29 تامىز, 2021 news
فوتو: اشىق دەرەككوز
جامبىل وبلىسى بايزاق اۋدانىندا ءورت شىققان اسكەري قويمادا تاعى دا جارىلىس بولدى. بۇل تۋرالى قورعانىس مينيسترلىگى حابارلادى.  ؛
"26 تامىزدا ءورت شىققان ينجەنەرلىك وق-دارىلەر قويماسىنىڭ اۋماعىندا بۇگىن, 29 تامىز كۇنى ساعات 12:20 شاماسىندا جارىلىس داۋسى ەستىلدى. قازا تاپقاندار مەن زارداپ شەككەندەر جوق, وقيعا ورنىندا ادام بولماعان" ؛دەلىنگەن رەسمي سايت تاراتقان حابارلامادا.
توتەنشە جاعدايدىڭ سەبەپتەرى انىقتالىپ جاتىر.
26 تامىز ساعات كەشكى 19:00 شاماسىندا جامبىل وبلىسى بايزاق اۋدانىندا اسكەري ءبولىم قويمالارىنىڭ بىرىنەن ءورت شىعىپ, ارتىنشا 10-نان استام جارىلىس بولعان.
سوڭعى مالىمەت بويىنشا ءوق-دارى قويماسىنداعى جارىلىستان 13 ادام قازا تاپقان. ولاردىڭ اراسىندا اسكەري قىزمەتشىلەر, ءورت سوندىرۋشىلەر, قۇتقارۋشىلار, اسكەري پروكۋرور بار. تاعى 3 ادام ىزدەستىرىلىپ جاتىر.
بۇگىن, 29 تامىز قازاقستاندا جالپىۇلتتىق ازا تۇتۋ كۇنى بولىپ جاريالاندى. پرەزيدەنت قاسىم-جومارت توقاەۆ اسكەري جانە قىزمەتتىك بورىشىن اتقارۋدا كورسەتكەن ەرلىگى مەن جانقيارلىعى ءۇشىن جامبىل وبلىسىندا اسكەري قويماداعى جارىلىستان قازا تاپقان ازاماتتاردى مەملەكەتتىك ناگرادامەن ماراپاتتادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر