"؛قولا داۋىرىندەگى قازاقستان"؛. وليمپياداداعى ساتسىزدىككە كىم كىنالى؟

توكيو وليمپياداسىنىڭ اياقتالۋىنا ەكى كۇن قالدى. قازاقستان ساپىنان ءتورت جىلدىقتىڭ باستى سپورت وقيعاسىنا بارعان سپورتشىلاردىڭ كوبىسى جارىس جولىنا شىعىپ ۇلگەردى. ازىرگە قورجىندا 7 مەدال. ونىڭ بارلىعى قولا. بۇل وليمپيادا تاۋەلسىز قازاقستان تاريحىنداعى ەڭ ءساتسىز ويىن بولىپ وتىر. ماماندار مۇنى ءارتۇرلى جاعدايمەن تۇسىندىرەدى. ءقامشى ؛تىلشىسى ساراپشىلاردان وليمپياداداعى ساتسىزدىكتىڭ سەبەبى تۋرالى سۇراپ كوردى.

 ؛"وزىنىڭ جەڭىلىسىن ءتۇسىندىرىپ بەرە الماعان سپورتشىدان ناتيجە كۇتۋ وتە قيىن"

ازاتتىق ءتىلشىسى رۋسلان مەدەلبەك بيىلعى وليمپيادادا قازاقستاندىق سپورتشىلاردىڭ پسيحولوگيالىق جانە فيزيكالىق دايىندىعى دۇرىس بولماعانىن بايقاعانىن ايتادى.

&ndash؛ بيىلعى وليمپياداعا پاندەميا قاتتى اسەر ەتكەنى اڭعارىلادى. ريو وليمپياداسىندا ناقتى ءبىر سپورتشىلار التىن الادى دەگەن ءۇمىت بولعان ەدى. ال وسى جولى "مىنا سپورتشى التىن الادى-اۋ" دەپ ايتاتىنداي مىقتىلار وتە از بولدى. اسىرەسە ۇدايى ءبىر التىنمەن بولسا دا ورالىپ جۇرگەن بوكسشىلار وليمپياداعا دايىن بولماعان سياقتى. كەيبىر كەزدە بوكسشىلاردا جاتتىعۋ وتە كوپ بولىپ كەتكەندەي كورىندى. سپورتشىلارىمىز تەحنيكا جاعىنان اقساپ جاتتى. بۇنىڭ سەبەبىن ۇلتتىق قۇرامانىڭ باس باپكەرلەرى انىقتاپ, ؛ نە سەبەپ بولعانىن ءتۇسىندىرىپ ايتا جاتار. وسىعان ۇقساس جايت, بالۋانداردىڭ باسەكەسىندە دە بايقالدى. كەشە نۇريسلام ساناەۆ دەگەن بالۋان ەركىن كۇرەستەن جەڭىپ تۇرىپ, سوڭعى ساتتە جەڭىلىپ قالدى. يۋسۋپ باتىرمۋرزاەۆ دەگەن بالۋان 10:0 ەسەبىمەن ۇتىپ جاتىپ, سوڭعى ساتكە كەلگەن كەزدە قارسىلاسىنىڭ ادىسىنە ءتۇسىپ ۇتىلدى. قارسىلاسى يۋسۋپتى كىلەمگە جاتقىزىپ ورنىنان تۇرعىزباي قويدى, &ndash؛ دەيدى ول.

جۋرناليست سوزىنشە, توكيودا قازاقستاندىق سپورتشىلار كوڭىل كۇيلەرى بولماي, قىسىلىپ جۇرگەن. تىلشىلەرمەن سويلەسۋ كەزىندە  ؛وزدەرىنىڭ جەڭىسى مەن جەڭىلىسىن ءتۇسىنىدىرىپ بەرە الماعان.

&ndash؛ ءوزىنىڭ جەڭىلىسىنە تۇسىنىك بەرە الماعان سپورتشىدان ناتيجە كۇتۋ وتە قيىن. كەشە كاراتەدەن دارحان اساديلوۆ دەگەن سپورتشىمىز جارتىلاي فينالعا شىعىپ قولا مەدال الدى. التىن مەن كۇمىسكە دەگەن ءۇمىتىمىز دارحاندا  ؛عانا ەدى. وليمپيادا ويىندارىنىڭ بىتۋىنە 2-اق كۇن قالدى. باسقا سپورتشىلاردا التىن مەن كۇمىسكە ءۇمىت تە جوق, ؛&ndash؛ دەيدى رۋسلان مەدەلبەك.

"قازاق بوكسى كريزيكە ۇشىرادى..."

سيدنەي وليمپياداسىنىڭ چەمپيونى ەرماحان يبرايموۆ تا بوكسشىلاردىڭ وليمپياداداعى سۇرەڭسىز وينىن پاندەميامەن بايلانىستىرادى.

&ndash؛ قازاقستاندا بوكس وسى وليمپيادادا كريزيسكە ۇشىرادى. وعان باستى ءبىر سەبەپ &ndash؛ دۇنيەجۇزىنە كەلگەن پاندەميا. ءبىزدىڭ جىگىتتەرىمىز جارىستارعا دەر كەزىندە شىعا الماي, ۇيىندە قاماۋدا بولدى. سونىڭ ءبارى ولارعا كەرى اسەرىن تيگىزدى. ءقازىر مەن ؛بارىنە كاسىبي كوزقاراسپەن قاراپ وتىرمىن. بوكسشى ساكەن بيبوسىنوۆ شىققان كەزدە ءبىراز قاتەلىكتەر جىبەرىپ جاتتى. سول قاتەلىگىنىڭ كەسىرىنەن شەشۋى كەزەڭدەردە 3:2 ەسەبىمەن بريتانيادىق بوكسشىدان جەڭىلدى, &ndash؛ دەيدى ول.

ەرماحان يبرايموۆ كەلەسى وليمپيادا بۇرىنعىداي مامىراجاي ۋاقىتقا كەلسە, قازاق جىگىتتەرى قايتادان التىن الا الاتىنىنا سەنىمدى.

سونداي-اق ول بوكستان ۇلتتىق قۇراماعا ءوزىن كەڭەسشى رەتىندە الاتىن بولسا, ايانباي بار كۇشىن سالاۋعا ءسوز بەردى. ؛

&ndash؛ بوكسشىلارىمىز تاكتيكالىق قاتەلىكتەر جىبەرىپ جاتتى. بيىلعى سپورتشىلاردان الدىڭعى ەكى قولىمەن اراقاشىقتىق ارقىلى سوققى جاسايتىن بوكسشىنى مۇلدەم كورمەدىم. ءبارى سولاقاي بولسا, سول قولىن, وڭقاي بولسا, وڭ قولىن الا جۇگىرەدى. قولى "تيسە تەرەككە, تيمەسە بۇتاققا" كەتىپ جاتىر. ولاردىڭ ءارقايسىسىنا قاراپ قارنىم اشىپ وتىردى. ؛ەرتە مە, كەش پە ءدال وسىنداي جەڭىلىس بولاتىنى بەلگىلى ەدى. وسىلاي كەتە بەرسەك كەلەسى جولعى وليمپيادا ويىندارىندا ؛ ءبىز قولاعا دا جەتە الماۋمىز مۇمكىن. سىزدەر ارقىلى مينيسترلىككە ۇندەۋ جولداعىم كەلەدى. ولاردىڭ قۇلاعىنا التىن سىرعا. بوكستان وليمپياداعا دايىندايتىن ورتالىقتى قالپىنا كەلتىرسىن, &ndash؛ دەدى وليمپيادا چەمپيونى.

"بىزدىڭ سپورتقا باسشىلىقتان باستاپ وزگەرىس كەرەك"

كوممەنتاتور جاندوس ايتبايۇلى سپورتشىلاردىڭ دەڭگەيىنە قاراپ, بيىلعى وليمپيادا ويىندارىندا ەشكىمنەن التىن كۇتپەگەنىن جاسىرمادى. ول بۇل جولى بۇرىنعىداي جارقىلداپ تۇرعان سپورتشىنى كورە الماعان.

&ndash؛ بيىلعى سپورتشىلاردىڭ ناتيجەسى الا-قۇلا بولدى. ءبىرىنشى جارىستا ۇتادى, ەكىنشىسىنەن ۇتىلادى. بۇرىن 69 كەلى سالماقتاعى بوكسشىلار جۇلدەنى ەشكىمگە بەرمەيتىن. ول كەزدە باقىت سارسەكباەۆ, سەرىك ساپيەۆتەر مىقتى سپورتشىلار قاتارىندا بولدى. وسى جولعى سپورتشىلاردىڭ وزىنە كۇمانمەن قارادىق, &ndash؛ دەيدى جاندوس ايتبايۇلى.

ج. ايتبايۇلى التىن بولماسا دا كىمدەردەن جۇلدە كۇتكەنى اتاپ ءوتتى.

&ndash؛ بىرەۋلەر ەلدوستىڭ التىن الاتىن مۇمكىندىگى بولدى دەپ جاتقان كورىنەدى. ءبىراق جاپوندار ءوز جەرىندە وڭايشىلىقپەن التىندى بەرە قويمايتىنى ماماندارعا الدىن الا تۇسىنىكتى بولعان. بوكستان بەكزات نۇرداۋلەتوۆ مەدال الادى دەپ ءوزىم ءۇمىت كۇتكەن ەدىم. ءۇمىتتى اقتامادى دەپ وسى بەكزات پەن ۆاسيليي لەۆيتتى ايتۋعا بولاتىن شىعار. ولاردى التىن الادى دەپ ويلاعان جوقپىن. سەبەبى ءبىز الدىن الا سپورتشىلاردى زەرتتەدىك, كوردىك. ولاردىڭ قارسىلاستارىنىڭ, قاتىسقان جارىستارىنىڭ ءبارىن سارالاپ, سونداي وي تۇيدىك. دايىندىق ماسەلەسىنە كەلەتىن بولساق, سپورتىشلار جىل 12 اي تەر توكتى. ءبىزدىڭ سپورتشىلار تەڭىز دەڭگەيىنەن 1200 مەتر بيىكتىكە جاتتىعىپ ۇيرەنىپ ءجۇرىپ, بىردەن جاپونياعا باردى. ول جەر تەڭىز دەڭگەيىننەن بار-جوعى 50 مەتر عانا بيىكتىكتە ەكەن. مىسالى, رەسەيلىك بالۋاندار جاپونياعا بارىپ الدىن-الا جاتتىعىپتى. ولار جەرگىلىكتى جەرگە بوي ۇيرەتە المادىق دەيدى. سول سياقتى ءبىزدىڭ سپورتشىلارعا ول جەردىڭ اۋا رايى دا اسەر ەتۋى مۇمكىن. سوندىقتان الدىن الا عىلىمي تۇرعىدا جۇمىس جاساۋ كەرەك پە ەدى دەپ ويلايمىن. مۇمكىن وسىلاي ءبىر قايناۋىمىز كەم بولعان شىعار. ءتىپتى سپورتشىلارىمىزعا بىلىكتى پسيحولوگ ماماندار كەرەك بولعانىن دا ايتتىق.

بىراق ءبىز كۇتپەگەن سپورتشىلار جۇلدە الدى. مىسالى, ساكەن بيبوسىنوۆتى وسى وليمپيادا ويىندارىنىڭ الدىندا جۇلدە الادى دەپ ەشكىم ويلاعان جوق. كىمدەر جۇلدە الۋى مۇمكىن دەپ بولجام جاساعاندا ول تىزىمدە ساكەن بيبوسىنوۆ جوق ەدى. بالكىم, جەكە باپكەرى ساكەنگە سەنگەن شىعار. سول ساكەنگە ساتتىلىك سەرىك بولىپ قولا جۇلدە الدى. ونىڭ ءوزىن ۇلكەن ءبىر ساتتىلىك دەپ ايتۋعا بولادى. ءتىپتى كەشە جارتىلاي فينالدىق كەزدەسۋدە ساكەن ۇتىلعان جوق. تورەشىلەر جەڭىستى ساكەنگە بەرۋگە بولاتىن ەدى. ول كەرەمەت ناتيجە كورسەتتى, &ndash؛ دەيدى ول.

كوممەنتاتور سپورت سالاسىنا ۇلكەن وزگەرىس جاساۋ كەرەك دەگەن پىكىردە.

&ndash؛ سپورتتا جەرگە, ەلگە, رۋعا ءبولىنۋدىڭ قاجەتى جوق. باپكەرلەر دە كەيدە اۋىزبىرشىلىك تانىتا الماي جاتادى. ءبىر باپكەر بىلاي دەسە, ەكىنشى باپكەر باسقانى ايتادى.  ؛بۇل جەردە تەك سپورتشى عانا كىنالى ەمەس, ۇلكەن باسشىدان باستاپ مينيستىرلىككە دە وزگەرىس كەرەك. رەپورتاج بارىسىندا سپورتشىلارىمىز تىم مادەنيەتتى بولىپ كەتتى دەپ استارلى تۇردە ايتىپ جاتىرمىز. سپورت پەن مادەنيەت بولەك ۇعىم عوي. سوندىقتان سپورت مينيسترىلىگىن بولەك قۇرىپ ونىڭ تىزگىنىن سپورتتى بىلەتىن, كەزىندە سپورتتا جاقسى ناتيجە كورسەتكەن ازامات پەن ازاماشالاردى باسشىلىققا العان دۇرىس.

وليمپيادا ويىندارىنا بولەك سپورتشىلار اراسىندا  ؛ىرىكتەۋ جارىس وتكىزگەن دۇرىس. شىن مىقتىعا تۇساۋ جوق, دەيدى عوي. كىم جەڭەدى سول وليمپياداعا بارۋ كەرەك, دەگەن سياقتى ماماندار الداعى ۋاقىتتا وسىندايدى ۇيىمداستىرىپ شەشسە ەكەن. وسى وليمپيادا ويىندارىنان كەيىن پاريج وليمپياداسىنا دايىندىقتى جۇيەلى تۇردە باستاپ,  ؛باپكەرلەردى دە الماستىرۋ كەرەك, &ndash؛ دەدى جاندوس ايتبايۇلى.