17 ماۋسىم, 2021 الەم
فوتو: اشىق دەرەككوز
قىتاي ەلدىڭ جاڭا عارىش ستانسياسىنا ادامدار جىبەرۋ جوباسىن باستاپ, ءۇش عارىشكەردى وربيتاعا شىعاردى.
ني حايشەن, ليۋ بومينگ جانە تان حۋنبو اتتى قىتايلىق ءۇش عارىشكەر ءۇش اي بويى قىتايدىڭ عارىش ستانسياسىندا جەردەن 380 كم بيىكتىكتە ءجۇرۋى كەرەك.
بۇل قىتايدىڭ وسى ۋاقىتقا دەيىنگى ەڭ ۇزاققا سوزىلاتىن ەكيپاجدىق عارىشتىق ميسسياسى جانە سوڭعى بەس جىلداعى العاشقى جوباسى.
ۇشىلىرىم بولىپ, جەتى ساعاتتان كەيىن ەكيپاج عارىش ستانسياسىمەن ءساتتى قوسىلدى.
قىتايلىق ميسسيانى باقىلاۋ ورتالىعى تاريحي ءساتتى قۇتتىقتادى.
بەيسەنبىدە قىتايدىڭ "long march 2f" زىمىرانى ارقىلى "شەنچجوۋ-12" دەپ اتالاتىن كاپسۋلاسى عارىشقا كوتەرىلدى.
عارىش كەمەسى گوبي شولىندەگى ۇشىرۋ ورتالىعىنان بەيجىڭ ۋاقىتىمەن 09: 22-دە ۇشتى.
وسى جولعى ۇشىرىلىم جانە ودان كەيىنگى ميسسيا قىتايدىڭ عارىش كەڭىستىگىنە دەگەن سەنىمى مەن مۇمكىندىگىنىڭ ارتۋىنىڭ تاعى ءبىر دالەلى.
سوڭعى التى ايدا قىتاي ايدىڭ بەتىنەن تاس پەن توپىراق سىنامالارىن جەرگە قايتارىپ اكەلدى جانە مارسقا التى دوڭگەلەكتى روبوتتى قوندىردى. بۇل وتە قيىن جانە كۇردەلى ؛ تەحنولوگيالىق جەتىستىك.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر