تۇرىك ازاماتى باسشىلىق ەتەتىن الماتىداعى ۋنيۆەرسيتەت ليسەنزياسىنان ايىرىلدى

بىلىم جانە عىلىم مينيسترلىگى شەت تىلدەر جانە ىسكەرلىك كارەرا ۋنيۆەرسيتەتى ليسەنزياسىنان ايىرىلعانىن حابارلادى. ؛

&ndash؛ بۇرىن جوعارى وقۋ ورنىندا پروفيلاكتيكالىق باقىلاۋ جۇرگىزىلدى. ناتيجەسىندە تەكسەرۋ پاراعىنىڭ 39-شى جانە 46-شى تارماعى بويىنشا بۇزۋشىلىقتار انىقتالدى. ۋنيۆەرسيتەتكە سايكەسسىزدىكتەردى جويۋ ءۇشىن ۋاقىت بەرىلدى, الايدا قايتا تەكسەرۋ جۇمىستارى, قاجەتتى جۇمىستى جۇرگىزبەگەنىن كورسەتتى.

ۋنيۆەرسيتەتتە ءبىلىم بەرۋ ساپاسىن قامتاماسىز ەتۋدىڭ ىشكى جۇيەسى قالىپتاسپاعان. ءبىلىم بەرۋ باعدارلامالارىن, جەكە وقۋ جوسپارلارىن تالداۋ بەلگىلى ءبىر پاندەر بويىنشا كرەديتتەردى يگەرۋدە ۇلكەن ايىرماشىلىقتاردى كورسەتتى. تيىسىنشە, ءبىلىم الۋشىلار پاندەردى تولىق كولەمدە مەڭگەرمەيدى. وقىتۋ ناتيجەلەرى بويىنشا ستۋدەنتتەردىڭ 90%-ى شەكتى دەڭگەيدەن وتە المادى. وقۋ پروسەسىندە ءتىپتى ەڭ تومەنگى بەلگىلەنگەن تالاپتارعا ساي كەلمەيتىن ەسكىرگەن كومپيۋتەرلەر قولدانىلادى, ؛&ndash؛ دەدى ءبىلىم جانە عىلىم سالاسىنداعى ساپانى قامتاماسىز ەتۋ كوميتەتىنىڭ باسقارما باسشىسى ەلۆيرا ساپاربەكوۆا.

انىقتالعان زاڭبۇزۋشىلىقتارعا بايلانىستى, اتالعان وقۋ ورداسى ليسەنزياسىن توقتاتتى. ؛ بۇدان ءارى باس ليسەنزيادان ايىرۋ جانە جوعارى وقۋ ورنىن جابۋ بويىنشا جۇمىس جۇرگىزىلەتىن بولادى.