21 شىلدە, 2021 news
فوتو: qamshy.kz
تىركەلمەگەن دەموكراتيالىق پارتيا وكىلدەرى الماتى قالاسى پوليسيا دەپارتامەنتى عيماراتىنىڭ الدىندا قاماۋدا جاتقان جاقتاستارى ابزال دوستياروۆتى بوستاندىققا شىعارۋدى تالاپ ەتىپ, اشتىق جاريالاعانىنا 3 كۇن بولىپ قالدى. ولار تەك سۋ ىشەدى, كەزەكتەسىپ ۇيىقتايدى. نارازىلىق اكسياسى جالعاسقان 3 كۇندە كەيبىرى دالاداعى ورىندىقتاردا, كەيبىرى اۆتوكولىكتە ۇيىقتاعان. بەلسەندىلەر پوليسيا وزدەرىن قۋۋىعا تىرىسقانىن, ارا-تۇرا ولارمەن قاقتىعىسىپ قالعانىن ايتادى. سونداي قاقتىعىستاردىڭ بىرىندە بۇگىن بەلسەندىلەر ارۋجان دۇيسەباەۆا مەن گۋلنارا ميرمانباەۆا جارالانىپ, ولاردى جەدەل جاردەم كولىگى الىپ كەتكەن.
"دەمپارتيا" بەلسەندىسى ابزال دوستياروۆ 14 شىلدەدە "ۇساق بۇزاقىلىق" بابى بويىنشا 6 تاۋلىككە قامالعان. كەيىن قاماۋ مەرزىمى ءبىر كۇنگە قىسقارتىلىپ, بەلسەندى 19 شىلدەدە بوساپ شىعۋعا ءتيىس ەدى. ءبىراق سول كۇنى كەشكە سوت ءوتىپ, دوستياروۆ تاعى 15 كۇنگە قامالعان. جانبولات ماماي مۇنى بەلسەندىگە جاسالعان مورالدىق قىسىم دەپ سانايدى.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر