• usd 424.85

  • eur 504.21

  • rub 5.84

  • cny 65.86

18 قازان, 11:05:57
الماتى
+10°

1983 جىلى اقش ارمياسى گرەناداعا باسىپ كىرگەن بولاتىن. اقش بۇل توسىن اسكەري ارەكەت تۋرالى وداقتاستارىنا, اسىرەسە ۇلىبريتانياعا الدىن الا ەسكەرتۋگە ۇلگەرمەگەن. سول كەزدە اقش پرەزيدەنتى رونالد رەيگان ۇلىبريتانيا پرەمەر-مينيسترى مارگرەت تەچەردەن كەشىرىم سۇرايدى. رەيگان مەن تەچەردىڭ اراسىنداعى قۇپيا جەكە تەلەفون قوڭىراۋلارىن بريتانيالىق the guardian باسىلىمى جاريالادى. كەزىندە قۇپيا بولعان ەكى ەل باسشىسىنىڭ اڭگىمەسىن قامشى ءتىلشىسى وقىرمان نازارىنا ۇسىنادى.

مارگرەت: سالەمەتسىز بە, بۇل مارگرەت تەچەر.
رونالد: مارگارەت, مەن ءسىزدىڭ قاسىڭىزدا بولسام, ەسىكتەن كىرمەس بۇرىن باس كيىمىمدى شەشىپ, سىزدەن كەشىرىم سۇرايتىن ەدىم.
مارگارەت: و, مۇنى ىستەۋدىڭ قاجەتى جوق
رونالد: تىڭداڭىز ... ءبىز ءسىزدى مازالاعانىمىز ءۇشىن قاتتى وكىنەمىز. ؛مەن سىزگە بۇل وقيعانىڭ جاي-جاپسارىن ايتقىم كەلەدى. ؛مەنى تۇنگى ساعات 3-تە دجوردجيادا گولف دەمالىسىندا جۇرگەنىمدە وياتتى. مەن وندا مەملەكەتتىك حاتشىمەن بىرگە بولدىم. ءبىز شىعىس كاريب مەملەكەتتەرى ۇيىمىنىڭ شۇعىل وتىنىشىنە بايلانىستى پيجامامەن ءبىزدىڭ قوناق بولمەدە كەزدەستىك. ؛بىزگە بىردەن ۆاشينگتونعا قايتاتىن توپ كەلدى, ءبىز شۇعىل جوسپار جاسادىق جانە سولاي جەدەل جۇمىستار ىستەدىك. بۇل ءسىز الاڭداۋشىلىق بىلدىرگەننەن بىرنەشە ساعات بۇرىن بولدى. مەن ءوزىم (جاعدايدى) بىلە سالعان كەزدە, ءبىزدىڭ كۇشتەر جولعا شىقتى. ؛ارينە, ۋاقىت ايىرماشىلىعى بار, سول ءۇشىن ءسىز بىلگەن كۇنى كەشىرەك سياقتى كورىندى. ءبىز ءۇشىن مۇندا تاڭەرتەڭگى ساعات 5.30 بولدى, ولار (اسكەريلەر) قونعاننان كەيىن ارميامەن اشىق سويلەسە الدىق.
مارگارەت: مەن سىزگە جاسىرىن تەلەفونمەن دە ۇزاق سويلەسە المايمىن. ويتكەنى بۇل (جوسپارلار) بۇزىلۋى مۇمكىن.
رونالد: ءيا.
مارگارەت: مەن سەزىمتالدىقتى جاقسى بىلەمىن.
رونالد: جارايدى.
مارگارەت: ءيا, بۇل وپەراسيانىڭ ءساتتى بولاتىنىنا سەنەمىز.
رونالد: سولاي بولاتىنىنا سەنىمدىمىز. وتە كەرەمەت ءجۇرىپ جاتىر.
مارگارەت: جاقسى بولدى, رون ءسىز دەموكراتيانى قالپىنا كەلتىرە الاسىز دەپ ۇمىتتەنەمىز.
رونالد: ءبىز ولاردىڭ ۇكىمەتىن قالپىنا كەلتىرۋگە كومەكتەسكىمىز كەلەدى. دەموكراتيالىق ۇكىمەت قايتا قالپىنا كەلسە, ولارعا سەم اعايدىڭ (امەريكانىڭ) ەشقانداي قاجەتى بولمايدى.
مارگارەت: جاقسى, ءالى جۇمىس كوپ, رون, سولاي ما؟
رونالد: ءيا. جانە...
مارگارەت: بۇل وتە قيىن بولادى.
رونالد: ءبىز وپەراسيانىڭ اسكەري بولىگى جاقىن ارادا اياقتالادى دەپ ويلايمىز. ءبىراق مەن ايتقانىمداي, ءبىز ءسىزدى رەنجىتكەنىمىز ءۇشىن كەشىرىم سۇرايمىن, ءبىراق بۇل ءبىزدىڭ قۇپيالىققا قاتىستى السىزدىگىمىزدەن قورقۋىمىز ەكەنىن ءتۇسىنىڭىز.
مارگارەت: رون, سەنىڭ قوڭىراۋ شالعانىڭ جاقسى بولدى.
رونالد: بۇل مەنىڭ قۋانىشىم.
مارگارەت: مەن ونى باعالايمىن. نەنسي قالاي؟
رونالد: جاقسى.
مارگارەت: جاقسى. وعان مەنىڭ سالەمىم مەن ماحابباتىمدى جەتكىز.
رونالد: بىلەمىن, ءبارى جاقسى.
مارگارەت: كوپ راحمەت, مەن پارلامەنتتە وسى پىكىرتالاسقا قايتا ورالۋىم كەرەك. بۇل ءسال كۇردەلى.
رونالد: جارايدى. ولاردى كوندىرىڭىز. ولاردى تىرىدەي جەپ قويىڭىز.
مارگارەت: كوپ راحمەت, ساۋ بولىڭىز.
رونالد: قوش بولىڭىز.

"قامشى" سىلتەيدى
ىلمەك سوزدەر: رەيگان

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر