اقتوبە وبلىسىندا ەكونوميكانىڭ وسكەنى بايقالادى

بۇگىن وكق-دە اقتوبە وبلىسىنىڭ 2021 جىلدىڭ بەس ايى ىشىندەگى الەۋمەتتىك-ەكونوميكالىق دامۋىنىڭ قورىتىندىسى تۋرالى ءباسپاسوز ءماسليحاتى ءوتتى.
وبلىس اكىمى وڭداسىن ورازالين پرەزيدەنتتىڭ ەكونوميكالىق ءوسىمدى قامتاماسىز ەتۋ جانە حالىقتىڭ ءال-اۋقاتىن جاقسارتۋ بويىنشا تاپسىرمالارىنىڭ جۇزەگە اسىرىلۋى جايىندا باياندادى.
ونىڭ سوزىنشە, جىل باسىنان بەرى ەكونوميكا ءوسىمىنىڭ قارقىنى كەزەڭ-كەزەڭىمەن قالپىنا كەلتىرىلىپ جاتقانى بايقالادى. اعىمداعى جىلدىڭ بەس ايىنىڭ قورىتىندىسى بويىنشا بارلىق نەگىزگى الەۋمەتتىك-ەكونوميكالىق كورسەتكىشتەردىڭ وڭ ديناميكاسى قامتاماسىز ەتىلگەن. اتاپ ايتقاندا, ونەركاسىپ ءوندىرىسىنىڭ كولەمى جوعارى قارقىنمەن ءوستى - 108,1%, سونىڭ ىشىندە وڭدەۋ ونەركاسىبى &ndash؛ 112,1%, تاۋ-كەن ونەركاسىبى &ndash؛ 105,9%. اۋىل شارۋاشىلىعى ءوسىمىنىڭ قارقىنى - 102,1%, قۇرىلىس &ndash؛ 101,3%, تۇرعىن ءۇيدى پايدالانۋعا بەرۋ &ndash؛ 106,5%, ينۆەستيسيا &ndash؛ 109,6% قۇرادى.
"ماڭىزدى ينۆەستيسيالاردى تارتۋ وسىنداي قيىن كەزەڭدە ءبىزدىڭ ءوڭىردىڭ دامۋىنا قوسىمشا سەرپىن بەرەدى. وسى باعىتتا قولايلى ينۆەستيسيالىق جاعداي جاساۋدىڭ بەلسەندى جۇمىستارى جۇرگىزىلۋدە. جالپى, 2021 جىلدىڭ بەس ايى ىشىندە 206 ملرد تەڭگە ينۆەستيسيا تارتىلدى. جىل سوڭىنا دەيىن ەنەرگەتيكا, مۇناي وڭدەۋ, ازىق-تۇلىك ونەركاسىبى, سيفرلاندىرۋ جانە ت.ب. سالالارىنداعى قۇنى 126 ملرد.​ تەڭگە تۇراتىن
31 ينۆەستيسيالىق جوبانى مىڭداعان جۇمىس ورىندارىن قۇرا وتىرا ەنگىزۋ جوسپارلانىپ وتىر",- دەدى و.ورازالين.
اناعۇرلىم ىرىلەۋ ينۆەستيسيالىق جوبالاردىڭ قاتارىندا قۇنى 36 ملرد تەڭگە تۇراتىن «؛arm wind»؛ جشس جەل ەلەكتر ستانساسى, قۇنى 15 ملرد. تەڭگە تۇراتىن «؛ەكوتەحپروگرەسس»؛ ءجشس-نىڭ زياندى مۇناي قالدىقتاردى قايتا وڭدەۋ, قۇنى 13,8 ملرد. تەڭگە تۇراتىن مالىمەتتەردى وڭدەۋورتالىعى جانە ت.ب. بار.
اۋىل شارۋاشىلىعى دا اقتوبە وبلىسى ەكونوميكاسىنىڭ ماڭىزدى سالاسى بولىپ تابىلادى. وسى جىلدىڭ بەس ايى ىشىندە وڭىردە​ 85 ملرد.​ تەڭگەگە اۋىل شارۋاشىلىعى ءونىمى ءوندىرىلدى, وتكەن جىلدىڭ وسىنداي كەزەڭىمەن سالىستىرعاندا ءىرى قارا مال باسى 7%, ۇساق مال 1%, جىلقى 24% ءوستى.
"وڭىردىڭ بۇل باعىتتا الەۋەتى ۇلكەن. كەلەشەكتە اۋىل شارۋاشىلىعى سالاسى وبلىستىڭ ەكونوميكالىق ءوسىمىنىڭ نەگىزگى درايۆەرىنە اينالادى. بيىل اۋىل شارۋاشىلىعىن مەملەكەتتىك قولداۋ ماقساتىندا رەسپۋبليكالىق جانە جەرگىلىكتى بيۋدجەتتەن شامامەن 22,6 ملرد تەڭگەدەي سۋبسيديا ءبولىندى. بۇعان قوسا, "ەڭبەك" باعدارلاماسى بويىنشا 745 جوبانى جۇزەگە اسىرۋ ءۇشىن 3,3 ملرد تەڭگە قاراستىرىلعان",- دەدى و.ورازالين.
شاعىن جانە ورتا بيزنەس سالاسىندا دا دامۋدىڭ وڭ ديناميكاسى بايقالادى. ءشوب-تىڭ ەكونوميكاداعى ۇلەسى بۇگىندە شامامەن 24% قۇرايدى, جۇمىس ىستەپ جاتقان سۋبەكتىلەردىڭ سانى بەس ايدىڭ قورىتىندىسى بويىنشا وتكەن جىلمەن سالىستىرعاندا 63 مىڭدى قۇراپ, 5,1% وسكەن.
"جىل قورىتىندىسى بويىنشا ءشوب-تىڭ ەكونوميكاداعى ۇلەسىن 25%-عا دەيىن كوبەيتۋدى جوسپارلاپ وتىرمىز. بيزنەسكە كورسەتىلىپ جاتقان مەملەكەتتىك قولداۋدى دا اتاپ وتپەسكە بولمايدى. بۇگىندە مەلەكەتتىك قولداۋدىڭ قولدانىستاعى مەحانيزمدەرى ءشوب-تىڭ 1200-دەن استام جوباسىن قامتىدى, بۇل وتكەن جىلدىڭ وسىنداي كەزەڭىمەن سالىستىرعاندا 8 ەسە كوبىرەك",- دەدى وبلىس اكىمى.
ونىڭ سوزىنشە جىل سوڭىنا دەيىن 3,3 مىڭ شوب سۋبەكتىسىن مەملەكەتتىك قولداۋ شارالارىمەن قامتۋ جوسپاردا بار.