• usd 424.51

  • eur 504.06

  • rub 5.8

  • cny 65.73

30 شىلدە, 07:49:12
الماتى
+19°

"nur otan" پارتياسى "وزگەرىستەر جولى: ءار ازاماتقا لايىق ءومىر!" اتتى سايلاۋالدى باعدارلامانىڭ جۇزەگە اسىرىلۋى بويىنشا ناقتى مىسالدار كەلتىردى. ءار ءوڭىر, قالا جانە اۋدانعا ارناپ قابىلدانعان 217 جول كارتاسى اياسىندا بۇگىندە سايلاۋالدى ۋادەلەردىڭ رەسپۋبليكالىق دەڭگەيدە 7%-ى, ال وڭىرلەردە 5%-ى ورىندالدى.

پارتيا ءباسپاسوز قىزمەتىنىڭ مالىمەتىنشە, وڭىرلەردە 4,6 ملن. شارشى مەتر تۇرعىن ءۇي نەمەسە 37,6 مىڭ پاتەر سالىندى, سونداي-اق, 8,4 مىڭ ورىندىق 25 مەكتەپ جانە 4 مىڭ ورىندىق 66 بالاباقشا, 800 كەلۋشىگە ارنالعان 9 مەديسينالىق نىسان اشىلدى. 630 ملرد تەڭگەگە ينۆەستيسيا تارتۋ ارقىلى 48 كاسىپورىن ىسكە قوسىلىپ, 107 مىڭنان استام ادام تۇراقتى جۇمىس ورىندارىنا ورنالاستىرىلدى جانە ت.ب. جالپى, بيىل رەسپۋبليكالىق دەڭگەيدە ينديكاتورلاردىڭ 24%-ىن, ال وڭىرلىك دەڭگەيدە 20%-ىن ورىنداۋ جوسپالانۋدا.

سونىمەن, سايلاۋالدى ۋادەلەردى ىسكە اسىرۋ اياسىندا اقتوبە وبلىسىندا 104 اۋىلدىق ەلدىمەكەن گازبەن قامتاماسىز ەتىلەدى. اتاپ ايتقاندا, مۇعالجار اۋدانىنىڭ جۇرىن اۋىلىندا قۇرىلىس جۇمىستارى باستالىپ كەتتى. جاقىندا ول جەرگە اۋىز سۋ اكەلىندى, ەندى تۇرعىندار كوگىلدىر وتىنعا قول جەتكىزەتىن بولادى. قاندىاعاش-جۇرىن-قاراكول باعىتى بويىنشا گاز قۇبىرىن سالۋعا وبلىستىق بيۋدجەتتەن 1 ملرد تەڭگەدەن استام قاراجات ءبولىندى.

شىمكەنتتە 32 مەكتەپتىڭ قۇرىلىسى باستالدى. جاڭا وقۋ جىلىندا ءۇش اۋىسىمدا وقىتاتىن ورتا ءبىلىم بەرۋ نىساندارىنىڭ سانى 14-تەن 9-عا دەيىن قىسقارادى.

 ؛

قىزىلوردا وبلىسىندا جىل سوڭىنا دەيىن 5 اپاتتى كوپىردى جوندەۋ جوسپارلانۋدا. وڭىردە وبلىستىق ماڭىزى بار تاس جولداعى كوپىرلەردىڭ بىرىنە قايتا جوندەۋ جۇمىستارى جۇرگىزىلدى. 2018 جىلى كوكتەمگى سۋ تاسقىنى سالدارىنان جالاعاش اۋدانىندا وبلىستىق ماڭىزى بار "جالاعاش-جوسالى" اۆتوكولىك جولىن سۋ باستى. جىل سايىن وبلىستىڭ جالاعاش, قارماقشى, قازالى, ارال اۋداندارىنىڭ 200 مىڭنان استام تۇرعىنى وبلىس ورتالىعىنا وسى تاس جول ارقىلى بارادى. بيىل بۇزىلعان ۋچاسكەلەردى قالپىنا كەلتىرۋگە 98,2 ملن تەڭگە ءبولىندى, 1 كم تاسجول توسەلىپ, 4 سۋ وتكىزۋ قۇرىلعىسى ورناتىلدى.

الماتى وبلىسىندا پارتيالىق ۋادە نەگىزىندە سارىباي بي, دولان جانە ەركىن اۋىلدارىندا ءۇش امبۋلاتوريا اشىلدى.

ەركىن اۋىلىندا جالپى اۋدانى 1000 شارشى مەتردى قۇرايتىن جاڭا ەكى قاباتتى عيماراتتا ساپالى مەديسينالىق كومەك كورسەتۋ جانە مەديسينالىق قىزمەتتەردى الۋعا قولجەتىمدىلىكتى قامتاماسىز ەتۋ ءۇشىن بارلىق جاعدايلار جاسالعان. جاڭا امبۋلاتوريادا ۋدز, ەكگ وتۋگە, سونداي-اق ءتىس دارىگەرىنىڭ قابىلداۋىنا كەلۋگە مۇمكىندىك بار. امبۋلاتوريا ەركىن جانە كوكتال اۋىلدارىنىڭ تۇرعىندارىن قوسا العاندا, بارلىعى 18 مىڭ ادامعا قىزمەت كورسەتەتىن بولادى.

دولان جانە سارىباي بي اۋىلدىق وكرۋگتەرىندە جاڭا امبۋلاتوريالار دارىگەرگە دەيىنگى جانە دارىگەرلىك قابىلداۋ كابينەتتەرىمەن, گينەكولوگ, ءتىس دارىگەرى كابينەتتەرىمەن, ەمشارا جانە فيزيوتەراپيالىق قابىلداۋ كابينەتتەرىمەن, ەمشارا بولمەسىمەن جانە فيزيوتەراپيالىق قابىلداۋ كابينەتتەرىمەن جابدىقتالعان.

باتىس قازاقستان وبلىسىندا 2025 جىلعا دەيىن 8 مىڭعا جۋىق وتباسىن تۇرعىن ۇيمەن قامتاماسىز ەتۋ جوسپارلانۋدا. ورالدا 90 پاتەرلى تۇرعىن ءۇي پايدالانۋعا بەرىلدى.

ودان بولەك, وبلىستىڭ ءاربىر اۋدانىندا جاڭا دەنە شىنىقتىرۋ-ساۋىقتىرۋ كەشەندەرىنىڭ قۇرىلىسى باستالدى, ونىڭ ەكەۋى جالپاقتال جانە پودستەپنوە اۋىلدارىندا ماۋسىم ايىنىڭ باسىندا ءوز ەسىكتەرىن ايقارا اشتى. وندا كۇرەس, ۆولەيبول, فۋتبول, باسكەتبول سەكىلدى سپورت تۇرلەرىنە ارنالعان جاتتىعۋ زالدارى, 160 ورىندىق كورەرمەن زالى قاراستىرىلعان. نىساننىڭ اۋماعىندا شاعىن فۋتبول جانە جۇگىرۋ الاڭدارى سالىندى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر