• usd 468.56

  • eur 497.56

  • rub 7.3

  • cny 67.18

29 ناۋرىز, 15:55:18
الماتى
+35°

ەۋرووداق ؛moderna كومپانياسى ؛جاساعان "spikevax" ؛ۆاكسيناسىن 12-17 جاس ارالىعىنداعى بالالارعا كوروناۆيرۋسقا قارسى ؛قولدانۋعا رۇقسات بەردى. بۇل تۋرالى بي-بي-سي سايتى حابارلادى.

ەۋروپالىق دارىلىك زاتتار اگەنتتىگىنىڭ حابارلاۋىنشا, "spikevax" ۆاكسيناسى بالالارعا ەرەسەكتەرگە سالىنعانداي يىقتان سالىنادى. بالالار ۆاكسينانىڭ ءبىرىنشى كومپونەنتىن العانان كەيىن اراعا ءتورت اپتا سالىپ, ەكىنشى كومپونەنتىن الۋعا ءتيىس.

"spikevax" ۆاكسيناسىنىڭ تيىمدىلىگىن زەرتتەۋگە 12-17 جاس ارالىعىنداعى 3732 بالا قاتىسقان. زەرتتەۋ بارىسىندا ۆاكسينا سالدىرعاننان كەيىن بالالاردىڭ دەنەسىندە covid-19 تارالماعانى انىقتالعان. وسىلايشا, "spikevax" ۆاكسيناسىنىڭ تيىمدىلىگى ەرەسەكتەرگە ارنالعان ۆاكسيناعا ۇقساس دەگەن قورىتىندى جاسالدى.

"ۆاكسينا قابىلداعاننان كەيىن بالالاردا اۋىرسىنۋ مەن ءىسىنۋ, شارشاۋ, باس اۋرۋى, بۇلشىقەت پەن بۋىندارداعى اۋىرسىنۋ, قالتىراۋ, جۇرەك اينۋ, قۇسۋ سەكىلدى ؛اسەرلەرى بايقالۋى مۇمكىن. ؛بۇل اسەرلەر ادەتتە جەڭىل نەمەسە ورتاشا دارەجەدە وتەدى. ۆاكسيناسيادان بىرنەشە كۇن وتكەننەن كەيىن اعزا قالپىنا كەلەدى" دەپ جازىلعان حابارلامادا.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر