فوتو: اشىق دەرەككوز
پرەزيدەنت قاسىم-جومارت توقاەۆ ەلدەگى سانيتارلىق-ەپيدەميولوگيالىق احۋال جونىندەگى كەڭەستە ؛ينفەكسيالىق اۋرۋحانالاردى ءتيىمدى پايدالانۋدى تاپسىردى.
&ndash؛ بىرنەشە ايدىڭ ىشىندە جاڭا ينفەكسيالىق اۋرۋحانالار سالىندى, قاجەتتى قۇرال-جابدىق ساتىپ الىندى, دارى-دارمەك قورى جاساقتالدى. مەديسينا قىزمەتكەرلەرىن دە وقىتتىق. ەندى, وسىنىڭ ءبارىن دۇرىس ءارى ءتيىمدى پايدالانۋ كەرەك. بىلتىرعى جازدا بولعان جاعدايدىڭ قايتالانۋىنا جول بەرۋگە بولمايدى. دەنساۋلىق ساقتاۋ جۇيەسىنىڭ ءبىر قالىپتى جۇمىس ىستەۋىن قامتاماسىز ەتۋ قاجەت. وكىنىشكە قاراي, وسى ماسەلەدە ولقىلىقتار بار, &ndash؛ دەپ اتاپ ءوتتى پرەزيدەنت.
ول وڭىردەگى دەنساۋلىق ساقتاۋ نىساندارىن تەكسەرىپ, ول جەپدەگى جاعدايدىڭ ءماز ەمەستىگىن اتاپ ءوتتى.
&ndash؛ ونىڭ ناتيجەسى كوڭىل كونشىتپەيدى. جاڭادان سالىنعان ءمودۋلدى جۇقپالى اۋرۋلار ورتالىقتارى عانا ستاندارتتارعا ساي كەلەدى. كوروناۆيرۋستىڭ جاڭا تولقىنى ەڭ جويقىن بولىپ وتىر. سوڭعى كۇندەرى جۇزدەگەن ازاماتىمىزدان ايىرىلىپ قالدىق. ءار وڭىردە اۋرۋحاناعا تۇسكەن ناۋقاستاردىڭ سانى كۇرت كوبەيدى. جانساقتاۋ بولىمدەرىنىڭ بارلىعى ىسكە قوسىلدى. قوسىمشا دارى-دارمەك پەن قۇرال-جابدىق ساتىپ الىندى, &ndash؛ دەدى توقاەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر