18 ماۋسىم, 2021 news
فوتو:
اقتوبە وبلىسىندا كولىك ورتەنىپ, ءبىر وتباسىنىڭ ەكى بالاسى قازا تاپتى. بۇل تۋرالى "استانا" تەلەارناسى حابارلادى.
تەلەارنا مالىمەتىنشە, وقيعا ايتەكە بي اۋدانىندا بولعان. اعايىندىلار اۋلادا ؛بۇزىلىپ تۇرعان كولىك ىشىندە ويناعان. كەنەتتەن ەسكى كولىك وتقا ورانىپ, 3 جاسار بالا تىرىدەي جانىپ كەتكەن. ونىڭ 7 جاستاعى اعاسى ورتەنگەن كولىكتەن شىققانىمەن, 4-دارەجەدەگى كۇيىك الىپ, جەدەل اۋرۋحاناعا جەتكىزىلگەن. اۋداندىق اۋرۋحانانىڭ دارىگەرلەرى مەن اقتوبەدەن كەلگەن ماماندار ءبۇلدىرشىننىڭ ءومىرى ءۇشىن كۇرەسكەنمەن, قۇتقارىپ قالا المادى.
اقتوبە وبلىسى دەنساۋلىق ساقتاۋ باسقارماسىنىڭ مالىمەتىنشە, بالانىڭ دەنەسىن 80 پايىزعا دەيىن كۇيىك شالۋىنا بايلانىستى وتە اۋىر جاعدايدا ايتەكە بي اۋداندىق اۋرۋحاناعا جەتكىزىلگەن. جانساقتاۋ بولىمىندە رەانيماسيالىق كومەك كورسەتىلگەن.
&ndash؛ قالادان مەديسينالىق اۆياسيادان قۇرامىندا رەانيماتولوگ-انەستەزولوگ جانە كومبۋستيولوگ, تراۆماتولوگ دارىگەرلەر كەلدى. بارلىق قاجەتتى مەديسينالىق كومەك كورسەتىلدى. وكىنىشكە قاراي, ەمنىڭ ناتيجەسى بولماي, بالا قايتىس بولدى, &ndash؛ دەدى وبلىستىق دەنساۋلىق ساقتاۋ باسقارماسى باسشىسىنىڭ ورىنباسارى ايگۇل قۇشتاەۆا. ؛
ورتتىڭ شىعۋ سەبەپتەرىن ماماندار انىقتاۋدا. جالپى جىل باسىنان بەرى ايماقتا 160-تان استام ءورت بولىپ, سالدارىنان 5 ادام قازا بولعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر