&ndash؛ قازانىڭ سەبەبى &ndash؛ كوروناۆيرۋس. ءبىر ايعا جۋىق اۋرۋحانادا جاتتى. سوڭعى 10 كۇن جان ساقتاۋ بولىمىندە بولدى. ونىڭ قانت ديابەتى بار ەدى. دارىگەرلەر سوزىنشە, وسى دەرت اۋرۋدى ۋشىقتىرىپ جىبەرگەن, &ndash؛ دەدى باپي.

ەرمۇرات باپي باقىتگۇل ماكىمبايمەن "dات" گازەتتەر جوباسىن 23 جىلدان بەرى بىرگە شىعارىپ كەلگەنىن ايتتى. ول: "قيىن ساتتەردە, باسىمىزعا قيىن ءىس تۇسكەن كەزدە كوپ ارىپتەسىمىز شىداماي, جۇمىستان كەتىپ قالدى. ءبىراق باقىتگۇل ولاي ىستەمەدى. وسى كۇنگە دەيىن تابان اۋدارماي جانىمدا بىرگە قىزمەت ەتتى" دەدى.

باقىتگۇل ماكىمباي جۋرناليستىك قىزمەتىنە بايلانىستى بىرنەشە مارتە سوققىعا جىعىلعان. 2002 جىلى مامىردىڭ ء21-ى ءتۇن مەزگىلىندە رەداكسياعا شابۋىل جاساعاندار باقىتگۇل ماكىمباي مەن ارىپتەسىن ۇرىپ كەتكەن. باس سۇيەگىنە زاقىم كەلىپ, ميى شايقالعان جۋرناليست ءبىراز ۋاقىت اۋرۋحانادا ەمدەلگەن. 2007 جىلى "تاسجارعان" گازەتىن باسقارىپ وتىرعان شاعىندا ونىڭ ۇستىنەن "قازاقستان پرەزيدەنتىنىڭ ار-نامىسىنا تيۋ" بابى بويىنشا قىلمىستىق ءىس قوزعالىپ, ەكى جىل وتكەن سوڭ ءىس جابىلعان. ودان كەيىن دە باقىتگۇل ماكىمباي مەن ەرمۇرات باپي باسقارعان "dات" گازەتتەر جوباسى تالاي رەت سوت شەشىمىمەن جابىلىپ, اتاۋىن وزگەرتكەن.

جۋرناليست باقىتگۇل ماكىمباي قازاقستان جۋرناليستەر وداعى سىيلىعىنىڭ, وسى وداقتىڭ "التىن مەدالىنىڭ" يەگەرى. قازاقستان پاتريوتتارىنىڭ "الماس قىلىش" سىيلىعىنىڭ لاۋرەاتى. وعان سوروس قورىنىڭ جۋرناليستيكا سالاسىنداعى "باتىلدىعى مەن تاباندىلىعى ءۇشىن" سىيلىعى دا بەرىلگەن.