• usd 424.51

  • eur 504.06

  • rub 5.8

  • cny 65.73

30 شىلدە, 07:21:46
الماتى
+19°
دەموكراتيالىق پارتيا باستاماشىل توبىنىڭ جەتەكشىسى, بەلسەندى جانبولات ماماي بيلىك تاراپىنان وزدەرىنە قارسى اشىق شابۋىل باستالعانىن ءمالىم ەتتى.
 ؛
جانبولات ماماي بەلسەندىلەردى قاماۋ, اباقتىدا ازاپتاۋ, اكىمشىلىك, قىلمىستىق ءىس قوزعاۋ سەكىلدى ارەكەتتەردىڭ ساياسي استارى بار دەگەن پىكىردە. ؛ول بيلىك مۇنداي ارەكەتتەرى ارقىلى وزدەرىن سىندىرا المايتىنىن, كۇرەس جولىن توقتاتپايتىندارىن حابارلادى.
 ؛
بەلسەندى كەشە 6 تاۋلىككە قامالعان ەكى جاقتاسىنىڭ ءبىرى ابزال دوستياروۆتى الماتى پوليسيا دەپارتامەنتىندە ازاپتاعانىن ايتتى. دوستياروۆ ادۆوكاتىنا پوليسيا قىزمەتكەرلەرى ءوزىن ۇرىپ-سوققانىن, كامەرا الدىندا جانبولات مامايعا قارسى كۋالىك ەتۋگە ماجبۇرلەمەك بولعانىن, ول ۇزىلدى-كەسىلدى قارسىلىق تانىتقانىن جەتكىزگەن. بەلسەندى پوليسەيلەر ارەكەتىنە قارسىلىق رەتىندە اشتىق جاريالاعان. دوستياروۆتىڭ جاقتاستارى ونىڭ دەنساۋلىعى مەن ءومىرى ءۇشىن الاڭدايتىنىن, وعان مەديسينالىق كومەك كورسەتىلۋىن قامتاماسىز ەتىپ, ءدىن-امان ەكەنىنە كوز جەتكىزۋ ءۇشىن ەرتەڭ 16 شىلدە ساعات 14:00-دە الماتى پوليسيا دەپارتامەنتىنە جينالاتىنىن ءمالىم ەتتى.
 ؛
سونداي-اق بۇگىن ؛شىمكەنت ؛قالالىق مادەنيەت ءۇيىنىڭ باسشىسى, ءانشى, مۋزارت توبىنىڭ مۇشەسى ساكەن مايعازيەۆتىڭ "دەمپارتيا" بەلسەندىسى ارۋجان دۇي̆سەباەۆانىڭ ۇستىنەن قىلمىستىق كودەكستىڭ "قورلاۋ" بابىنا ساي تۇسىرگەن ارىزى بويىنشا سوت وتىرىسى ءوتتى. 25 ناۋرىزدا "دەموكراتيالى قازاقستان" youtube ارناسىندا ارۋجان دۇيسەباەۆانىڭ شىمكەنت اكىمدىگى ناۋرىز مەيرامىن اتاپ وتۋگە جارتى ميللياردقا جۋىق قارجى بولگەنى تۋرالى ۆيدەوسى شىققان. بەلسەندى ۆيدەودا ناۋرىز مەرەكەسىن اتاپ وتۋگە بولىنگەن ؛595 ملن تەڭگە قارجىنىڭ ورىندى جۇمسالعانىنا كۇمان كەلتىرىپ, قاراجاتتى جاراتۋ بويىنشا كەلىسىم-شارتتارعا قول قويعان ساكەن مايعازيەۆتى "قۇرمەتسىز", "جەمقور" دەپ اتايدى. ۆيدەو سوڭىندا مايعازيەۆتەن ؛595 ملن تەڭگەنىڭ جۇمسالۋى بويىنشا ەسەپ بەرۋدى سۇرايدى. ساكەن مايعازيەۆ قارجىنىڭ جۇمسالۋى بويىنشا ەسەپ بەرمەدى. ارادا بىرنەشە اي وتكەندە "ار-وجدانىمدى قورلادى" دەپ بەلسەندىنى سوتقا بەردى. بەلسەندىلەر مايعازيەۆتىڭ 4 ايعا جۋىق ۋاقىتتان كەيىن سوتقا شاعىمدانۋىنىڭ ارتىندا بيلىك تاپسىرماسى تۇر دەگەن پىكىردە.
 ؛
ارۋجان دۇي̆سەباەۆا بۇگىنگى سوت وتىرىسى ؛تاتۋلاسۋ, كەلىسىمگە كەلۋ بويىنشا وتكەنىن, ساكەن ؛مايعازيەۆ وزىنەن الەۋمەتتىك جەلى ارقىلى كەشىرىم سۇراپ, ۆيدەونى وشىرۋگە شاقىرعانىن, ارىزدانۋشى تاراپپەن ؛تاتۋلاسپايتىنىن, سوڭىنا دەيىن باراتىنىنىن ءمالىم ەتتى. ايتۋىنشا, ؛مايعازيەۆتىڭ قورعاۋشىلارى سۋديادان پروسەسكە جۋرناليستەردى قاتىستىرماۋدى سۇراعان. سونداي-اق ول سۋديا "شەشىمنىڭ قانداي بولاتىنىن ىشتەي ءبىلىپ تۇرمىن, ونى كەيىن ايتامىن" دەپ ايتقانىن جەتكىزگەن.
 ؛
بۇعان دەيىن ؛"دەمپارتيا" بەلسەندىلەرىنىڭ 6 شىلدە كۇنگى الماتىدا وتكەن ميتينگىندە ىرىسبەك توقتاسىن, داۋرەن دوستياروۆ, ءۋاليحان سۇلتانوۆ ەسىمدى ءۇش بەلسەندىسى ۇستالعان بولاتىن. بۇگىندە ؛ۋاليحان سۇلتانوۆ بوستاندىقتا بولسا, قالعان ەكى بەلسەندى ۋاقىتشا ۇستاۋ يزولياتورىندا وتىر.
 ؛
 ؛
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر