فوتو: anatili.kazgazeta.kz
مەديسينا عىلىمدارىنىڭ دوكتورى, پروفەسسور, اكادەميك تورەگەلدى شارمانوۆ ەلدە ءورشىپ تۇرعان جەمقورلىققا الاڭداۋشىلىق ءبىلدىرىپ, ونىمەن قوعام بولىپ كۇرەسۋگە شاقىردى.
"كەزىندە لاۋازىمدى قىزمەتتە جۇرگەن تۇستا قاندايدا ءبىر تاراپتان گۇل نەمەسە شامپان سىيعا تارتىلسا ءبىز مۇنىڭ ءوزىن «؛"ورىنسىز جاعىنۋ" دەپ تانىپ, قابىلدامادىق. ال ءقازىر سول گۇلدىڭ دە شامپاننىڭ دا كوك تيىندىق قۇنى بولماي قالدى. قازىرگى جەمقورلىقتىڭ قۇلقىنى وتە كەڭ. قوعامدا "تۇيەنى تۇگىمەن جۇتاتىندار" كوبەيىپ كەتتى. نەگىزىندە, بۇل جامان قاسيەت قازاققا ءتان ەمەس ەدى.
مىنا مەن ءوز باسىم ءبىراز كەزەڭدى باسىمنان وتكەردىم. كەڭەستىك كەزەڭدە بىرەۋدىڭ ءبىر ارتىق نارسەسىن كورسە ول تالقىعا سالىناتىن, تەكسەرىلەتىن, جاۋاپقا تارتىلاتىن. ول كەزدە پارا بەرۋ دە, الۋ دا ۇرلىققا سانالاتىن. ءقازىر ءولىم مەن ءومىردىڭ اراسىندا ارپالىسىپ جاتقان ادامنان پارا سۇرايتىن حالگە جەتتىك" دەپ جازادى عالىم instagram پاراقشاسىندا.
تورەگەلدى شارمانوۆ قوعامدى ىلگەرىلەتۋ جولىندا جەمقورلىقتى جويۋ اسا ماڭىزدى دەپ سانايدى.
"بىراق جالاقىسى قوماقتى, وتباسىن اسىراۋعا تولىق قابىلەتتى, قولىنان ءىس كەلەتىن جوعارىدا وتىرعانداردىڭ دا وسى دەرتكە ۇشىراعانى جاسىرىن ەمەس. سايىپ كەلگەندە, ءبارىنىڭ تونايتىنى &ndash؛ قارا حالىق. سول قارا حالىقتىڭ پاراقورعا جەم بولىپ جاتقانىن كورگەندە "قانداي زامانعا تاپ بولدىق" دەپ باز كەشەتىنىم دە راس. "ورامالىن" جاساپ ماسەلەنى شەشۋگە داعدىلانۋ &ndash؛ اسا ءقاۋىپتى دەرت. ەگەر ءبىز بولاشاقتا ۇلت بولىپ ۇيىسقىمىز كەلسە الدىمەن وسى ىندەتتەن ارىلۋدى ويلاستىرعانىمىز ءجون. جەمقورلىقپەن قوعام بولىپ كۇرەسۋىمىز كەرەك. بىردەن پارا بەرۋگە ۇمتىلعانشا ماسەلەنى باسقاشا شەشۋدىڭ جولدارىن قاراستىرعانىمىز ءابزال. ؛تىپتى كەيدە زاڭدى بىلمەگەندىكتەن, ءتىلدى جەتىك مەڭگەرمەگەندىكتەن وپ-وڭاي بولماشى نارسەلەردى شەشۋگە "راحمەتىن" ايتىپ سىي ۇسىناتىندار دا بار. مۇنىڭ بارلىعى كۇنى ەرتەڭ قازاقتىڭ دامۋ ۇلگىسىنە كەرى اسەر ەتەتىن جايتتار. سوندىقتان وركەنيەتتى ەلدەردىڭ قاتارىنان كورىنگىمىز كەلسە قوعام پاراقورلاردان تازارۋىمىز كەرەك" دەپ جازدى پروفەسسور.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر