فوتو: اشىق دەرەككوز
تاليبان قوزعالىسىنىڭ ءبىلىم ءمينيسترى ابدۋل باقي حاككاني ءباسپاسوز ءماسليحاتىندا اۋعانستاندا ايەلدەر مەن قىزداردىڭ ءبىلىم الۋىنا ءبىرقاتار جاڭا شەكتەۋلەر ەنگىزىلگەنىن مالىمدەدى.
تالىپتەر ايەلدەر مەن ەر ادامداردى بىرگە وقىتۋ "يسلامعا جات" ەكەنىن ايتىپ, اۋعانستانداعى ۋنيۆەرسيتەتتەردە گەندەرلىك سەگرەگاسيا جۇرگىزەتىنىن مالىمدەدى.
"(ەرلەر مەن ايەلدەردى) ارالاس وقىتۋ يسلام قاعيدالارىنا, ەكىنشى جاعىنان ۇلتتىق قۇندىلىقتارىمىزعا جانە اۋعانداردىڭ ادەت-عۇرىپتارى مەن داستۇرلەرىنە قايشى كەلەدى" دەدى حاككاني.
جاڭا ساياساتتى سيپاتتاي وتىرىپ, حاككاني كامپۋستاردى جىنىسىنا قاراي ءبولۋ كەرەك دەپ جاريالادى. ونىڭ ايتۋىنشا, بۇعان جەتۋ ءۇشىن ۋنيۆەرسيتەتتەر بالاما ساباق كەستەسىن قۇرۋى كەرەك نەمەسە اۋديتوريالاردىڭ ورتاسىنان ءبولىنۋىن جانە ورىنداردىڭ جىنىسىنا قاراي ءبولىنۋىن قامتاماسىز ەتۋى كەرەك.
تاليبان قوزعالىسى ايەلدەرگە, ستۋدەنت قىزدارعا ساباق بەرەتىنىنە ۇمىتتەنەتىندەرىن ايتتى. ەگەر بۇل مۇمكىن بولماسا, ەر ادامدار ايەلدەرگە ساباق بەرە الادى, ءبىراق ساباقتاردا شاريعات تالاپتارى قاتاڭ ءتۇسىندىرىلىپ, يسلام زاڭى باسشىلىققا الىنۋى كەرەك.
مينيستر حيدجاب نەمەسە باس كيىمدەر مىندەتتى كيىم ۇلگىسىنىڭ ءبىرى بولاتىنىن ايتتى, ءبىراق ەرەجەنىڭ بەتتى تولىقتاي جاباتىنى يا جاپپايتىنى ناقتىلانبادى.
حاككاني "يسلامدىق جۇيەدەگى" ؛جاڭا ەرەجەلەر باتىسقا قارسى جۇرگىزىلگەن ءساتتى جيھادتىڭ ناتيجەسى ەكەنىن ايتتى.
تالىپتەردىڭ 20 جىل بۇرىنعى ۇكىمەتى كەزىندە ؛ ايەلدەر مەن قىزداردىڭ مەكتەپكە بارۋىنا رۇقسات ەتىلمەگەن. ؛
مينيستر بۇل جولى ول كەزدەگىدەي ساياساتتى قولدانعىسى كەلمەيتىنىن مالىمدەدى.
سەنبى كۇنى تالىپتەر پرەزيدەنت سارايىنىڭ ۇستىندە ءوز تۋىن كوتەرگەن بولاتىن, بۇل &ndash؛ ؛جاڭا ۇكىمەتتىڭ باستالعانىن بىلدىرەدى.
بيلىك باسىنا ورالعاننان بەرى تاليبان ايەلدەرگە سپورتپەن اينالىسۋعا تىيىم سالعان.
كوشەگە شىعىپ, وزدەرىنىڭ قۇقىن تالاپ ەتكەن ايەلدەردى, سونداي-اق ولاردىڭ نارازىلىعىن جاريالاعان اۋعان جۋرناليستەرىن سوققىعا جىققان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر