فوتو: اشىق دەرەككوز
مەملەكەت باسشىسى قاسىم-جومارت توقاەۆ ءۇندىستان پرەزيدەنتى رام نات كوۆيندكە كوڭىل ايتۋ جەدەلحاتىن جولدادى. بۇل تۋرالى اقوردا سايتى حابارلادى.
"قازاقستان پرەزيدەنتى ماحاراشترا شتاتىندا بولعان سۋ تاسقىنى مەن لاي كوشكىنى سالدارىنان كوپتەگەن ادامنىڭ قازا تاپقانى جانە ۇيلەر مەن عيماراتتاردىڭ قيراعانى تۋرالى سۋىت حاباردى تەرەڭ كۇيزەلىسپەن قابىلدادى" دەلىنگەن رەسمي سايت تاراتقان حابارلامادا.
&ndash؛ قازاقستان حالقىنىڭ جانە جەكە ءوزىمنىڭ اتىمنان قازا بولعان ادامداردىڭ وتباسىلارىنا كوڭىل ايتامىن جانە زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك بىلدىرەمىن. ءىز-تۇزسىز جوعالعان وتانداستارىڭىز ءوز وتباسىلارىنا امان-ەسەن ورالسىن. وسىنداي قيىن-قىستاۋ شاقتا ءبىز ءۇندىستان حالقىمەن بىرگەمىز, &ndash؛ دەلىنگەن جەدەلحاتتا.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر