فوتو: www.gov.kz
قازاقستاننىڭ باس سانيتار دارىگەرى ەرلان قياسوۆ جاريالاعان قاۋلىعا قاتىستى اقتوبە قالاسىنىڭ اكىمشىلىك سوتىنا ارىز ءتۇستى. بۇل تۋرالى دياپازون سايتى حابارلادى. ؛
باس سانيتار دارىگەر 3 قىركۇيەكتە جاريالاعان قاۋلىدا ؛كوروناۆيرۋسقا قارسى ۆاكسينا الماعان قىزمەتكەرلەردىڭ جۇمىسقا بارۋىنا تىيىم سالعان. بۇعان وبلىستىڭ 3 تۇرعىنى قارسىلىقتارىن ءبىلدىرىپ, مۇنداي تالاپ دۇرىس ەمەس جانە ؛زاڭعا قايشى دەپ ەسەپتەيدى. ارىزدانۋشىلار باس سانيتاردىڭ كۇندىزگى رەجيمدە جۇمىس ىستەۋگە رۇقسات بەرمەۋ تۋرالى تارماقتاردى الىپ تاستاۋدى تالاپ ەتۋدە.
"اقتوبە سوتى ەرلان قياسوۆتىڭ نۇر-سۇلتاندا جۇمىس ىستەيتىنىن انىقتادى. تۇرعىندار قارسىلىق بىلدىرگەن قاۋلى دا سول قالادا شىعارىلعان بولاتىن. دەمەك ءىس ول جەردە قارالۋى قاجەت. ؛ارىز-شاعىم نۇر-سۇلتان قالاسىنىڭ ماماندىرىلعان اۋدانارالىق اكىمشىلىك سوتىنا جىبەرىلدى" دەلىنگەن رەسمي حابارلامادا. ؛
ەسكە سالا كەتەيىك, 3 قىركۇيەكتە جاريالاعان قاۋلىدا ؛باس سانيتار دارىگەر ەرلان قياسوۆ كوروناۆيرۋسقا قارسى ۆاكسينا الماعان قىزمەتكەرلەردىڭ 6 قىركۇيەكتەن باستاپ جۇمىسقا شىعۋىنا شەكتەۋ قويعان بولاتىن.
بۇل تالاپ تۇراقتى مەديسينالىق قارسى كورسەتىلىمدەرى بار, سوڭعى 3 ايدا كوروناۆيرۋسپەن اۋىرعان جۇمىسشىلارعا قاتىستى ەمەس. قاۋلىدا ۇيىمداردىڭ ناقتى ءتىزىمى دە كورسەتىلگەن. ولاردىڭ ىشىندە بانكتەر, سۇلۋلىق سالوندارى, شاشتارازدار, حيميالىق تازالاۋ ورىندارى, فيتنەس, سپورت كەشەندەرى, تيپوگرافيالىق قىزمەتتەر, تىگىن اتەلەسى, فوتوسالوندار جانە تاعى باسقا حالىققا قىزمەت كورسەتۋ نىساندارى بار.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر