• usd 468.56

  • eur 497.56

  • rub 7.3

  • cny 67.18

28 ناۋرىز, 16:53:44
الماتى
+35°

ەۋرووداقتا ەنەرگەتيكالىق حارتيا دەگەن بار, ول بويىنشا ەۋرووداق جەرىمەن وتەتىن بارلىق قۇبىرلارعا (مەيلى ول گاز بولسىن, مۇناي بولسىن, سۋ بولسىن, ت.س.س. ءبارىبىر) ءبىر مەملەكەت 50%-دان ارتىق ءوز ءونىمىن تولتىرۋعا قۇقى جوق. بۇل الدەقانداي ءبىر مەملەكەت مونوپوليستىك باسىمدىققا يە بولىپ, كەيىن باسقالارعا ءوز شارتتارىن تاڭىپ وتىرماۋ ءۇشىن ادەيى جاسالعان كەلىسىم.

بالتىق تەڭىزىنىڭ تۇبىمەن تارتىلعان نوردستريم-2 گاز قۇبىرى قۇرلىققا شىعىسىمەن گەرمانيانىڭ ۇستىمەن ءجۇرىپ وتىرىپ ورتالىق ماگيسترالدى قۇبىرعا دەيىن جەتەدى دە كەيىن باسقا ەۋروپا ەلدەرىنە تارايدى. بۇل گاز قۇبىرى ءنوردستريم-2-نىڭ قۇرلىقتاعى جالعاسى بولسا دا باسقاشا, وراl دەپ اتالادى.

مىنە, وسى قۇبىر ارقىلى تاسىمالداناتىن گازدىڭ نەگىزىنەن رەسەيدەن كەلەتىنىن كورىپ وتىرعان پولشا گەرمانيانى ەۋروپا سوتىنا بەردى. گەرمانيا ەۋروپالىق ەنەرگەتيكالىق حارتياعا باعىنا ما, جوق پا؟ الدە گەرمانيا ەرەكشە ستاتۋسقا يە مە؟ - دەپ سۇراقتى توتەسىنەن قويدى پولشا. ەۋروپا سوتى وسىنى ەكى جىل ويلاندى, بىردەن شەشە المادى. ارگۋمەنت مىقتى, تەمىردەي. اقىرى ءارى ويلانىپ, بەرى ويلانىپ, پولشانىڭ تالابى دۇرىس دەپ مويىنداۋعا ءماجبۇر بولدى.

ولاي بولسا نوردستريم-2 قۇبىرى دا 50%-عا عانا تولتىرىلادى عوي؟ ارتىق گازدى قايدا تىعادى؟ ال بۇل وتە ءتيىمسىز, قۇبىرعا كەتكەن شىعىن اقتالمايتىنى ءوز الدىنا, ءتىپتى گازپروم تابىسسىز قالۋى مۇمكىن.

الداعى كۇزدە, قازان ايىندا گەرمانيادا پارلامەنت سايلاۋى وتەدى. سوندا كانسلەر انگەلا مەركەل حانىم كەتەدى دەپ كۇتىلىپ وتىر. كانديداتتار اراسىندا نوردستريم جوباسىنا اۋەل باستان-اق قارسى بولعان "جاسىلدار پارتياسى" بار. وسى پارتيانىڭ جەتەكشىسى اننانەلا بەربوك پولشامەن جاقسى قارىم-قاتىناستا. ونىڭ ۇستىنە كەشەگى جاۋىن دا كليماتتى وزگەرتۋ كەرەك دەپ جۇرگەن "جاسىلدار پارتياسىنا" جاقسى جارناما جاساپ بەردى, سايلاۋعا ەكى ايداي ۋاقىت قالعاندا. بۇل وسى پارتيانىڭ جەڭىسىن جاقىنداتا تۇسەدى. ەڭ بولماعاندا پارلامەنتتە فراكسيا قۇرۋعا مۇمكىندىك تۋعىزۋى مۇمكىن. ال بۇل دا از جەڭىس ەمەس.

قۋانىش ەدىلحانتەگى,
شولۋشى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر