فوتو: qamshy.kz
جامبىلداعى جارىلىس كەزىندە حابار تاراتىپ, ؛جەكە كاسىپكەردىڭ اۋلاسىندا سنارياد شاشىلىپ جاتقانىن جەلىدە جاريالاعان 7 ارنا ءتىلشىسى ؛دانيار ءالىمقۇل تەرگەۋگە الىندى. ؛بۇل تۋرالى جامبىلدىق جۋرناليست جاسۇلان ءابدىحالىق الەۋمەتتىك جەلىدەگى ؛ پاراقشاسىندا حابارلادى. ؛
&ndash؛ بۇگىن ءبىر قورا جۋرناليست دۆد مەن پروكۋراتۋراعا باردىق. دۆد قۇدايعا قاراعان ەكەن. بارعان ماسەلەمىزدى بارىنشا تۇسىندىرۋگە تىرىستى. پروكۋراتۋراڭ پىسقىرمادى. اعا كومەكشىمىن دەگەن ادەمى قىز شىعىپ, "كەلەسى اپتانىڭ سەيسەنبىسىندە كەلىڭدەر قابىلدايمىز نەمەسە انە تۇرعان قوراپقا شاعىمدارىڭدى تاستاڭدار, بولدى" دەپ بۇرىلىپ كەتتى.
بايزاقتاعى جانتۇرشىگەرلىك جارىلىستان كەيىن بىرنەشە قىلمىستىق ءىس قوزعالعان. سونىڭ ىشىندە "باق پايدالانۋ ارقىلى قوعامدىق ءتارتىپتى بۇزۋ ءقاۋپىن تۋدىرعان جالعان اقپاراتتى تاراتۋ" بابى بويىنشا تەرگەۋ جۇرگىزىلىپ جاتىر. وبلىستىڭ ەكى ءجۋرناليسىن دۆد-عا شاقىرىپ, بىرەۋىنىڭ ۇيالى تەلەفونىن تاركىلەپ الىپتى. 4 ساعاتتان استام ۇستاعان. سوتكاسى تاركىلەنگەن 7 ءشى ارنانىڭ "ايبات" جاڭالىقتار قىزمەتىنىڭ ءتىلشىسى دانيار ءالىمقۇل, &ndash؛ دەپ جازدى ج. ءابدىحالىق.
جۋرناليست جازباسىندا دانيار ءالىمقۇلدى كۋاگەر الدە كۇدىكتى رەتىندە شاقىرعانى تۇسىنىكسىز ەكەنىن ايتىپ, بۇل ماسەلە "بالەنىڭ ءبارى بايزاقتاعى ءبىر دەپۋتاتتىڭ ۇيىندە ءۇيىلىپ جاتقان سناريادتاردان باستالسا كەرەك" دەپ جازعان.
&ndash؛ بىرەۋدىڭ قوراسىندا اينالا, بالا-شاعاعا ءقاۋىپ ءتوندىرىپ جاتقان پالەنباي توننا مەتاللومدى ەفيرگە شىعاردىڭ, سول ارقىلى قوعامدىق ءتارتىپتى بۇزىپ جالعان اقپار تاراتتىڭ, جۇرتتى دۇرلىكتىردىڭ دەپ ايىپتاسا, قولىنداعى سوتكاسىن تاركىلەپ السا, ءبىزدىڭ قۇزىرلى ورگاندار بىتكەن ەكەن. شىراقتارىم-اۋ, قايتا دەر كەزىندە دابىل قاعىپ ەلدى ساقتاندىرىپ, قۇزىرلى ورگانداردى قۇلاقتاندىرىپ اقپارات تاراتقانى ءۇشىن سوتكا سىيلايتىن جوندەرىڭ عوي. اقپارات تاراتۋشىلارمەن الىسقانشا الاپات اپاتتىڭ سەبەبىن انىقتاپ, كىنالىلەردى جازالايتىن ۋاقىتتارىڭ بولدى ەمەس پە؟!
جالپى ءقازىر جامبىلدا پيار جاساۋعا, سەنساسيا جاساۋعا ساپارباەۆ پەن جىلقىباەۆ قانا قۇقىلى. ونىڭ وزىندە تەك جاقسى جاعىن جازۋىڭ كەرەك. وبلىستىڭ ولقىلىعىن ايتىپ, سىن جازساڭ جاۋسىڭ, ىرىتكى سالۋشىسىڭ, كوزگە شىققان سۇيەلسىڭ! وسىلاي كوزقاراس قالىپتاسقان, قالىپتاستىرعان. ايتپەسە, بۇل اڭگىمە ماعان ەكى كۇننەن كەيىن جەتتى. اكىمدىگىڭ دە, ىشكى ساياساتىڭ دا, پرەسسەگىڭ دە, كنب كۋراتورىنا دەيىن حاباردار! وتكەندەگى اكىمدىككە كىرەالماي رەزونانس تۋدىرعان اقبوپەنىڭ ايقايىن ءبارى بىلەدى, &ndash؛ دەپ جازدى جۋرناليست.
؛
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر