فوتو: qaz.neonomad.kz
نۇر-سۇلتان اكىمى التاي كولگىنوۆ قالاداعى ەپيدەميولوگيالىق احۋالعا بايلانىستى تۇرعىندارعا ۇندەۋ جاسادى. بۇل تۋرالى ول الەۋمەتتىك جەلىدەگى پاراقشاسىندا جازدى.
&ndash؛ ءبىز ءالى دە "قىزىل" ايماقتامىز. كۇندەلىكتى covid-2019 ينفەكسياسىنىڭ 250-300 جاعدايى انىقتالادى. ءبىر جاعىنان, بۇل پتر تەستىلەرىنىڭ سانىن كوبەيتۋ ارقىلى, ەكىنشى جاعىنان, وقشاۋلاۋ مەن سانيتارلىق نورمالاردىڭ بۇزىلۋىنان بولىپ وتىر. ashyq جوباسى ارقىلى كارانتين تالاپتارىنىڭ ورەسكەل بۇزىلعانىن كورىپ وتىرمىز. ءوزىن-وزى وقشاۋلاۋى ءتيىس (بايلانىستا بولعان, جۇقتىرعان) ازاماتتار بار, ءبىراق ولار ادام كوپ جينالاتىن ورىندارعا بارۋىن توقتاتار ەمەس. وسىلايشا, كوروناۆيرۋستىڭ تارالۋىنا اسەر ەتىپ جاتىر. مۇنداي ادامگەرشىلىككە جاتپايتىن بۇزۋشىلىقتاردى توقتاتىپ, جولىن كەسەمىز, ؛&ndash؛ دەدى اكىم.
كولگىنوۆ قالا تۇرعىندارىن سىرقاتتانعان ادامداردىڭ ستاتيستيكاسىنا بەي-جاي قاراماۋعا شاقىردى.
&ndash؛ مەديسينالىق رۇقساتى جوق جانە ءالى ۆاكسيناسيالانباعان ادامدار وتپەن ويناپ جۇرگەنىن بىلمەيدى: ولار ەرتە مە, كەش پە جەڭىلەدى. بۇل رەتتە ءوز دەنساۋلىعىن عانا ەمەس, تۋىستارىنا, جاقىندارىنا جانە قورشاعان ورتاعا ءقاۋىپ توندىرەدى.
بىلتىر, ياعني جاعداي بۇدان دا اۋىر كەزدە سانيتارلىق نورمالاردى ساقتاۋدان باسقا امالىمىز بولماعان ەدى, ال 2021 جىلدىڭ باسىنان باستاپ ۆاكسيناسيا باستالدى. ۆاكسيناسيا پۋنكتتەرى مەديسينالىق مەكەمەلەردە, سونداي-اق قالا تۇرعىندارىنا ىڭعايلى بولۋ ءۇشىن سوو, ءسۇ جانە ادام كوپ جينالاتىن باسقا دا ورىنداردا اشىلدى. ۆاكسيناسيا بارىنە تەگىن جۇرگىزىلەدى, &ndash؛ دەپ اتاپ ءوتتى ول.
ونىڭ ايتۋىنشا, قازىرگى ۋاقىتتا ستاسيونارلاردا 1000-عا جۋىق ادام ەم الۋدا. توسەك ورىندارىنىڭ جۇكتەمەسى ءقازىردىڭ وزىندە 50%-دى قۇرايدى.
&ndash؛ قالامىزعا قوسىمشا شەكتەۋلەر ەنگىزگىمىز كەلمەيدى. بۇل قالا ەكونوميكاسىنا, تۇرعىنداردىڭ ءال-اۋقاتىنا اسەر ەتەدى. سونىمەن قاتار, كۇزدە جاڭا وقۋ جىلى باستالادى. ءبىراق بالالارىمىز ءۇشىن مەكتەپتەردى قايتا اشا المايمىز, &ndash؛ دەدى التاي كولگىنوۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر