• usd 424.85

  • eur 504.21

  • rub 5.84

  • cny 65.86

24 قىركۇيەك, 14:22:37
الماتى
+18°

بۇل ماسەلەنىڭ تۋىنداعانىنا كوپ بولا قويعان جوق. الايدا, ەلىمىزدىڭ مادەنيەت جانە سپورت مينيسترلىگى وسىعان وراي ماردىمدى جاۋاپ قايتاراتىن ءتۇرى جوق.

ەسكە سالا كەتەيىك, بۇل كەشەننىڭ قۇرىلىسىنا مەملەكەت تاراپىنان 124 ميلليون اقش دوللارى جۇمسالعان بولاتىن. قازىرگى باعاممەن ەسەپتەگەندە بۇل دەگەنىڭىز 53 ميلليارد تەڭگە ەكەن. قازىرگى تاڭدا سپورتشىلار وسى كەشەندە سپورتتىڭ 18 تۇرىمەن شۇعىلدانادى.

جەكەنىڭ قولىنا وتكەن جاعدايدا, ول جەردە تەك ۆەلوترەك قانا قالىپ, جىل سايىن 2 ميلليارد تەڭگە عانا سۋبسيديا تولەنەدى دەپ كۇتىلۋدە.

سپورتتىڭ قالعان 17 ءتۇرىنىڭ تاعدىرى ازىرگە ەشكىمگە بەيمالىم قالىپ وتىر. سول سياقتى وسى ماڭىزدى وبەكتىنىڭ كىمنىڭ قولىنا وتەتىنى دە جۇمباق كۇيىندە.

استانامىزدىڭ سول جاعالاۋىندا ورنالاسقان «؛سارىارقانىڭ»؛ جالپى اۋماعى 50 000 شارشى مەتردى قۇرايدى. ۆەلوترەك پەن مۇز ايدىنىن قامتيتىن بۇل كەشەندە وليمپيادا سپورتشىلارى دايارلىقتان وتەدى, سونىمەن قاتار تۇرمىسى تومەن وتباسىلار مەن مۇگەدەكتەر ءۇشىن دە جەڭىلدىكتەر قاراستىرىلعان ەدى.

كەشەننىڭ ەڭ ماڭىزدى ارتىقشىلىعى مىنادا. ونداعى ارەنانى كەز-كەلگەن ساتتە بوكس, دزيۋدو, گيمناستيكا, باسكەتبول, ۆولەيبول جارىستارىن وتكىزۋگە, سونداي-اق, كونسەرتتىك باعدارلامالار ۇيىمداستىرۋعا ىڭعايلاستىرۋعا بولادى.

سونىمەن, استانانىڭ سول جاعالاۋىندا جاسالىپ جاتقان بىلىقتار بىر-بىرىمەن باتتاسىپ جاتىر.

سپورتقا ەشبىر قاتىسى جوق كومپوزيتور-مينيستر جاپونياعا ات تەرلەتىپ بارىپ, وليمپيادانى جاپادان جالعىز تاماشالاپ ءماز, ال ۇلتتىق ارنالاردان جانكۇيەر بولۋدى قانشا ارمانداعان ءبىز سەكىلدى قاراپايىم جۇرت جوعارى بيلىكتە وتىرعان شەنەۋنىكتەردىڭ بۇل ارەكەتىن تۇسىنبەي دال بولۋدا. باسقا باسقا سپورت جانە دەنە شىنىقتىرۋ كوميتەتىنىڭ ءتوراعاسى سەرىك ساپيەۆ مۇنى ءتۇسىنۋى ءتيىس ەمەس پە! نە تەلەديداردا جوق, تەك الەۋمەتتىك جەلىلەردەن عانا وقيمىز دا قويامىز. ءبىز قاي عاسىردا ءومىر ءسۇرىپ وتىرمىز؟

ال چەمپيوندار ليگاسى دەگەندە, بارلىق تراسلياسياعا قىرۋار قارجى بولىنەدى. اۋ, وليمپيادا ويىندارىندا ەلىمىزدىڭ نامىسىن جىرتۋعا بارعان جەرلەستەرىمىزدى كوك جاشىككە تەلمىرىپ, قولداۋ كورسەتە الماساق, ەلدىگىمىز قايدا؟

ەندى مىنە سول سوراقىلىقتىڭ سوڭىن الا نۇر-سۇلتاننىڭ قاق تورىندەگى «؛سارىارقا»؛ دا قولدى بولىپ كەتپەك پە! ال, مادەنيەت (وكىنىشكە قاراي سپورت ەمەس) مينيسترلىگىنىڭ جاعاسى جايلاۋدا.

سويتىپ, كىمنىڭ قولىنا, كىمگە وتپەك؟ ءبىزدىڭ سالىق تولەمدەرىمىزدىڭ ەسەبىنەن سالىنعان وسىنداي وبەكتىلەر ءبىزدىڭ پىكىرىمىزدى پىسقىرماي, جەكە مەنشىككە وتە بەرۋى ءتيىس پە؟

مەملەكەتتىك جەكە كاسىپكەرلىك مەكەمەسى مۇمكىندىگىنشە قولدان كەلگەننىڭ ءبارىن جاساپ جاتىر. ءبىر جاعىنان ولاردى تۇسىنۋگە دە بولادى. دەگەنمەن, ولاردىڭ دا جۇمىسىن ءمىز باقپاس شەنەۋنىكتەر ابدەن سەرگەلدەڭگە سالعانعا ۇقسايدى.

شىنتۋايتقا كەلگەندە, مادەنيەت مينيسترلىگى مەملەكەتىمىزگە دەگەن سەنىمدى تام-تۇمداپ جوعالتا باستادى!

تۇرمىسى تومەن وتباسىلار مەن مۇگەدەكتەر تىرنەكتەپ جيعان-تەرگەندەرىن سپورتپەن شۇعىلدانۋعا, سالاۋاتتى ءومىر سالتىن قالىپتاستىرۋعا جۇمساپ, كەيبىر اتا-انالار وزدەرىنىڭ قولدارى تيمەسە دە, بالدارىن سپورت ۇيىرمەلەرىنە بەردىم دەپ ءماز بوپ جۇرگەندە, كەنەتتەن وسىنداي پروبلەمالارعا ۇرىنا باستادى. جەر استىنان جىك شىقتى, ەكى قۇلاعى تىك شىقتى! سوندا سپورتتىڭ قالعان 17 ءتۇرىن شەندى شەكپەندىلەر دويبىنىڭ تاستارىن سەكىلدى تاقتادان شەرتىپ-شەرتىپ دالاعا لاقتىرىپ تاستاي بەرگەنى مە؟

ەڭ سوراقىسى سول, جەكەنىڭ قولىنا ءوتىپ كەتكەن جاعدايدىڭ وزىندە جەكە مەپنشىك يەسىنە مەملەكەتتىك بيۋدجەتتەن جىل سايىن 2 ميلليارد تەڭگە ءبولىنىپ وتىرادى ەكەن! ال بۇل اقشا تەك ۆەلوسپورتشىلار ءۇشىن عانا!

ەندى مىنا فاكتىگە نازار اۋدارىپ كورىڭىزشى. وليمپيادا سپورتشىلارىن دايارلايتىن ورتالىقتىڭ ەكى كەشەنى بار. سپورتتىڭ ونداعان تۇرلەرىنە ول جەردە جىلىنا شامامەن 2,8 ميلليارد تەڭگە بولىنەدى. سوندا ۆەلوسپورت ءبىزدىڭ ۇلتتىق ويىن ءتۇرى مە؟

ەگەمەندىكتىڭ العاشقى جىلدارى ەرىكسىز ەسىمىزگە تۇسەدى. مەملەكەتتىك وبەكتىلەر, بالاباقشا, باسقا دا مادەني وشاقتار بولماشى باقىرعا ساتىلىپ, شەنەۋنىكتەردىڭ شەكپەنىن جامىلعاندار ويلارىنا كەلگەندەرىن جاساي باستادى.

تۇك وزگەرمەپپىز! باياعى جارتاس سول جارتاس!

ع. بەكزات

"قامشى" سىلتەيدى
ىلمەك سوزدەر: سارىارقا

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر