• usd 468.56

  • eur 497.56

  • rub 7.3

  • cny 67.18

29 ناۋرىز, 10:28:11
الماتى
+35°

ەلوردادا كوپتەن كۇتكەن جىل پرەمەرالارىنىڭ ءبىرى &ndash؛ بولاشاقتىقتار قازاق تىلىنە دۋبلياجداعان pixar ستۋدياسىنىڭ «؛لۋكا»؛ انيماسيالىق ءفيلمىنىڭ الدىن الا كورسەتىلىمى ءوتتى.

وسىدان تۋرا 10 جىل بۇرىن 2011 جىلدىڭ ماۋسىم ايىندا ەلباسى, تۇڭعىش پرەزيدەنت نۇرسۇلتان نازارباەۆتىڭ تىكەلەي قولداۋىمەن العاش رەت قازاقستاندىق كينوپروكاتقا اعىلشىن تىلىنەن تىكەلەي قازاق تىلىنە دۋبلياجدالعان disney ستۋدياسىنىڭ «؛كولىكتەر 2»؛ انيماسيالىق ءفيلمى شىقتى.

فوتو: qamshy.kz

فوتو: qamshy.kz
سودان بەرى ەلىمىزدىڭ كينوتەاترلارىندا disney, pixar, marvel, sony pictures جانە ت.ب. الەمنىڭ جەتەكشى كينوستۋديالارىنىڭ قازاق تىلىنە دۋبلياجدالعان 35 ءفيلمى كورسەتىلدى. جوبانىڭ ارقاسىندا قازاق ءتىلى دۋبلياجدا تۇرىك تىلىنەن كەيىنگى ەكىنشى تۇركى ءتىلى جانە «؛walt disney»؛ كومپانياسىنىڭ تاريحىندا 39-شى ءتىل بولدى. 100-دەن استام وتاندىق اكتەر «؛walt disney ءpictures»؛-تىڭ داۋىستىق بازاسىنا ەندى.

«؛لۋكا»؛ ءمۋلتفيلمى &ndash؛ «؛nur otan»؛ پارتياسىنىڭ, سونداي-اق جاناشىر دەمەۋشىلەر مەن مەسەناتتاردىڭ قولداۋىمەن جۇزەگە اسىرىلىپ جاتقان «؛وزىڭنەن باستا»؛ جوباسى اياسىندا «؛بولاشاق»؛ كورپوراتيۆتىك قورى مەن «؛مەلومان»؛ كومپانياسىنىڭ باستاماسىمەن دۋبلياجدالعان ء37-شى كارتينا. جوبانىڭ يدەيالىق ىنتالاندىرۋشىسى &ndash؛ «؛بولاشاق»؛ قورى قامقورشىلىق كەڭەسىنىڭ قۇرمەتتى مۇشەسى, «؛nur otan»؛ پارتياسى ءتوراعاسىنىڭ ءبىرىنشى ورىنباسارى باۋىرجان بايبەك.

فوتو: qamshy.kz

فوتو: qamshy.kz

«؛بيىل «؛بولاشاق»؛ قورى مەن «؛وزىڭنەن باستا»؛ فيلمدەردى دۋبلياجداۋ جوباسىنا 10 جىل تولدى. اتالعان جوبا ءاربىر قازاقستاندىقتىڭ انا تىلىندەگى جوعارى ساپالى شەتەلدىك كينوكونتەنتكە قولجەتىمدىلىك قۇقىعىن ىسكە اسىرۋعا سەپتىگىن تيگىزۋدە. سوڭعى جىلدارى ءبىز جوبا بالالار مەن ەرەسەكتەرگە ارنالعان مەملەكەتتىك تىلدە ساپالى مۋلتيمەديالىق كونتەنتتى قۇرۋ بويىنشا ۇلتتىق ساياساتتىڭ ءبىر بولىگى بولۋ ءۇشىن قارقىندى جۇمىس ىستەپ جاتىرمىز»؛, - دەدى «؛بولاشاق»؛ قورى قامقورشىلىق كەڭەسىنىڭ ءتورايىمى دينارا ءشايجۇنىسوۆا.

ول قوردىڭ كينەماتوگرافيا ماسەلەلەرى جونىندەگى زاڭ جوباسىن تالقىلايتىن جۇمىس توبىنىڭ قۇرامىنا كىرەتىنىن اتاپ ءوتتى. بۇل رەتتە انيماسيالىق فيلمدەر جانە وتباسىمەن كورۋگە ارنالعان فيلمدەردى دۋبلياجداۋدى قامتاماسىز ەتۋدە مەملەكەتتىك قولداۋ شارالارىن كەڭەيتۋ &ndash؛ «؛nur otan»؛ پارتياسىنىڭ سايلاۋالدى باعدارلاماسىن ىسكە اسىرۋ جونىندەگى بەكىتىلگەن جول كارتاسىنىڭ ينديكاتورلارىنىڭ ءبىرى.

«؛بىز بالالار كونتەنتى مەن وتباسىمەن كورۋگە ارنالعان شەتەلدىك فيلمدەردى دۋبلياجداۋعا مەملەكەتتىك قارجىلىق قولداۋ كورسەتۋ, پرايم-تايم سەانستارىنىڭ ۋاقىتىن رەتتەۋ, مەملەكەتتىك جانە وزگە تىلدەردەگى كينوسەانستاردىڭ ۇلەستەرىن ءبولۋ, وتباسىمەن كورۋگە ارنالعان فيلمدەردىڭ قازاق تىلىندەگى دۋبلياجىن پروكاتقا شىعاراتىن كينوتەاترلار ءۇشىن سالىق پرەفەرەنسيالارىن ەنگىزۋ ماسەلەلەرىنە قاتىستى ءبىرقاتار ۇسىنىستار ەنگىزدىك. مادەنيەت جانە سپورت مينيسترلىگىنىڭ ۋاكىلەتتى ورگان رەتىندەگى مىندەتى &ndash؛ ولاردى ىسكە اسىرۋ بويىنشا تولىققاندى جاۋاپكەرشىلىك الۋ»؛, - دەپ تولىقتىردى دينارا ءشايجۇنىسوۆا.

جالپى, «؛nur otan»؛ ءباسپاسوز قىزمەتىنىڭ اقپاراتىنا سۇيەنسەك, بيلەۋشى پارتيا ءوزىنىڭ سايلاۋالدى ۋادەلەرىن ىسكە اسىرۋ اياسىندا مەملەكەتتىك ءتىلدىڭ بارلىق سالادا قولدانىلۋىن كەڭەيتۋگە, قازاق تىلىندە وقىتاتىن مەكتەپتەر مەن بالاباقشالاردى كوبەيتۋگە, سونداي-اق ءداستۇرلى مادەنيەت پەن ۇلتتىق سپورت تۇرلەرىن قولداۋدى جالعاستىرۋعا نيەتتى.

الدىن الا كورسەتىلىمگە «؛بولاشاق»؛ قاۋىمداستىعى كەڭەسىنىڭ قۇرمەتتى مۇشەسى, نۇر-سۇلتان قالاسىنىڭ اكىمى التاي كولگىنوۆ تە قاتىستى.

«؛وزدەرىڭىز بىلەتىندەي, ەلباسى مەملەكەتتىك ءتىلدى دامىتۋ ءۇشىن, تاۋەلسىزدىكتىڭ العاشقى جىلدارىنان باستاپ ەڭبەك ەتىپ كەلەدى. پرەزيدەنت انا تىلىمىزگە ەرەكشە كوڭىل اۋدارىپ, مەملەكەتتىك دارەجەدە قولداۋ ءبىلدىرىپ كەلەدى. سوندىقتان «؛بولاشاق»؛ قورىنىڭ «؛وزىڭنەن باستا»؛ جوباسى &mdash؛ قازاق ءتىلىنىڭ دامۋىنا قوسقان زور ۇلەسى. وسى ماقساتتا مەملەكەتتىك بيۋدجەتتەن قاراجات بولىنگەن جوق, مۇنىڭ ءبارى دەمەۋشىلەردىڭ ارقاسىندا جۇزەگە استى. ءبىز وسى ورايدا ولارعا ريزاشىلىعىمىزدى بىلدىرەمىز»؛, - دەدى التاي كولگىنوۆ.

«؛لۋكا»؛ فيلمىنە كاستينگكە نۇر-سۇلتان قالاسىنان 32 اكتەر قاتىستى. مامانداردىڭ ايتۋىنشا, دۋبلياجداۋ كەزىندە اعىلشىن تىلىندەگى ءماتىن قازاق تىلىنە اۋدارىلىپ قانا قويمايدى. وندا تىلىمىزگە ءتان سوزدەر قولدانىلىپ, ازىلدەر سوزبە-سوز اۋدارىلماي, ۇلتتىق مادەنيەتتىڭ ەرەكشەلىكتەرىن ەسكەرە وتىرىپ اۋدارىلعان. مىسالى, «؛لۋكا»؛ فيلمىندە ماعىنانى نەعۇرلىم ايقىن جەتكىزۋ ءۇشىن «؛وتپەن ويناپ ءجۇرمىز»؛, «؛اۋزىڭا ماي, استىڭا تاي»؛ دەگەن سياقتى تاعى دا باسقا قازاق فرازەولوگيزمدەرى قولدانىلدى.

فيلمنىڭ دۋبلياج رەجيسسەرى نازەركە لەسپەكقىزىنىڭ پىكىرىنشە, مۇنداي مالىمەتتەر ءفيلمدى بالالار ءۇشىن عانا ەمەس, ەرەسەكتەر ءۇشىن دە تۇسىنىكتى ءارى كۇلكىلى ەتەدى.

«؛دۋبلياج جۇمىسىنىڭ قيىندىعى اكتەرلىك شەبەرلىكتەن كەم تۇسپەيدى. ونىڭ ۇستىنە, كىشكەنتاي بولمەدە, ەشقانداي كورەرمەنسىز, ولاردىڭ قولداۋى مەن قوشەمەتىنسىز ويناۋ وڭاي ەمەس. اكتەرلىك كاسىپتى ەندى عانا مەڭگەرىپ كەلە جاتقان بالالارعا ەرەكشە قيىن بولدى»؛, - دەپ اتاپ ءوتتى رەجيسسەر.

«؛لۋكا»؛ - يتالياندىق جاس رەجيسسەر, «؛وسكار»؛ سىيلىعىنا ۇمىتكەر ەنريكو كاساروستىڭ دەبيۋتتىك تاسپاسى. كارتينا الەمگە ايگىلى كومپوزيتور ەننيو مورريكوندى ەسكە الۋعا ارنالعان. يتالياندىق ريۆەرانىڭ ەڭ جارقىن اسەم پەيزاجدارى, ۇلتتىق مۋزىكاسى, بارلىق كەيىپكەرلەردىڭ جىگەرلى دە قىزۋقاندى مىنەز-قۇلقى ەشكىمدى بەيجاي قالدىرمايدى.

قازاقستان كينوتەاترلارىندا فيلم بۇگىن, 17 ماۋسىمدا قازاق جانە ورىس تىلدەرىندە شىعادى. ال سودان سوڭ «؛لۋكا»؛ ivi جانە megogo ونلاين-كينوتەاترلارىندا قازاق تىلىندە كورۋگە بولاتىن شەتەلدىك فيلمدەر توپتاماسىن تولىقتىرادى.

ايتا كەتۋ كەرەك, «؛لۋكا»؛ &ndash؛ بۇل «؛bi group»؛ قۇرىلىس حولدينگىنىڭ دەمەۋشىلىگىمەن دۋبلياجدالعان ء12-شى فيلم.

قازاق تىلىندەگى ترەيلەر:
https://www.youtube.com/watch?v=wvoawegl7ws.

"قامشى" سىلتەيدى
ىلمەك سوزدەر: نۇرسۇلتان نازارباەۆ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر