• usd 424.51

  • eur 504.06

  • rub 5.8

  • cny 65.73

30 شىلدە, 07:04:07
الماتى
+19°

سونىمەن... اقش پرەزيدەنتى دجو بايدەننىڭ بىرنەشە كۇنگە سوزىلعان ەۋروپاعا تۋرنەسى اياقتالدى. پرەزيدەنت بولىپ سايلانعالى ءبىرىنشى رەت ۇزاپ شىعىپ, ۇزاق ءىس-ساپاردا بولدى. بۇل تاقىرىپقا الەمدىك جۋرناليستەر تاراپىنان از ماقالا جازىلعان جوق. ونىڭ ءبارىن قاراپ شىعۋ مۇمكىن دە ەمەس, دەگەنمەن دە وسى قالاي دەگەن ءبىرتالاي ماتەريالداردى قاراپ شىقتىم. ەندى وزىمشە قانداي قورىتىندىعا كەلگەنىمدى ايتىپ كورەيىن.

ەڭ الدىمەن 14 ماۋسىم كۇنى ۇلىبريتانيادا g7 كەزدەسۋى العاش رەت پاندەميادان كەيىن وففلاين جاعدايىندا ءوتتى. قۇپيا جاعدايدا نە دەپ كەلىسكەندەرىن كىم ءبىلسىن, ءبىراق وزدەرى جاريالاعان كوممۋنيۋكەدە ولار نەگىزىنەن قىتاي ەكسپانسياسىنا قارسى قانداي شارا جاساۋ كەرەكتىگىن اڭگىمە قىلعان سياقتى. ەڭ الدىمەن قىتاي ويلاپ تاپقان ء"بىر بەلدەۋ ؛&ndash؛ ءبىر جول" باعدارلاماسىنا التەرناتيۆالىق جوبالار ىسكە قوسىلۋى مۇمكىن. نەگە؟ ويتكەنى قىتايدىڭ تۇپكى ماقساتى ؛&ndash؛ سول ەلدەردە دەموكراتيانى دامىتۋ, ءالسىز مەملەكەتتەرگە كومەكتەسۋ ەمەس, ءوز ينۆەستيسياسى مەن حۋاسياولارىن (قىتاي ميگرانتتارى &ndash؛ رەد.) تىقپالاپ, ءوز جولىنداعى كەزدەسكەن كەز-كەلگەن ەلدى بۇرىنعىدان بەتەر كىرىپتارلىققا ءتۇسىرۋ بولعان سياقتى. سونى سەزىپ قالعان g7 ەلدەرى بۇعان قارسى تۇرۋ مەحانيزمدەرىن ىسكە قوسپاقشى سياقتى دەگەن ويعا كەلدىم. بۇل ؛&mdash؛ قازاقستان ءۇشىن جامان بولماس ەدى.

كەلەسى كۇنى ناتو ءسامميتى ءوتتى. وندا رف-نىڭ ۋكرايناعا قارسى اگرەسسياسى, ۋكراينانى ناتو-عا مۇشەلىككە قابىلداۋ باستى تاقىرىپتاردىڭ ءبىرى بولدى. ۋكرايناعا گرۋزياعا بەرىلگەندەي مۇشەلىككە ءوتۋ ءىس-قيمىل جوسپارى بەرىلەتىن بولدى. ارينە, ناتو-عا مۇشە بولۋى ءۇشىن بەلگىلى ءبىر دايىندىقتار, رەفورمالار كەرەك, وعان ۋاقىت كەرەك. بۇرىنعى سوۆەتتىك ستاندارتتاردان كەتىپ ناتولىق ستاندارتتارعا ءوتۋى كەرەك. ۋكراينا ارمياسى مەنىڭشە وعان 90% دايىن. ەندىگىسى ۋكرايندىقتاردىڭ ءوز قولىندا.

16 ماۋسىم كۇنى بايدەننىڭ پۋتينمەن كەزدەسۋى ءوتتى. بۇعان دا اركىم ءوز شاما-شارقىنشا كوممەنتاريي بەرىپ جاتىر. ورىس ۇگىت-ناسيحاتىمەن ابدەن ۋلانعاندار ماعان كىم جەڭسە دە ءبارىبىر, مەن نەيترال كوزقاراستامىن, فاكتىنى عانا ايتامىن دەپ الىپ, ءپۋتيندى ماقتاپ الەك. ؛

امەريكالىق ساياساتكەر يۋريي راشكين ايتقانداي, بۇل جەردە ەكى ءتۇرلى وركەنيەت ديالوگقا كەلگەن-سىماق بولدى. دۇرىسىندا دەموكراتيالىق وركەنيەت ديكتاتورلىق وركەنيەتپەن كەزدەسىپ, ولاردىڭ كوزقاراسى جالپى مۇلدەم باسقا ەكەندىگىنە كوزدەرى جەتىپ, دەگەنمەن دە سوڭعى رەت سويلەسىپ كورۋدى, سوڭعى رەت ەسكەرتۋدى ۇيعارعان سياقتى. بۇعان التى اي ۋاقىت ءبولىندى. ياعني جىل اياعىنا شەيىن وزگەرىس بولماسا, بۇرىنعىشا كيبەرشابۋىلدار جالعاسا بەرسە, نەمەسە باسقالاردىڭ ىشكى ىستەرىنە ارالاسۋ توقتاتىلماسا, وندا ءوز وبالى وزىنە-داعى, كىمنەن كورەدى؟ ءوز ادىستەرىن وزدەرىنە قارسى قولدانىپ گيبريدتىك سوعىستى باستاپ كەتپەي ديالوگقا كەلۋ, تاعى دا ءبىر رەت ەسكەرتىپ الدىنان ءوتۋ ؛&ndash؛ دەموكراتيالىق وركەنيەت تاراپىنان جىگىتتىك. ەندى سونى رەسەي تاراپى تۇسىنسە يگى.

ول جونىندە ءبىراز ىم-يشارا دا جاسالدى. بايدەن ءوزىنىڭ ماماسى ءوزىن قالاي تاربيەلەگەنىن, ءبىر رەت, ەكى رەت ەسكەرتەتىنىن, وعان دا تۇسىنبەسە جازالايتىنىن ايتىپ ءوتتى. وعان تۇسىنبەگەن (نەمەسە جورتا تۇسىنگىسى كەلمەگەن) پۋتين ماماسى تۋرالى ايتتى دەپ, وزىنشە مىسقىلداپ كەتتى كەتتى. نەمەسە مىسالى كاليفورنياداعى ءبىر بەلگىسىز حاكەر گازپرومعا كيبەرشابۋىل جاساپ, پارا تالاپ ەتسە قايتەر ەدىڭىز دەدى. پۋتين ونى دا تۇسىنبەدى. كاليفورنيا ەمەس, الەمنىڭ كەز كەلگەن تۇكپىرىنەن "بەلگىسىز" حاكەرلەر شىنداپ قولعا السا رف-نىڭ بۇكىل كومپيۋتەرلىك جۇيەسى اقش-تىڭ قولىندا تۇرعاندىعىن, التى سەكۋندتا بىت-شىتى شىعاتىنىن پۋتين ءتۇسىندى مە, جوق پا ؛&ndash؛ ونى كورە جاتارمىز.

قورىتا ايتقاندا بايدەن ترامپتىڭ ءارتۇرلى قيتۇرقىلىقپەن ەلدەر اراسىنا وت سالىپ, g7-گە سەگىزىنشى قىلىپ رف-نى شاقىرام دەپ قيعىلىق سالىپ, تاعى ءبىر سامميتتەن كەتىپ قالىپ نەمەسە ناتو-نى تاراتام, اقش ودان شىعادى دەپ, 2019 جىلى ناتو سامميتىنە قاتىسپاي, ەلدەر اراسىن بۇلدىرە باستاعان ساياساتىنان 180 گرادۋسقا كەرى بۇرىلىپ, بارلىعىن ءبىتىستىرىپ, ەلدەر اراسىنا قايتادان سەنىمدىلىك اتموسفەراسىن ورناتىپ, پۋتين سياقتى ديكتاتورعا ءتاس-تۇيىن, ءبىرتۇتاس پوزيسيامەن كەلدى. كەلدى دە ۇزاق مىلجىڭداسىپ وتىرمادى. ءوز ميسسياسىن ورىنداعان ول ناقتى-ناقتى ۋلتيماتۋمىن قويدى دا ەلىنە ورالدى. ؛

ال بايدەنمەن كەزدەسكەندى دارەجە كورىپ, سونشاما دايىندىقپەن كەلگەن پۋتين نە بولعانىن تۇسىنبەي دە قالعان سياقتى. اقش بىردە-بىر پوزيسياسىن بەرگەن جوق, كىنالىسىڭ بە ؛&ndash؛ جازالاناسىڭ, وسى ەسىڭدە بولسىن! ال ەندى ترامپ سياقتى ماسكەۋدىڭ اگەنتتەرى اقش جەڭىلدى دەپ ايقايلاي بەرسىن, ولاردىڭ ءسوزىن كىم تىڭداپ جاتىر؟ كۇن وتكەن سايىن ءوزىنىڭ ساتقىندىعى اشكەرە بولىپ جاتىر. ول سودان ۇيالعانسيدى, ءسويتىپ ءوز ەلىنە جاۋلىق ويلايدى, پرەزيدەنتىن كەمسىتۋگە تىرىسادى. ءبىراق... ونداي ادامداردا ۇيات دەگەن سەزىم بولمايدى دا عوي. ۇياتسىزداردىڭ ءبىرىن ءوزىمىز دە كورىپ وتىرعان جوقپىز با؟

قۋانىش ەدىلحانتەگى

شولۋشى

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر