ماڭعىستاۋلىق پارا پاۋەرليفتينگشىلەر: ءبىزدىڭ جەڭىسىمىز, ەلدىڭ جەڭىسى!

 ؛

12 تامىز &ndash؛ سپورت كۇنىنە وراي, اقتاۋداعى اباي اتىنداعى مادەني-دەمالىس كەشەنىنىڭ ستۋدياسىندا سپورتشىلارىمەن كەزدەسۋ ءوتتى. پارا پاۋەرليفتينگپەن اينالىساتىن عاني يسەنتەميروۆ پەن ەرلان يسكاكوۆ وزدەرىنىڭ جەتكەن جەتىستىگى مەن العا قويعان ماقساتىمەن ءبولىستى. ەكى سپورتشى دا پارا پاۋرەليفتينگتەن قازاقستان ۇلتتىق قۇراما كومانداسىنىڭ تىزىمىنە ەنگەن. سونداي-اق, بيىل الەم كۋبوگىندا ەلىمىزدىڭ كوك تۋىن جەلبىرەتىپ ءىى جانە ءىىى ورىنداردى يەلەنگەن. اۋىر اتلەتيكاعا جاتاتىن سپورت ءتۇرىن جانىنا سەرىك ەتكەندەر وزدەرىنىڭ قايسارلىعى مەن تاباندىلىعىنىڭ ارقاسىندا ەل چەمپيونى اتانىپ قانا قويماي, الەمدى دە مويىنداتقان.

- پارا پاۋرەليفتينگپەن اينالىسقانىما ەكى جىل بولدى. ەل ىشىندە ۇيىمداستىرىلعان جارىستاردا توپ جارىپ, التىن, كۇمىس مەدال يەلەندىم. بيىل كوكتەمدە الەمدى مويىنداتتىم. بۇل جەڭىس ۇلكەن ەڭبەكپەن كەلدى. دايىندىق كەزى كارانتين ۋاقىتىنا ساي كەلدى. سوعان قاراماستان ۇيدە بوس جاتپاي جاتتىعىپ, دايىندالا بەردىم. ناتيجەسى جاقسى. ناۋرىز ايىندا مانچەستەر قالاسىندا الەم كۋبوگىندا قولا جۇلدە الدىم. ال مامىر ايىندا بانگكوك قالاسىندا وتكەن جارىستا قولا جۇلدەنى الدىم, دەيدى پارا پاۋەرليفتينگتەن قر چەمپيونى عاني يسەنتەميروۆ. ؛

 ؛ال ەرلان يسكاكوۆ بولسا 2020 جىلدىڭ ناۋرىز ايىندا نۇر-سۇلتان قالاسىندا وتكەن قازاقستان رەسپۋبليكاسىنىڭ چەمپيوناتىندا ءىى ورىن الىپ, پارا پاۋەرليفتينگتەن قازاقستان ۇلتتىق قۇراما كومانداسىنىڭ تىزىمىنە ەنگەن. ءسويتىپ بيىل كوكتەمدە بانگكوك قالاسىندا وتكەن الەم كۋبوگىندا 65 كەلى سالماق دارەجەسىندە سىنعا ءتۇسىپ 90 كەلى اۋىر تەمىردى كوتەرىپ, ءىى ورىن يەلەنگەن.

 ؛-شىنى كەرەك جارىسقا ۇيدە دايىندالدىم. باپكەرىممەن ونلاين بايلانىس جاساپ كۇندەلىكتى جاتتىقتىم. جاتتىقتىرۋشىما دا ۇلكەن راقمەتىمدى ايتامىن. وزىمدە تىنباي ەڭبەكتەندىم. ءسويتىپ بانگكوكتەگى دودادا ءىى ورىن الدىم. قۋانىشىمدا شەك جوق. بۇل مەنىڭ جەڭىسىم! بۇل ەلىمنىڭ جەڭىسى!, دەيدى جارىستان العان اسەرىمەن بولىسكەن ەرلان يسكاكوۆ.

 ؛سپورتشىلاردىڭ ايتۋىنشا ماڭعىستاۋ وبلىسى بويىنشا پارا پاۋەرليفتينگپەن اينالىساتىن 30 ادام بار ەكەن. ءتىپتى ولارمەن بىرگە 72 جاستاعى قاريا دا جاتتىعاتىن كورىنەدى. قارت سپورتشى 2020 جىلى توكيودا وتكەن جارىستا ءى ورىن الىپ قازاقتىڭ كوك تۋىن كوككە جەلبىرەتىپتى. پارا پاۋەرليفتينگىشىلەر سوڭعى كەزدە وڭىردە سپورتقا قىزىعۋشىلاردىڭ كوبەيگەندىگىن بايقاپ, قۋاناتىندارىن دا جاسىرمادى. بۇل دا بولسا سالاۋاتتى ەل بولۋعا جاسالعان قادام دەپ بىلەدى. قوس سپورتشى ءقازىر كۇزدە جانە كەلەسى جىلى بولاتىن جارىستارعا دايىندىقتى باستاپ كەتكەن.

 ؛

 ؛

 ؛

 ؛