ءبىر توپ دەپۋتات ق.توقاەۆ باستاماسىنىڭ ءتيىمسىز تۇسىن اشكەرەلەدى
  • usd 468.56

  • eur 497.56

  • rub 7.3

  • cny 67.18

29 ناۋرىز, 06:27:42
الماتى
+35°

ماجىلىستەگى "قازاقستان حالىق پارتياسى" فراكسياسىنىڭ دەپۋتاتتارى زەينەتاقى جيناعىن ءتۇرعىنۇي جاعدايىن جاقسارتۋ ماقساتىندا پايدالانۋ جوباسىنىڭ ارالىق قورىتىندىسىن شىعارۋ قاجەت دەپ سانايدى.

پرەمەر-مينيسترىنىڭ ورىنباسارى رومان سكليارعا باعىتتالعان دەپۋتاتتىق ساۋالدا ايقىن قوڭىروۆ 313 مىڭ ادام 1 تريلليون 400 ميلليارد تەڭگە كولەمىندەگى جيناق سوماسىن العانىن, بۇدان نەگىزىنەن نۇر-سۇلتان مەن الماتى قالالارىنداعى قۇرىلىس جۇرگىزەتىن كومپانيالار, بانكتەر مەن يمپورتشىلار ەكونوميكالىق پايدا كورگەنىن ايتادى. ال باسپانا قولجەتىمسىزدىگى سەكىلدى جۇيەلى پروبلەما شەشىمىن تاپپاعان. سوزدەرىنشە, قوعامداعى تۇرعىن ءۇي الشاقتىعى اسقىنا تۇسكەن.

دەپۋتاتتار جوبانىڭ جالپىەكونوميكالىق وسىمدەگى ىنتالاندىرۋ اسەرى دە شەكتەۋلى بولعانىن ءمالىم ەتتى. كەرىسىنشە, ءۇي مەن قۇرىلىس ماتەريالدارى باعاسىنىڭ اسپانداۋىنا, جالپى قىمباتشىلىققا اكەلىپ سوقتىرعان.

ماسەلەن, "زەينەتاقى كامپانياسى" ىسكە قوسىلعان 2021 جىلعى 1 قاڭتاردان بەرى پاتەر قۇنى 8,3 پايىزعا, ال 2020 جىلعى مامىردان 2021 جىلعى مامىرعا دەيىن 22 پايىزعا وسكەن.

ناتيجەسىندە جاپپاي قىمباتشىلىق جايلاعان, ال زەينەتاقى جيناعىن پايدالانۋ جوباسى حالىقتىڭ 2 پايىزىن عانا قامتىعان. ؛

دەپۋتاتتىق ساۋالدا جوبا وتاندىق ونەركاسىپتى ورىستەتۋگە دە سەر بوا الماعان. ويتكەنى وتاندىق قۇرىلىس ماتەريالدارى نەگىزىنەن تابيعا شيكىزاتقا نەگىزدەلگەن. سونىڭ سالدارىنان زەينەتاقى جيناعىنان الىنعان قاراجاتتان شەتەلدىك الىپ-ساتارلار پايدا كورگەن.

جوبانىڭ وسىنداي ءتيىمسىز تۇستارىن اتاعان دەپۋتاتتار جوبانى جالعاستىراردا مىندەتتى قوسىمشا شارالار ەنگىزۋ ماڭىزدى ەكەنىن ايتتى. ول شارالار قوعامنىڭ بەلگىلى ءبىر توبىنىڭ مۇددەسىنەن عانا شىقپاي, بارلىعىنا بىردەي ەسەپتەلۋى كەرەك.

"قازاقستان حالىق پارتياسى" ؛جەكە ءتۇرعىنۇي قۇرىلىسىن جانداندىرۋ ماقساتىندا "جەر ءۇي" دەپ اتالاتىن باعدارلاما ىسكە قوسۋ اسا قاجەت دەگەن پىكىردە. دەپۋتاتتار بۇل باستاما جەكە ءتۇرعىنۇي قۇرىلىسىن جۇرگىزۋ ءۇشىن ازاماتتاردى جەر ۋچاسكەسىمەن قامتۋدىڭ اقىلعا قونىمدى تەتىگى ەكەنىنە سەنىمدى. سونداي-اق ول اتالمىش باعدارلاما قۇرىلىس ماتەريالدارى, اسىرەسە ىشكى جۇمىستارعا ارنالعان ماتەريالدار جانە ىلەسپەلى تاۋارلار مەن قىزمەت تۇرلەرىن دامىتۋعا ارنالعان شارالار قامتۋعا ءتيىس دەپ سانايدى.

تۇرعىنۇي جاعدايىن جاقسارتۋ ءۇشىن زەينەتاقى جيناقتارىن پايدالانۋ جوباسى پرەزيدەنت ق.توقاەۆتىڭ تاپسىرماسىنا ساي جۇزەگە اسقان. جوبا شارتتارى بويىنشا ازاماتتاردىڭ جاس ەرەكشەلىگىنە قاراي زەينەتاقى جيناعىنىڭ ەڭ از جەتكىلىكتى شەگى بەلگىلەنگەن.

زەينەتاقى جيناقتارىنىڭ جەتكىلىكتى شەگى

ازاماتتار قورداعى جيناقتىڭ جەتكىلىكتى شەكتەن اسقان بولىگىن عانا پايدالانا الادى. ال ونداي ازاماتتار ءىس جۇزىندە كوپ بولماي شىقتى.

جوبا ىسكە قوسىلعالى ءتۇرعىنۇي نارىعىندا سۇرانىس جوعارىلاپ, باسپانا باعاسى قىمباتتاپ كەتتى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر