بيۋرو مالىمەتىنشە كەزدەسۋ بارىسىندا ارون اتابەك توپ مۇشەلەرىنە دەنساۋلىعىنا بايلانىستى شاعىمدارىن ايتقان.
؛
&ndash؛ ەكى قولىم اۋرادى, جوعارى كوتەرە المايمىن, بۇگىلمەيدى, قالامساپ ۇستاۋدىڭ ءوزى قيىن. اياعىم دا اۋىرادى, كامەرا ىشىندە عانا جۇرەمىن, سەرۋەنگە شىعۋدان باس تارتتىم. تاكسافونعا كولياسكامەن بارامىن. ەتاپتا سوققىعا جىققان كەزدەگى جاراقاتتارىم بولۋ كەرەك. تولىق (مەديسينالىق-رەد) تەكسەرۋدەن ءوتۋدى ۇسىندى, ءبىراق مەن ودان باس تارتتىم. سەبەبى مەنىڭ جاسىمدا ساۋلە (وبلۋچەنيە) الۋ ءقاۋىپتى دەپ ەسەپەيمىن, &ndash؛ دەگەن ارون اتابەك.
؛
؛
بيۋرو سايتىنىڭ مالىمەتىنشە, مەكەمە اكىمشىلىگى توپ مۇشەلەرىنە ارون اتابەكتىڭ امبۋلاتوريالىق كارتاسىن كورسەتكەن. وندا ول 2021 جىلعى 4 تامىزدا قان ءاناليزىن تاپسىرۋدان, فليۋروگرافياعا تۇسۋدەن, بۋىندارىن رەنگەنگە تۇسىرۋدەن باس تارتقانى جازىلعان. مەكەمە باسشىسى قاپىشەۆ ءادىلحان تەمكەنۇلى ارون اتابەك مەديسينا قىزمەتكەرلەرىنىڭ باقىلاۋىندا ەكەنىن ايتقان.
؛
"228 مەديسينالىق حاتتاماسىندا ارون اتابەكتىڭ سۇيەك-بۋىنى اۋىراتىندىعى, ەكى قولىنىڭ دا ساۋساقتارى دەفورماسيالانعانى, جارتى جىلدان بەرى ءىش قاتۋ سالدارىنان ۇلكەن دارەتكە بارالماي, كليزما الاتىندىعى جانە جۇرگەندە ونەبويى دىرىلدەيتىنى جازىلعان. ؛بۇدان بولەك, حاتتامادا ونىڭ 30.07.2021 جىلى مەديسينالىق تەكسەرۋدەن باس تارتقانى جونىندە, كەيىننەن تەراپەۆت دارىگەردىڭ تەكسەرۋدى كامەرادا وتكىزگەندىگى جونىندە ايتىلعان. دارىگەر ارون اتابەككە سەرەبروسكلەروز, ديسيركۋلياتورلىق ەنسەفالوپاتيا, ستەنوكارديا, سوزىلمالى گاستريت, سوزىلمالى گەمورروي, قول-اياقتىڭ ءارتروزو-ارتيتتى دياگنوزدارىن قويىپ, جالپى كلينيكالىق اناليز تاپسىرۋعا, ۆيتاميندەر ىشۋگە, نەۆروپاتولوگ پەن كارديولوگقا بارۋعا, ۋزي, وبپ جانە رەنگەنگە ءتۇسۋ كەڭەس بەرگەن. ءبىراق ارون اتابەك ونىڭ بارلىعىنان باس تارتقان" دەلىنگەن بيۋرو اقپاراتىندا.
؛
كەزدەسۋ بارىسىندا ارون اتابەك بۇعان دەيىن قۇقىق قورعاۋشى ەلەنا سەمەنوۆا سالەمدەمە الىپ كەلىپ تۇرعانىن, ءبىراق ۇزاق ۋاقىتتان بەرى كەلمەي كەتكەنىن ايتقان. كەزدەسۋ سوڭىندا ارون اتابەك مەرزىمىنەن بۇرىن بوساتۋعا ءوتىنىش جازبايتىنىن, ءۇش جىلدان كەيىن بوستاندىققا شىققان سوڭ تولىقتاي وتەماقى تولەتۋگە شاعىمداناتىنىن جەتكىزگەن. بۇعان قوسا مەكەمە باسشىسىنان مەرزىمىنىڭ سوڭىنا دەيىن ەشقايدا اۋىستىرماۋىن سۇراپ, سوڭىنا دەيىن وسى جەردە قالعىسى كەلەتىنىن مالىمدەگەن.
ارون اتابەك 15 جىلدان بەرى تۇرمەدە وتىر. ول 2006 جىلعى "شاڭىراق" وقيعاسىنان كەيىن 18 جىلعا سوتتالعان. سوت اتابەكتى "شاڭىراق" وقيعاسى كەزىندە قازا تاپقان پوليسيا قىزمەتكەرىنىڭ ولىمىنە ايىپتى دەپ تانىعان.
پىكىر قالدىرۋ
پىكىر