• usd 424.51

  • eur 504.06

  • rub 5.8

  • cny 65.73

30 شىلدە, 07:01:00
الماتى
+19°

فوتو: "؛nur otan"؛ پارتياسىنىڭ ءباسپاسوز قىزمەتى

"nur otan" پارتياسى ءتوراعاسىنىڭ ءبىرىنشى ورىنباسارى باۋىرجان بايبەك الماتىدا ازاماتتاردى قابىلدادى. ول 2016 جىلى وڭتۇستىك استانادا ورىن العان تەراكت كەزىندە قازا تاپقان پوليسەي ايان عاليەۆتىڭ وتباسىمەن جانە 10 بالا تاربيەلەپ وتىرعان كوپبالالى جالعىزباستى انامەن كەزدەستى دەپ حابارلايدى ؛qamshy.kz اقپارات اگەنتتىگى "astanatv" تەلەارناسىنا سىلتەمە جاساپ.

 ؛فوتو: astana tv

5 جىل بۇرىن الماتىلىق پوليسەي ايان عاليەۆتىڭ وتباسى اسىراۋشىسىنان ايىرىلدى. پوليسيا قىزمەتكەرى تەرروريست قولىنان قازا تاپتى. مارقۇمنىڭ زايىبى مەن ەكى بالاسىنا تۇڭعىش پرەزيدەنت نۇرسۇلتان نازارباەۆتىڭ اتىنان سول كەزدەگى قالا اكىمى باۋىرجان بايبەك پاتەر كىلتىن تابىس ەتكەن بولاتىن.

فوتو: astana tv

جاڭا قونىس يەلەرىنىڭ تۇرعىن ۇيگە الاڭسىز جايعاسۋى ءۇشىن جوندەۋ جۇمىستارىنا دا كومەك بەرىلدى. "سودان بەرى مەملەكەتتىڭ عانا ەمەس, بارشا قازاقستاندىقتاردىڭ قولداۋىن سەزىنىپ كەلەمىز" دەيدى پوليسيا قىزمەتكەرىنىڭ جەسىرى انار اسانوۆا پارتيا ءتوراعاسىنىڭ ءبىرىنشى ورىنباسارىمەن كەزدەسۋ بارىسىندا.

 ؛فوتو: astana tv

&ndash؛ ؛بۇل تراگەديا بولعان كەزدە مەن بالالارىمىز, ولاردىڭ بولاشاعى ءۇشىن قاتتى الاڭدادىم. ويتكەنى, ءبىز اسىراۋشىمىزدان ايرىلىپ قالدىق. ءبىراق, كەيىن ءبىز جالعىز ەمەس ەكەنىمىزدى ۇعىندىق. بىزگە مەملەكەت, ەلباسى اۋقىمدى كومەك پەن قولداۋ كورسەتتى. بىزگە سىيعا بەرىلگەن پاتەر مەن ەرەكشە نازار اۋدارعاندارى ءۇشىن العىسىم شەكسىز. جۇبايىمنىڭ ءوزى ومىردەن وتسە دە, ول بىزگە مەملەكەتتىڭ اتىنان ءالى دە كومەك بەرىپ جاتىر, &ndash؛ دەدى انار اسانوۆا.

فوتو: astana tv

باۋىرجان بايبەك كوپبالالى انا اينۇر ارعىنبەكوۆامەن دە كەزدەستى. كۇيەۋى قايتىس بولعان سوڭ 10 بالاسىمەن قالعان كەلىنشەك نەبىر قيىن كۇندەردى باستان وتكەرگەنىن ايتتى. قاراجات تاپشىلىعىنان ولمەستىڭ كۇنىن كەشىپ, ۇي-كۇيسىز جۇرگەندە مەملەكەت كومەك قولىن سوزعان. مەسەناتتاردىڭ قولداۋىمەن جالعىزباسى انا الماتىدان ءۇش بولمەلى پاتەر الدى. ؛

&ndash؛ 4 جىل بۇرىن ەلباسى اتىنان باۋىرجان قىدىرعاليۇلىنىڭ قولىنان پاتەر كىلتىن الدىق. بۇگىن ول ءبىزدى تاعى دا كەزدەسۋگە شاقىرىپ, حال-جاعدايىمىزدى سۇراپ جاتىر. وسىنداي قامقورلىعى ءۇشىن راقمەت ايتامىن. ەگەر مەملەكەت بولماسا, نە ىستەرىمدى ءتىپتى, بىلمەس ەدىم, ؛&ndash؛ دەدى اينۋر ارگىنبەكوۆا. ؛

"وز كەزەگىندە "nur otan" پارتياسى ءتوراعاسىنىڭ ءبىرىنشى ورىنباسارى باۋىرجان بايبەك ازاماتتاردى قابىلداۋ بارىسىندا بۇگىندە ەلباسى, پارتيا ليدەرى نۇرسۇلتان نازارباەۆ پەن مەملەكەت باسشىسى قاسىم-جومارت توقاەۆتىڭ تاپسىرماسى بويىنشا الەۋمەتتىك وسال توپتارعا, كوپبالالى وتباسىلارعا دا ەرەكشە كوڭىل بولىنەتىنىن اتاپ ءوتتى. "باقىتتى وتباسى" باعدارلاماسى قارقىندى ىسكە اسىرىلۋدا.

بۇل ماسەلەدەن "nur otan" پارتياسىنىڭ مۇشەلەرى دە شەتتە قالمايدى. جىل باسىنان بەرى پارتيانىڭ قوعامدىق قابىلداۋلارى 14 مىڭنان استام قابىلداۋ وتكىزىپ, 74 مىڭ قازاقستاندىقتىڭ مۇڭ-مۇقتاجىن تىڭدادى. وتىنىشتەردىڭ 96%-ى وڭ شەشىمىن تاۋىپ, كونسۋلتاتيۆتىك, قۇقىقتىق جانە وزگە دە كومەك كورسەتىلدى. قالعان 4% ورىندالۋ ۇستىندە. جالپى, سوڭعى 2 جىلدا پارتيا مۇشەلەرى جارتى ميلليوننان استام ءوتىنىش قابىلدادى. ولاردىڭ 74% ينتەرنەت ارقىلى جولدانعان" دەلىنگەن سيۋجەتتە.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر