەن جاساقتالعان, كۇن سايىن تاۋلىكتىك كەزەكشىلىككە 250-گە جۋىق ادام شىعادى. بيىل جەرگىلىكتى بيۋدجەت ەسەبىنەن گارنيزون تاعى 45 بىرلىك تەحنيكامەن تولىقتىرىلادى.

قازىرگى ۋاقىتتا ءورت قاۋىپسىزدىگىن كۇشەيتۋ جانە توتەنشە جاعدايلارعا دەر كەزىندە دەن قويۋ ماقساتىندا الاتاۋ اۋدانىندا ءورت ءسوندىرۋ بەكەتىنىڭ قۇرىلىسى اياقتالۋدا. بوستاندىق اۋدانىنىڭ نۇر-الاتاۋ شاعىناۋدانىنداعى 4 شاقىرتۋعا بارا الاتىن ءورت ءسوندىرۋ بەكەتىنىڭ قۇرىلىسى جۇرگىزىلۋدە.