15 ماۋسىم, 2021 news
كورنەكى سۋرەت/فوتو:dw.com
بريۋسسەلدە ناتو ءسامميتى اياقتالدى. وتە كەرەمەت جاڭالىق! ۋكراينا ناتو-عا مۇشەلىككە وتەتىن بولدى!
وسىناۋ تاريحي ءساتتى كوزگە ەلەستەتۋدىڭ ءوزى قيىن. "سسسر" تاراماي تۇرعاندا مۇندايدى ويلاۋدىڭ ءوزى مۇمكىن ەمەس ەدى. ءبىز سياقتى ازيالىق حالىقتار ءۇشىن "ورىس الەمى" ءبىرتۇتاس بولىپ كورىنەتىن. ۋكرايندىقتار مەن بەلارۋستەر وسى ورىس الەمىنىڭ قۇرامداس بولىگىنىڭ ءبىرى سياقتى بولىپ كورىنەتىن. بۇلار مىزعىمايتىن, عاسىرلارعا ۇلاسقان ديكتات سياقتى بولاتىن.
ويلاماعان جەردەن سسسر تاراپ كەتتى. ورنىندا قالعان رف دا ءبارىبىر ءبىرتۇتاس بولىپ كورىندى. ولار تاراماي ءبىزدىڭ وسى "ەكىنشى سورتتاعى" حالىق سياقتى بولعانىمىز بولعان دەپ ويلايتىنبىز. كەنەت... ورىستار مەن ۋكرايندىقتار اراسىندا شۋ شىقتى. سويتسەك... ولار دا ءبىرتۇتاس ەمەس ەكەن, اراسىندا عاسىرلارعا ۇلاسقان كيكىلجىڭ بار ەكەن. ورىستاردىڭ وزدەرى باستاماعاندا ۋكرايندىقتار ەكىنشى رولدە ءالى دە ۇزاق جۇرە بەرەر مە ەدى, قايتەر ەدى؟ ءبىراق... جاتقان جىلاننىڭ قۇيرىعىن وزدەرى باستى.
"بىز تۋىستاس, باۋىر حالىقتارمىز, ءبىزدىڭ ارامىزدان ناتو-عا مۇشە بولاتىنداي جاۋ شىعۋى مۇمكىن ەمەس, مۇنىڭ ءبارى باتىستىڭ جىمىسقى ارەكەتى" دەيدى رەسەيلىكتەر. الايدا شىندىق, ناقتى فاكتىلەر ولاي ەمەس ەكەنىن كورسەتىپ كەلەدى. يمپەريالىق ءشوۆينيزمنىڭ ابدەن اسقىنعان تۇرىمەن اۋىرعان رەسەيلىكتەر باسقالاردى ەلەۋدى قويعانى بەلگىلى بولدى. تەك ءبىز سياقتى ازيالىقتار عانا ەمەس, ءوز تۋىسى, باۋىرى دەگەن ۋكراينالىقتاردى دا جەرىن تارتىپ الىپ قىرعىنعا ۇشىراتىپ جاتقانى ەشبىر اقتاۋعا كەلمەيدى. مۇنداي جاعدايدا ارينە, ۋكراينا باسقالاردان كومەك سۇراۋعا ءماجبۇر.
مىنە, بۇرىن ۋكراينانىڭ ناتو-عا مۇشە بولۋى مۇمكىن ەمەستەي بولىپ كورىنسە, ەندى رف-نىڭ شەكاراعا اسكەرلەرىن توگىپ, بوپسالاۋىنا ۇشىراعان ۋكراينا ناتو سياقتى اليانستىڭ كومەگىنە جۇگىنۋگە ءماجبۇر. بريۋسسەلدەگى ناتو ءسامميتى وسىنداي شەشىم قابىلدادى &ndash؛ ۋكراينا دا گرۋزيا سياقتى ناتو مۇشەلىگىنە ىس-ارەكەت جوسپارى ارقىلى وتەتىن بولدى! ءبىراق بۇل جوسپار جۇزەگە اسۋ ءۇشىن رەفورمالار قاجەت. ەگەر تاعى دا اگرەسسياعا ۇشىراعىسى كەلمەسە, نەمەسە شەكاراسىندا ۇنەمى قارسىلاسىنىڭ اسكەرى شابۋىل قاتەرىن تۋعىزىپ وتىرماس ءۇشىن ۋكراينا قيمىلداۋى قاجەت ؛&ndash؛ تەزدەتىن قاجەتتى رەفورمالاردى جۇزەگە اسىرۋى كەرەك. ەندىگىسى تەك ۋكراينانىڭ وزىنە عانا بايلانىستى.
قۋانىش ەدىلحانتەگى
حالىقارالىق شولۋشى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر