كارانتين كۇشەيتىلەدى. ۆاك شەشىم قابىلدادى

قازاقستاندا كارانتين شەكتەۋلەرى كۇشەيتىلەدى. ءتيىستى شەشىمدى covid-19 تارالۋىنا جول بەرمەۋ جونىندەگى ؛ۆەدومستۆوارالىق كوميسسيا شىعاردى.

بۇگىن پرەمەر-مينيسترىنىڭ ورىنباسارى ەرالى توعجانوۆتىڭ توراعالىعىمەن كوروناۆيرۋس ينفەكسياcىنىڭ تارالۋىنا جول بەرمەۋ جونىندەگى ۆەدومستۆوارالىق كوميسسيانىڭ (ۆاك) وتىرىسى ءوتتى.

نۇر-سۇلتان قالاسىندا "دەلتا" ء(ۇندى) شتاممىنا ءتان covid-19 مۋتاسياسىنىڭ انىقتالۋىنا بايلانىستى ۆەدومستۆوارالىق كوميسسيا باس سانيتار دارىگەرى كارانتين رەجيمى بويىنشا مىناداي قوسىمشا شارالار قابىلداۋدى ۇسىندى:

• covid-19-عا قارسى ۆاكسيناسىز (تۇراقتى مەديسينالىق قارسى كورسەتىلىمدەرى بار جانە اۋىرىپ شىققان ادامداردى قوسپاعاندا) قىزمەت كورسەتۋ سالاسىنىڭ قىزمەتكەرلەرىنە ءىرى ۇيىمداسقان ۇجىمدارعا (ونەركاسىپتىك كاسىپورىندار) جۇمىسقا كىرۋگە شەكتەۋ ەنگىزۋ؛
  
  
• كۆي-عا قارسى ۆاكسينا سالدىرۋدان باس تارتاتىن (كۆي-عا قارسى ۆاكسينالاۋعا مەديسينالىق قارسى كورسەتىلىمدەرى جوق ازاماتتار) قىزمەت كورسەتۋ سالاسىنىڭ, ونەركاسىپ كاسىپورىندارىنىڭ جانە وزگە دە ۇيىمداسقان ۇجىمداردىڭ قىزمەتكەرلەرى ءۇشىن مىندەتتى پتر-تەستىلەۋ تالابىن ەنگىزۋ)؛
  
  
• "ashyq" جوباسىنا جاڭا كاسىپكەرلىك سۋبەكتىلەرىن قوسۋ ءۇشىن, سونداي-اق جوبا اياسىندا جۇمىس ىستەپ تۇرعان سۋبەكتىلەردىڭ جۇمىسىن ودان ءارى جالعاستىرۋ ءۇشىن بارلىق پەرسونالدى (تۇراقتى مەديسينالىق قارسى كورسەتىلىمدەرى بار جانە اۋىرىپ شىققان ادامداردى قوسپاعاندا) ۆاكسينالاۋ قاجەتتىلىگى جونىندە تالاپ ەنگىزۋ)؛
• "ashyq" جوباسىنا ساۋدا ويىن-ساۋىق ورتالىقتارىن, ساۋدا ۇيلەرى مەن ازىق-تۇلىكتىك ەمەس بازارلاردى قوسۋ.

سونداي-اق دەنساۋلىق ساقتاۋ مينيسترلىگىنىڭ نۇر-سۇلتان قالاسى بويىنشا كارانتين رەجيمىن كۇشەيتۋ جونىندەگى ۇسىنىسى قولداۋ تاپتى. وعان ساي تومەندەگىدەي شارالار قابىلدانادى.

• ازىق-تۇلىك ەمەس تاۋارلاردى ساتاتىن ساۋدا ويىن-ساۋىق ورتالىقتارىنىڭ, ساۋدا ورتالىقتارىنىڭ, ساۋدا جەلىلەرىنىڭ جۇمىس رەجيمىن (وسى وبەكتىلەردە covid-19-عا قارسى جاپپاي ۆاكسينالاۋ پۋنكتتەرىنىڭ ورنالاسۋىنا قاراماستان) جۇمىس كۇندەرى شەكتەۋ, ؛ساعات 17:00-گە دەيىن ىستەۋگە رۇحسات. سەنبى جانە جەكسەنبى كۇندەرى جۇمىس ىستەۋگە تىيىم سالۋ.
  
  
• سەنبى جانە جەكسەنبى كۇندەرى جۇمىس ىستەۋگە تىيىم سالا وتىرىپ, عيمارات ىشىندەگى قوعامدىق تاماقتانۋ وبەكتىلەرىنىڭ (مەيرامحانالار, ءدامحانالار, بارلار, اسحانالار) جۇمىسىنا ساعات 7.00-20.00 ارالىعىندا رۇحسات بەرۋ, اشىق اۋادا ساعات 7.00-22.00 ارالىعىندا جۇمىس ىستەي الادى ("ashyq" جوباسىنا قاتىساتىن وبەكتىلەردى قوسپاعاندا")؛
• جابىق ازىق-تۇلىكتىك ەمەس بازارلارعا دەمالىس كۇندەرى جۇمىس ىستەۋگە تىيىم سالا وتىرىپ, جۇمىس كۇندەرى قىزمەتىن ساعات 10.00-دەن 20.00-گە دەيىن جالعاستىرۋعا مۇمكىندىك بەرۋ (وسى وبەكتىلەردە covid-19-عا قارسى جاپپاي ۆاكسيناسيالاۋ پۋنكتتەرىنىڭ ورنالاسۋىنا قاراماستان)؛
• سانيتارلىق تالاپتاردى ساقتاي وتىرىپ, 100 ادامنان اسسا, اشىق اۋادا جاپپاي ءىس-شارالار وتكىزۋگە تىيىم سالۋ ء(دىني, سپورتتىق جانە ت.ب.)

سونىمەن قاتار ە. توعجانوۆ ورتالىق مەملەكەتتىك ورگاندارعا, اكىمدىكتەرگە شتاممنىڭ جوعارى كونتاگيوزدىلىعىن ەسكەرە وتىرىپ, "دەلتا" شتامىنىڭ تارالۋىنىڭ الدىن الۋ بويىنشا بارلىق شارالاردى قابىلداۋدى تاپسىردى.

دەنساۋلىق ساقتاۋ مينيسترلىگىنە اكىمدىكتەرمەن بىرلەسىپ, وسى جىلعى 28 ماۋسىمعا دەيىن رەزەرۆتىك قورلارداعى توسەك قورىنا, كادرلىق قامتاماسىز ەتۋگە, دارى-دارمەكتەردىڭ جەتكىلىكتىلىگىنە تەكسەرۋ جۇرگىزۋ تاپسىرىلدى.

پرەمەر-مينيستردىڭ ورىنباسارى حالىقتى كوروناۆيرۋسقا قارسى ۆاكسينامەن قامتۋدى ۇلعايتۋ قاجەتتىگىن اتاپ ءوتتى.