وقۋشىلار نازارىنا. 42500 تەڭگەنى قالاي الۋعا بولادى؟

باتىس قازاقستان, ورال قالاسىندا جوعارى سىنىپتاردىڭ 700 وقۋشىسى جۇمىسقا ورنالاستىرىلدى. ولارعا ايىنا 42 500 تەڭگە تولەنەدى دەپ حابارلادى ؛موي گورود سايتى. ؛

ورال قالالىق ءبىلىم ءبولىمى تاربيە جۇمىسى جانە قوسىمشا ءبىلىم بەرۋ سەكتورىنىڭ مەڭگەرۋشىسى جازيرا رىسقازيەۆا جالپى ءبىلىم بەرەتىن مەكتەپتەردىڭ جوعارى سىنىپ وقۋشىلارى جازعى دەمالىستا قوعامدىق جۇمىستارعا قاتىسا الاتىنىن ايتتى. سوزىنشە, ؛10 مەن 11 سىنىپتارعا كوشكەن بالالار جاز ايلارىندا مەكتەپتە جۇمىس ىستەپ, اقشا تابۋىنا مۇمكىندىك بار.

بۇگىنگى تاڭدا ءتىزىم جاسالىپ, وعان 700 وقۋشى ەنگەن. وقۋشىلار نەگىزىنەن مەكتەپ اۋماعىن جيناۋعا, ءىس قاعازدارعا كومەكتەسەدى, كىتاپحانادا جۇمىس ىستەيدى. اۋىر جۇمىسقا جەگىلمەيدى.

جازيرا رىسقازيەۆانىڭ ايتۋىنشا 14 پەن 16 جاسقا دەيىنگى بالالاردىڭ جۇمىسى اپتاسىنا 24 ساعاتتان, ال 16 مەن 18 جاسقا دەيىنگى وقۋشىلاردا 36 ساعاتتان اسپاۋى كەرەك. ؛وقۋشىلارعا ايىنا 42 500 تەڭگە جالاقى تولەنەدى. مەكتەپ وقۋشىسى ءبىلىم بەرۋ ۇيىمىنا تەك "جۇمىسپەن قامتۋ ورتالىعى" ارقىلى كەلىسىمشارت بويىنشا جۇمىسقا تۇرادى. جۇمىس ۋاقىتى كەزىندە بالاعا مەكتەپ جاۋاپتى بولادى. ؛