قازاقستاندا كۇنباعىس مايى قىمباتتادى

قازاقستاندا كۇنباعىس مايى ءبىر جىلدا 60 پايىزعا قىمباتتاعان. يمپورت ۇلەسى 50 پايىزدى قۇراعان. بۇل تۋرالى ؛informburo.kz  ؛سايتى حابارلادى. ؛

2021 جىلدىڭ قاڭتار-ماۋسىم ايىندا ەل بويىنشا 93,3 مىڭ توننا تازارتىلماعان كۇنباعىس مايى وندىرىلگەن. بۇل بىلتىرعى جىلمەن سالىستىرعاندا 5,9 پايىزعا كوپ. ال تازارتىلعان مايدىڭ ءوندىرىسى 37,4 پايىزعا, 76,9 مىڭ تونناعا كوپ.

تازارتىلعان ماي وندىرۋدەن شىمكەنت قالاسى كوش باستاپ تۇر. ەكىنشى جانە ءۇشىنشى ورىن شقو مەن الماتىعا تيەسىلى. ؛

2021 جىلدىڭ ماۋسىم ايىندا دۇكەن مەن بازارلاردا كۇنباعىس مايى باعاسىنىڭ ءليترى ؛ 713 تەڭگەدەن ساتىلدى. ەڭ قىمبات باعا تۇركىستان قالاسىندا ؛ 773 تەڭگە, ەڭ ارزان اقتوبەدە 621 تەڭگە.

ال جىلدىق باعا ديناميكاسى كورسەتكىشى بويىنشا, ماي بىردەن 60,4 پايىزعا ءوسىپ وتىر. قاراعاندى 80 پايىز, الماتى 75,9 پايىز, باتىس قازاقستان 73,9 پايىزعا ؛ قىمباتتاعان. ؛

ال اتىراۋ وبلىسىندا كۇنباعىس مايىنىڭ باعاسى ارزانداۋ بولدى. ءبىر جىلدا تەك 38,1% قىمباتتادى. ؛