فوتو: akorda.kz
پرەزيدەنت قاسىم-جومارت توقاەۆ سيفرلىق دامۋ, يننوۆاسيالار جانە اەروعارىش ونەركاسىبى ءمينيسترى باعدات ءمۋسيننىڭ ەسەبىن تىڭدادى. بۇل تۋرالى پرەزيدەنتتىڭ ءباسپاسوز حاتشىسى بەرىك ءۋالي facebook پاراقشاسىندا جازدى.
؛
مۋسين توقاەۆقا مينيسترلىكتىڭ بيىلعى ءبىرىنشى جارتىجىلدىقتاعى اتقارعان جۇمىستارى, مەملەكەتتىك قىزمەت كورسەتۋ ءىسىن دامىتۋدىڭ وزەكتى ماسەلەلەرى, سونداي-اق پرەزيدەنتتىڭ قازاقستان رەسپۋبليكاسى ۇكىمەتىنىڭ كەڭەيتىلگەن وتىرىسىندا بەرگەن تاپسىرمالارىنىڭ ورىندالۋى تۋرالى بايانداعان.
؛
"مەملەكەت باسشىسىنا ينتەرنەت ساپاسىن ارتتىرۋ ءۇشىن قابىلدانىپ جاتقان شارالار تۋرالى مالىمەت بەردى. باعدات ءمۋسيننىڭ ايتۋىنشا, مينيسترلىك ينتەرنەت ساپاسىن تەكسەرۋدى جيىلەتكەن. سونىڭ ناتيجەسىندە ساپاسىز قىزمەت كورسەتكەنى ءۇشىن بايلانىس وپەراتورلارىنا ايىپپۇل سالىنعان.
؛
سونىمەن قاتار ۆەدومستۆو باسشىسى پرەزيدەنتكە بيىلعى التى اي ىشىندە قازاقستانداعى ينتەرنەت ترافيگى 7900 پەتابايتقا دەيىن ارتقانىن جەتكىزدى. بۇل بىلتىرعى ءبىر جىل ىشىندەگى كورسەتكىشپەن سالىستىرعاندا 15 پايىزعا ارتىق.
؛
مينيستر ينتەرنەت ساپاسىنا قاتىستى نەگىزگى كورسەتكىشتەر بويىنشا ءوسىمنىڭ وڭ قارقىنى بار ەكەنىنە نازار اۋداردى. قازاقستان ءبىر جىل ىشىندە ءموبيلدى ينتەرنەتتىڭ جىلدامدىعى بويىنشا speedtest global index رەيتينگىندەگى الاتىن ورنىن 15 ساتىعا جاقسارتىپ, ء80-شى ورىندى يەلەنگەن. قازاقستان بەكىتىلگەن ينتەرنەت جىلدامدىعى جونىندەگى رەيتينگتە ء65-شى ورىندا تۇر.
؛
سونىمەن قاتار مەملەكەت باسشىسىنا شالعاي اۋىلداردا جىلدامدىعى جوعارى كەڭ جولاقتى ينتەرنەتكە قول جەتىمدىلىكتى قامتاماسىز ەتۋ ءۇشىن جەر ءۇستى وربيتالىق سپۋتنيكتىك بايلانىستىڭ جەتەكشى وپەراتورلارىمەن بىرلەسە جۇرگىزىلىپ جاتقان جۇمىستار جونىندە باياندالدى" دەلىنگەن حابارلامادا.
؛
بۇدان بولەك باعدات مۋسين كوروناۆيرۋس ىندەتىنە قارسى كۇرەستە جاڭا سيفرلىق تەحنولوگيالاردىڭ قولدانىلۋى جانە مەملەكەتتىك قىزمەت كورسەتۋ ۇدەرىسىن وڭتايلاندىرۋ جونىندە ەسەپ بەردى.
؛
اڭگىمەلەسۋ سوڭىندا پرەزيدەنت توقاەۆ ءبىرقاتار ناقتى تاپسىرما بەردى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر