• usd 468.56

  • eur 497.56

  • rub 7.3

  • cny 67.18

29 ناۋرىز, 17:55:46
الماتى
+35°

فوتو: ءدىنتانۋ جانە مادەنيەتتانۋ كافەدراسى

23 شىلدە كۇنى ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتى ءدىنتانۋ جانە مادەنيەتتانۋ كافەدراسىنىڭ پروفەسسورى, فيلوسوفيا عىلىمدارىنىڭ دوكتورى شامشيا رىسبەكوۆا دۇنيەدەن وزدى. بۇل تۋرالى كافەدرا ۇجىمى ءمالىم ەتتى.

"ۇجىمىمىز ورنى تولماس قايعىعا ۇشىراپ, بىلىكتى مامان, ءوز ءىسىنىڭ شەبەرى, ۇلاعاتتى ۇستاز, تانىمال عالىم, ەلىمىزدەگى ءدىنتانۋ سالاسىنىڭ قالىپتاسۋىنا, دامۋىنا ءوز ۇلەسىن قوسقان ارىپتەسىنەن ايىرىلىپ قالدى.

شامشيا رىسبەكوۆا فاكۋلتەت پەن كافەدرا تاراپىنان تاپسىرىلعان قوعامدىق جۇمىستاردى جاۋاپكەرشىلىكپەن, ۋاقىتىندا اتقاردى. عىلىمي-زەرتتەۋ جۇمىسىن ۇستازدىق قىزمەتپەن ساباقتاستىرا بىلەتىن, جاۋاپكەرشىلىگى مول, ارىپتەستەرى اراسىندا قۇرمەتكە يە قىزمەتكەر بولعان. ءارقاشان جان-جاعىنا ادال, قىزمەتىنە اسا جاۋاپكەرشىل, شاكىرتتەرىنە تالاپشىلدىعىمەن قوسا قامقورلىعى باسىم بولعان شامسيا سايدعاليقىزى ومىرگە دەگەن ءپوزيتيۆتى كوزقاراسىمەن, قايراتتى تاباندىلىعىمەن ەرەكشە جان ەدى. اۋىر دەرت جانىنان قانشا باتسا دا, ەش سىر بەرمەي, سول باتىل, وتكىر مىنەزىمەن ەسىمىزدە قالدى. اسقان سابىرلىق پەن شىدامدىلىقتى ءبىر بويىنا جيناپ, اۋىرسىنعانىن بىلدىرمەي, ءۇنسىز كەتە باردى...

ال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتى, ءدىنتانۋ جانە مادەنيەتتانۋ كافەدراسىنىڭ ۇجىمى فيلوسوفيا عىلىمدارىنىڭ دوكتورى رىسبەكوۆا شامشيا سايدعاليقىزىنىڭ قايتىس بولۋىنا بايلانىستى مارقۇمنىڭ وتباسى مەن تۋىستارىنا قايعىرىپ, كوڭىل ايتادى" دەلىنگەن قارالى حاباردا.

رىسبەكوۆا شامشيا سايدعاليقىزى &ndash؛ ءال-فارابي اتىنداعى قازاق ۇلتتىق ۋنيۆەرسيتەتى فيلوسوفيا جانە ساياساتتانۋ فاكۋلتەتىنىڭ تۇلەگى. ەڭبەك جولىن 1993 جىلى قازاق فيلوسوفياسى تاريحى بولىمىندە كىشى عىلىمي قىزمەتكەر رەتىندە باستاپ, 1995 جىلعى اقپان ايىنان فيلوسوفيا جانە ساياساتتانۋ ينستيتۋتى جانىنداعى اسپيرانتۋرادا وقىعان. 2003 جىلدان باستاپ ءال-فارابي اتىنداعى قازۇۋ, فيلوسوفيا جانە عىلىم ءادىسناماسى كافەدراسىندا قىزمەت اتقارعان.

1999 جىلى فيلوسوفيا تاريحى ماماندىعى بويىنشا فيلوسوفيا عىلىمدارىنىڭ كانديداتى عىلىمي دارەجەسىن الۋ ءۇشىن "پروبلەما سۋششنوستي ي نازناچەنيا چەلوۆەكا ۆ فيلوسوفيي ابايا" تاقىرىبىندا كانديداتتىق ديسسەرتاسيا قورعاعان. 2010 جىلى فيلوسوفيا جانە ءدىن تاريحى, فيلوسوفيالىق انتروپولوگيا, مادەنيەت فيلوسوفياسى ماماندىعى بويىنشا فيلوسوفيا عىلىمدارىنىڭ دوكتورى عىلىمي دارەجەسىن الۋ ءۇشىن "انتروپولوگيچەسكيي ديسكۋرس ۆ سوۆرەمەننوي رەليگيوزنوي فيلوسوفيي" اتتى دوكتورلىق ديسسەرتاسيا قورعادى.

اسپيرانتۋرانى بىتىرگەننەن كەيىن بجەا-نىڭ "فيلوسوفيا جانە تىلدەر" كافەدراسى "فيلوسوفيا" سەكسياسىنىڭ مەڭگەرۋشىسى قىزمەتىن اتقارعان.

شامشيا رىسبەكوۆا 100-دەن استام عىلىمي ەڭبەك, 3 مونوگرافيا جانە 15 وقۋ قۇرالىن جازعان. تومسون رەيتەر (web of science, thomson reuters), scopus اتتى عىلىميمەتريالىق بازالارعا كىرەتىن نولدىك ەمەس يمپاكت-فاكتورى بار عىلىمي جۋرنالداردا 15-كە جۋىق ماقالاسى جاريالانعان.

"دىنتانۋ" ماماندىعى بويىنشا باكالاۆريات, ماگيستراتۋرا جانە دوكتورانتۋرا دەڭگەيلەرىنە مەملەكەتتىك ستاندارتتار مەن ۇلگىلىك جانە وقۋ باعدارلامالارىن, سيللابۋستاردى دايىنداۋعا بەلسەندى قاتىسقان.

"قامشى" سىلتەيدى
ىلمەك سوزدەر: شامشيا رىسبەكوۆا

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر