ب.بايبەك-ج.ماماي سوتى. سۋديا ب.بايبەك پايداسىنا شەشىم شىعاردى

nur otan پارتياسى ءتوراعاسىنىڭ ءبىرىنشى ورىنباسارى باۋىرجان بايبەكتىڭ تالاپ ارىزى بويىنشا الماتى قالاسى اۋەزوۆ اۋداندىق №2 سوتىندا وتكەن ازاماتتىق-پروسەسسۋالدىق پروسەستە سۋديا ؛رايحان ؛سارتاەۆا شاعىمدانۋشى تاراپ پايداسىنا شەشىم شىعاردى.

سۋديا "بەلسەندىلەر فيلمدەگى ايىپتاۋلارعا بىردە-بىر دالەل ۇسىنبادى, ؛فيلمدەگى مالىمەتتەر شىندىققا جاناسپايدى" دەپ مالىمدەدى.

سوت شەشىمىنە ساي جاۋاپكەرلەر بەلسەندى ەرلى-زايىپتى جانبولات ماماي مەن ينگا يمانباي "باۋىرجان بايبەكتىڭ الماتى قالاسى اكىمى بولىپ تۇرعان كەزدەگى جەمقورلىق ارەكەتتەرى تۋرالى" دەلىنگەن ەكى تىلدەگى ءفيلمدى دەموكراتيالىق پارتيا youtube ارناسىنان وشىرۋگە, ول جەردە ايتىلعانداردى تەرىستەۋگە, ؛شاعىمدانۋشى تاراپتىڭ ؛438 201 تەڭگە كولەمىندەگى سوتقا كەتكەن شىعىنىن وتەۋگە ؛مىندەتتەلدى.

بەلسەندى جانبولات ماماي facebook پاراقشاسىندا "سوتتىڭ ماتەريالداردى ءوشىرۋ تۋرالى شەشىمى ورىندالمايتىنىن" جازىپ, بۇگىن ساعات 12:00-دە سوت قورىتىندىسى بويىنشا ءباسپاسوز كونفەرەنسياسى وتەتىنىن حابارلادى.

بەلسەندى بۇعان دەيىن ب.بايبەك تاراپى وزدەرىنەن ؛876 مىڭ تەڭگە تالاپ ەتىپ وتىرعانىن, ؛سوت ءوتىنىشتى قاناعاتتاندىرسا, nur otan پارتياسى الماتى فيليالىنىڭ الدىنا باۋىرجان بايبەكتىڭ پلاكاتىن شىعارىپ, سونىڭ قاسىنا ەل-جۇرتتان اقشا جيناي̆تىنىن ءمالىم ەتكەن.

ب.بايبەك-ج.ماماي تەكەتىرەسى بەلسەندىنىڭ nurotan پارتياسى ءتوراعاسىنىڭ ورىنباسارى تۋرالى ەكى تىلدە ۆيدەوماتەريال جاريالاۋىنان باستالعان. جانبولات ماماي ول جەردە ؛uzun qulaq تەلەگرام كانالىندا, اشىق دەرەككوزدەردە, ءبىرقاتار ءباسپاسوز بەتتەرىندە جاريالانعان اقپاراتتاردى, دەرەكتەردى نەگىزگە الىپ, ب.بايبەكتى الماتى اكىمى بولىپ تۇرعاندا "بيۋدجەت اقشاسىن "جەپ" ميللياردەر اتاندى" دەپ ايىپتايدى. بۇعان جاۋاپ رەتىندە ب.بايبەك ؛nurotan پارتياسىنىڭ ەكس-دەپۋتاتى, بۇگىندە youtube جەلىسىندە ۆيدەوبلوگ تۇسىرۋمەن اينالىسىپ جۇرگەن تاڭىربەرگەن بەردوڭعارعا سۇحبات بەرىپ, وپپوزيسيونەردىڭ ايىپتارىن تەرىستەپ, ونى سوتقا بەرەتىنىن ءمالىم ەتتى. مۇنان سوڭ جانبولات ماماي قازاقستان سوتى ءوزىن جىعىپ بەرەتىنىن ايتىپ, بايبەكتى تىكەلەي ەفير رەجيمىندە اشىق دەباتقا شىعۋعا شاقىرعان. ۇزاماي ؛nurotan پارتياسى اتىنان ءماجىلىس دەپۋتاتى اتانعان ەلنۇر بەيسەنباەۆ qazaqstan ارناسىنىڭ ءجۋرناليسى نارتاي ارالبايۇلىنىڭ youtube ارناسىنا سۇحبات بەرىپ, جانبولات مامايدىڭ باۋىرجان بايبەكتى دەباتقا شاقىرۋىن سىناپ, مامايدىڭ ءوزىن دەباتقا شاقىرادى. بۇعان جاۋاپ رەتىندە ماماي دەباتقا باسقا-باسقانى ەمەس, ءوزىنىڭ سوزدەرىن "وتىرىك" دەگەن, سوتقا بەرەتىنىن ايتقان باۋىرجان بايبەكتى شاقىرعانىن جەتكىزگەن.