ماڭعىستاۋ وبلىسىنىڭ اكىمى اۋىلشارۋاشىلىعىن دامىتۋعا قاتىستى ءبىرقاتار ۇسىنىس جولدادى

ماڭعىستاۋ وبلىسىنىڭ اكىمى سەرىكباي ترۇموۆ ايماققا جۇمىس ساپارىمەن كەلگەن قر اۋىلشارۋاشىلىعى ءمينيسترىنىڭ مىندەتىن اتقارۋشى ەربول قاراشوكەەۆكە ءبىرقاتار ۇسىنىس جولدادى.

1. ماڭعىستاۋ وڭىرىندە ءتورت تۇلىكتى وسىرۋگە قاتىستى كەشەندى عىلىمي-ساراپتاۋ جۇمىسىن جۇرگىزىپ بەرۋدى سۇرادى.

2. ءقازىر ەلىمىزدىڭ وزگە وبلىستارىندا ءبىر توننا ءشوپتىڭ باعاسى 5 مىڭ تەڭگە, بۇل ماڭعىستاۋعا جەتكىزىلگەنشە جول شىعىنى قوسىلىپ, ءبىر توننا ءشوپ 15 مىڭ تەڭگەگە كوتەرىلىپ وتىر. بۇل جاعداي ءوڭىر شارۋالارىنىڭ قالتاسىنا اۋىر تيۋدە دەگەن وبلىس اكىمى س.ترۇموۆ اۋىلشارۋاشىلىعى ءمينيسترىنىڭ مىندەتىن اتقارۋشى ە.قاراشوكەەۆتەن جەم-شوپ تاسىمالىنىڭ شىعىنىن جابۋ ءۇشىن سۋبسيديا ءبولۋدى قاراستىرۋدى سۇرادى.

3. شارۋالاردىڭ قۇدىق قازۋعا كەتكەن شىعىنىنىڭ 80% سۋبسيديالاۋدى سۇرادى.

ايتا كەتەيىك, ماڭعىستاۋ وبلىسىنا ەكى كۇندىك جۇمىس ساپارى بارىسىندا اۋىل شارۋاشىلىعى ءمينيسترىنىڭ مىندەتىن اتقارۋشى ەربول قاراشوكەەۆ قاراقيا, ءتۇپقاراعان جانە ماڭعىستاۋ اۋداندارىنىڭ مال وسىرۋشىلەرىمەن, شارۋا قوجالىقتارىنىڭ باسشىلارىمەن جانە كاسىپكەرلەرىمەن كەزدەستى. جەرگىلىكتى دەڭگەيدە ازىقپەن قامتاماسىز ەتۋ بويىنشا قابىلدانىپ جاتقان شارالارمەن تانىستى. وبلىس اكىمىمەن كەزدەسىپ, ءوڭىردىڭ اۋىل شارۋاشىلىعىن دامىتۋ ماسەلەلەرى جونىندەگى كەڭەسكە قاتىستى.

كەڭەستە بەلگىلى بولعانداي, ەلدەن ازىق شىعارۋعا تىيىم سالۋ بويىنشا شارالار قابىلداناتىن بولادى. جەمشوپ دايىنداۋ ءۇشىن ارزانداتىلعان ججم كولەمدەرىن قايتا ءبولۋ ماسەلەسى دە قوسىمشا قاراستىرىلۋدا.

مال شارۋاشىلىعىن قولداۋ ءۇشىن, وڭىردە فەرمەرلەردىڭ كرەديتتەر بويىنشا تولەمدەرىن ۇزارتۋ ماسەلەسى قارالاتىن بولادى.

&ndash؛ اكىمدىكپەن بىرلەسىپ جەم-شوپ ءوندىرىسىن دامىتۋ جانە جايىلىمداردى جاقسارتۋ بويىنشا جۇيەلى شارالار قابىلدايتىن بولامىز. مۇندا بارلىق يەسىز جاتقان قۇدىقتار مەن ۇڭعىمالاردى تۇگەندەۋ, سۋ بوگەتتەرىن سالۋ جانە عالىمدارمەن بىرلەسە وتىرىپ قۇرعاق داقىلداردى ءوسىرۋ قاجەت, &ndash؛ دەپ اتاپ ءوتتى قاراشوكەەۆ.

ساپار قورىتىندىسى بويىنشا ۇسىنىس, تىلەكتەر ۇكىمەت دەڭگەيىنە قاراۋعا شىعارىلماق.

جالپى ماڭعىستاۋ وبلىسىندا ءتورت تۇلىكتى جەم-شوپپەن قامتۋ ءۇشىن ءبىرقاتار جۇمىستار جاسالدى.

اۋىلشارۋاشىلىعى مينيسترلىگىنىڭ قولداۋىمەن 1733 توننا ارپاعا كەلىسىم جاسالدى. جەرگىلىكتى بيۋدجەت ەسەبىنەن 54 ملن.تەڭگە قاراستىرىلىپ, «؛كاسپيي»؛ اكك 637 توننا ارپا ساتىپ الدى. ارپانىڭ العاشقى بولىگى وڭىرگە جەتكىزىلىپ, 19 ماۋسىمنان باستاپ ساتىلىمعا شىعارىلدى. بۇگىنگى كۇنى 592 توننا ارپا قالا جانە اۋدانداردا ساتىلىپ, 45 توننا ساتتىقتا تۇر. 1 كگ ارپا باعاسى 92 تەڭگە. قالعان ارپا جاقىن كۇندەرى ەلىمىزدىڭ سولتۇستىگىنەن ماڭعىستاۋعا جونەلتىلەدى.

وبلىستى نارىقتىق باعادان تومەن جەم-شوپپەن قامتاماسىز ەتۋ ءۇشىن جەرگىلىكتى بيۋدجەت ەسەبىنەن 150 ملن تەڭگە قاراجات كوزى بولىنگەن بولاتىن. قازىرگى تاڭدا 0,1 % نەسيە قاراجاتىن الۋعا نيەتتى, اقتوبە وبلىسىنان ءشوپتى تاسىمالداپ اكەلەتىن وپەراتورلار انىقتالدى. اتالعان باعىتتا جۇمىستار جالعاسۋدا.

اۋىل شارۋاشىلىعى جانۋارلارىنىڭ قىستاۋى ءۇشىن ازىق قۇنىن ارزانداتۋعا ۇكىمەت رەزەرۆىنەن 1,9 ملرد تەڭگە ءبولىندى. بۇل قارجى وتباسىلىق شارۋاشىلىقتارعا, شارۋا قوجالىقتارى مەن جەكە-قوسالقى شارۋاشىلىقتارعا (لپح) بەرىلەدى. قارجى تۇسكەن بويدا اتقارۋشى ورگان تاراپىنان ۇلەستىرىلەدى.

تاعى ءبىر جاڭالىق, وڭىردەگى تابيعي رەزەرۆاتتارعا مال جايۋ جانە سول جەرلەردەن ءشوپ شابۋ جونىندە كەلىسىم جاسالدى. قازىرگى ۋاقىتتا بوپاي مەن تاسورپا رەزەرۆاتتارىندا ءشوپ شابۋ جۇمىستارى باستالىپ تا كەتتى. توعىز ءشوپ شابۋشى بريگادا جۇمىس ىستەۋدە.

ماڭعىستاۋ وبلىسى اكىمىنىڭ ءباسپاسوز قىزمەتى