• usd 424.85

  • eur 504.21

  • rub 5.84

  • cny 65.86

18 قازان, 11:20:26
الماتى
+11°

"سولتۇستىك كورەيا بەلگىسىز سناريادتى جاپون تەڭىزىنە قاراي اتتى" دەپ حابارلادى وڭتۇستىك كورەيا شتاب باسشىلارى. كەيىنىرەك ونىڭ بالليستيكالىق زىمىران ەكەنى انىقتالدى. ودان كەيىن تاعى ءبىر قاناتتى زىمىراننىڭ اتىلعانى حابارلاندى. ؛

جاپونيا دا وبەكتىنىڭ اتىلعانىن جانە بۇل بالليستيكالىق زىمىران بولۋى مۇمكىن ەكەنىن حابارلادى.

جاپونيا پرەمەر-مينيسترى يوشيحيدە سۋگا ۇشىرۋدى ايماقتىڭ بەيبىتشىلىگى مەن قاۋىپسىزدىگىنە قاتەر توندىرەتىنىن ايتىپ, بۇل اسكەري ارەكەتتى "شەكتەن شىققان" دەپ اتادى.

bbc اقپاراتىنا سايكەس, زىمىرانداردىڭ ناقتى قايدا باعىتتالعانى جانە ۇشۋ قاشىقتىعى بەلگىسىز. ؛وڭتۇستىك كورەيانىڭ شتاب باسشىلارى سەۋل ارمياسىنىڭ "اقش-پەن تىعىز ىنتىماقتاستىقتا تولىق دايىندىق كۇيىن" ساقتاپ وتىرعانىن ايتتى.

بالليستيكالىق زىمىران سىناقتارى پەحەنياننىڭ يادرولىق بەلسەندىلىگىن شەكتەۋگە باعىتتالعان بۇۇ -نىڭ شەشىمدەرىنە قايشى كەلەدى.

وڭتۇستىك كورەيا مەن جاپونيا قوسىمشا اقپارات بەرمەدى.

ايتا كەتەيىك, سولتۇستىك كورەيا جاپونيانىڭ كوپ جەرىنە سوققى بەرە الاتىن العاشقى قاناتتى زىمىرانىن بىرنەشە كۇن بۇرىن ؛سىناقتان وتكىزگەن بولاتىن.

ساراپشىلاردىڭ ايتۋىنشا, قاناتتى زىمىران يادرولىق وقتۇمسىقتى الىپ جۇرە الۋى ىقتيمال.

 ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر