• usd 424.85

  • eur 504.21

  • rub 5.84

  • cny 65.86

24 قىركۇيەك, 15:10:16
الماتى
+18°

رەجيسسەر, ونەر قايراتكەرى بولات اتاباەۆ ومىردەن وزدى. جاقىندارى ونىڭ بىرنەشە كۇن بۇرىن بۇيرەگىنە سۋىق تيگىزىپ, اۋرۋحاناعا تۇسكەنىن ايتادى.

بولات ماناشۇلى اتاباەۆ 1952 جىلى 14 مامىردا الماتى وبلىسى تەنتەك اۋىلىندا تۋعان.

1974 جىلى قازاق مەملەكەتتىك حالىقارالىق قاتىناس تىلدەرى ۋنيۆەرسيتەتىن, 1983 جىلى تەاتر جانە كوركەمسۋرەت ينستيتۋتىن بىتىرگەن. 1990 جىلى گەرمانياداعى ميۋنحەن ۇلتتىق تەاترىندا تاجىريبەدەن وتكەن.

رەجيسسەرلىك جولىن ؛قاراعاندى وبلىسىنىڭ ؛تەمىرتاۋ قالاسىنداعى ؛نەمىس دراما تەاترىندا ؛سپەكتاكلدەر (ف.شيللەردىڭ "زۇلىمدىق پەن ماحابباتى" ت.ب.) قويۋمەن باستاعان. ؛

1990 جىلى ؛قازاق مەملەكەتتىك اكادەميالىق دراما تەاترىنا ؛اۋىسىپ, ول جەردە ب.ريموۆانىڭ "قوس مۇنلىق", م.ماقاتاەۆتىڭ "قوش, ماحاببات" (ەكەۋى دە 1991), ي.ورازباەۆتىڭ "شىڭعىس حان" (1994), ق.ىسقاقتىڭ "جان قيماق" (1995), ر.مۇقانوۆانىڭ "ماڭگىلىك بالا بەينە" (1996), ا.كەكىلباەۆتىڭ "ابىلاي حان" (1998؛ سپەكتاكل پرەمەراسى نۇر-سۇلتان قالاسىندا ءوتتى), ا.چەحوۆتىڭ "شاعالا" (1998), م.مەتەرلينكتىڭ "سوقىرلار" (1993), ب.برەحتتىڭ "توعىشاردڭ تويى" (1999)؛ سونىمەن قاتار ر.مۇقانوۆانىڭ "قارالى سۇلۋ" (م.اۋەزوۆتىڭ شىعارماسى بويىنشا؛ 1997, ؛قازاق مەملەكەتتىك اكادەميالىق جاستار مەن بالالار تەاترى), ر.بولگتىڭ "كىشكەنە سەرى" (1981, گەرمانياداعى پارحيم تەاترى) ت.ب. سپەكتاكلدەردى قويعان.

رەسپۋبليكالىق نەمىس تەاترىنا باسشىلىق جاسادى.

ارىپتەستەرى ونى باتىل ساحنالىق ەكسپەريمەنتتەرگە باراتىن, سپەكتاكلدىڭ كوركەمدىك- ەستەتيكالىق ءمان-مازمۇنىن اشۋعا دەن قوياتىن ىزدەنىمپاز رەجيسسەر رەتىندە سيپاتتاعان.

بولات اتاباەۆ ەلدەگى ساياسي-قوعامدىق ماسەلەلەرگە ءجيى ءۇن قاتىپ, بيلىكتى سىناعان. وپپوزيسيالىق بەلسەندىلىگى ءۇشىن قۋعىندالعان. جاڭاوزەن وقيعاسىنان كەيىن "الەۋمەتتىك ارازدىق قوزدىرۋ" بابى بويىنشا قامالىپ, كەيىن بوساتىلعان. ونىڭ قامالۋىنا قوعامدا قارسىلىق تانىتقاندار كوپ بولدى.

رەجيسسەر بوساپ شىققان سوڭ دا بەلسەندىلىگىن توقتاتپادى. ءبىراق ونى قۋعىنداۋ دا توقتاعان جوق. اقىرى اتاباەۆ گەرمانياعا كەتىپ, سول جاقتا ون جىلعا جۋىق ۋاقىت تۇرىپ كەلدى. گەرمانيادا ءدارىس بەرگەن. بىلتىر سول جاقتا اۋىر وپەراسيا جاساتقان.

رەجيسسەردىڭ وتانىنا ورالعانىنا كوپ بولماعان.

"قامشى" سىلتەيدى
ىلمەك سوزدەر: بولات اتاباەۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر