• usd 424.85

  • eur 504.21

  • rub 5.84

  • cny 65.86

24 قازان, 18:37:19
الماتى
+7°

تاليبان بيلىك باسىنا كەلگەن سوڭ اۋعانستاننىڭ ونەر ادامدارى دا شەتەلگە قاشىپ جاتىر.

تاليباندار مۋزىكاعا تىيىم سالعان. تالىپتەر تامىز ايىندا باگلان پروۆينسياسىنىڭ سولتۇستىگىندە "حالىق ءانشىسىن ءولتىردى" دەپ ايىپتالۋدا.

قارۋلى توپ بۇل ايىپتاۋعا جاۋاپ بەرگەن جوق.

ال, اۋعان ءانشىسى فاۆاد ءاندارابيدىڭ ۇلى دجاۆاد اسسوشيەيتەد پرەسس اگەنتتىگىنە بەرگەن سۇحباتىندا اكەسىنىڭ انداراب القابىنداعى فەرمادا باسىنان وق ءتيىپ قازا تاپقانىن ايتتى.

bbc اۋعانستاننان قاشىپ, پاكىستان شەكاراسىن زاڭسىز كەسىپ وتكەن جانە ءقازىر جاسىرىنىپ جۇرگەن التى انشىمەن سويلەسكەن. انشىلەردىڭ ءبىرى "اۋعانستاندا قالسام ءولىم جازاسىنا كەسىلەمىن" دەپ قورقاتىنىن ايتادى.

وزىن حان دەپ تانىستىرعان اۋعان ءانشىسى سوڭعى 20 جىل بويى كابۋلدا تۇرىپ, بۇكىل ەلدەگى ۇيلەنۋ تويلارىندا ءان ايتىپ, مۋزىكا ويناعان. حالىق انشىلەرى پۋشتۋنداردىڭ ۇيلەنۋ تويلارىندا تانىمال. ؛

"تاليباننىڭ بۇرىنعى رەجيمى كەزىندە مۋزىكاعا تىيىم سالىنعان بولاتىن, ءبىراق بيزنەس 2001 جىلى تالىپتەر بيلىگى قۇلاتىلعاننان بەرى جاقسى بولدى" دەيدى ول.

بىراق وتكەن ايدا تالىپتەر كابۋلدى باقىلاۋعا العاننان كەيىن, تاليبان جاۋىنگەرلەرى حاندى ىزدەپ كەلىپ, ونىڭ مۋزىكالىق اسپاپتارىن سىندىرعان.

&ndash؛ ءتۇن ورتاسىندا قىزمەتتىك كۇزەتشىم ماعان قوڭىراۋ شالىپ, بىرەۋلەردىڭ مىلتىقپەن كەلىپ, بارلىق مۋزىكالىق اسپاپتاردى سىندىرعانىن ايتتى. "كۇزەتشىم ولار ءالى دە وسىندا, سەن تۋرالى سۇراپ جاتىر" دەپ حابارلاستى, &ndash؛ دەيدى حان.

انشى وتباسىمەن بىرگە كەلەسى كۇنى تاڭەرتەڭ كابۋلدان كەتكەن.

تورحام مەن چامان شەكارا بەكەتتەرى ارقىلى اۋعانستاننان قاشقان انشىلەر مەن مۋزىكانتتار ءقازىر يسلاماباد پەن پەشاۆار ماڭىندا جاسىرىنىپ, پاكىستاننان باسقا ەلدە پانا ىزدەۋدىڭ جولىن قاراستىرۋدا.

انشىلەردىڭ سوزىنشە, تالىپتەر جەرگىلىكتى fm راديوستانسيالارىندا مۋزىكاعا تىيىم سالعان.

دوستارى مەن تۋىستارىن قوسقاندا بەس وتباسىمەن ەلدەن قاشقان تاعى ءبىر ءانشى احتار (اتى وزگەرتىلىپ الىنعان) پەشاۆارداعى دوسىنا جەتۋ ءۇشىن بەس كۇن بويى قاشقانىن ايتادى.

قاۋىپتى ساپار كەزىندە ول جۇرەك اۋرۋىمەن اۋىراتىن جەتى جاسار قىزى ءۇشىن قاتتى الاڭداعانىن جەتكىزدى. "مەن ءوز ءومىرىم ءۇشىن ەمەس, قىزىمنىڭ ءومىرى ءۇشىن قاتتى ۋايىمدادىم" دەيدى ول.

"قامشى" سىلتەيدى
ىلمەك سوزدەر: اۋعانستان تاليبان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر