• usd 468.56

  • eur 497.56

  • rub 7.3

  • cny 67.18

29 ناۋرىز, 17:49:50
الماتى
+35°

ايزادا جايىققىزى قازاق ۇلتتىق ۋنيۆەسيتەتى جۋرناليستيكا فاكۋلتەتىنىڭ تۇلەگى. قازىرگى تاڭدا ماماندىعى بويىنشا اتىراۋ قالاسىندا قىزمەت ەتىپ ءجۇر. ول جاقىندا عانا اتىراۋ قالاسىندا جاستار مەن "داۋن سيندرومى" بار ەرەكشە بالالارعا ارنالعان "مولەكۋلا" ورتالىعىن اشتى. ماقساتى ؛&ndash؛ اتا-انالارعا بالالارىن تاربيەلەۋدە جاردەمدەسىپ, قوعام ءۇشىن پايدالى ىسپەن شۇعىلدانۋ.

"مولەكۋلا" ورتالىعىن اشۋعا ايزادانىڭ بوس ۋاقىتىندا سۋرەت سالۋ مەن پازل ويىن قۇراستىرۋدى جاقسى كورەتىن ەرمەگى سەبەپ بولعان.

&ndash؛ اۋىلدا وسكەندىكتەن اتىراۋ قالاسىندا وسىعان دەيىن تۇرىپ كورمەگەن ەدىم. مەكتەپ بىتىرگەنەن كەيىن بىردەن الماتى قالاسىنا وقۋعا كەتتىم. وقۋ ءبىتىرىپ كەلگەننەن كەيىن الماتىداعى اتموسفەرا مەن شىعارماشىلىق ورتانى اڭسادىم. العاش كەلگەن جىلى بوس ۋاقىتىم وتە كوپ بولىپ, شىعارماشىلىقپەن اينالىساتىن ورتالىقتار ىزدەپ تاپپادىم, &ndash؛ دەيدى ايزادا.

اتىراۋ قالاسىندا تانىستارى مەن دوستارى از بولعاندىقتان, كەيدە جۇمىستان شىققان سوڭ قايدا باراتىنىن بىلگەن كەزدەر دە بولعان. ؛بىردە chevron كومپانياسىنىڭ startup يدەيالار بايقاۋى ءوتىپ جاتقانىن ەستىپ, باعىن سىناپ كورگىسى كەلەدى.

&ndash؛ قاسىمداعى قۇربىم "وسى جوباعا ءوتىنىش تاستايىق" دەپ ۇسىنىس ءبىلدىردى. اتىراۋدا جاستارعا ارنالعان سۋرەت سالۋ ورتالىعى جوق ەكەنىن كورىپ, وسى يدەيا نەگىزىندە, سوڭعى كۇنى ۇلگەرىپ, ءوتىنىش بىلدىردىك, ؛&ndash؛ دەيدى اتىراۋ تۇرعىنى.

ايزادا باسىندا جوباسى گرانت جەڭىپ الادى دەپ ويلاماعان. ؛"ۇتسام, ۇتتىم, ۇتپاسام ەشتەڭە ەتپەس" دەگەن ويمەن ءوتىنىش جولداعان. 1 ايدان سوڭ ء"سىز, ءبىزدىڭ جوبادا فينالعا ءوتتىڭىز" دەگەن حابارلاما العان.

فينالعا وتكەننەن كەيىن جوبا ۇيىمداستىرۋشىلارىمەن 1 اي بويى جۇمىس ىستەيتىن بولىپ كەلىسىمگە كەلگەن. 25 قاتىسۋشىمەن 3 اپتا بويى بيزنەسكە قاتىستى ءتۇرلى ساباقتارعا قاتىسادى.

&ndash؛ ؛سوڭىندا 25 قاتىسۋشىدان 3-ەۋ عانا قالدىق. بىزگە 3000 اقش دوللارى كولەمىندە گرانت تابىس ەتىلدى. قىسقاسى, ءوزىمنىڭ بوس ۋاقىتىمدا بارعىم كەلىپ جۇرگەن ورتالىق وسىلاي اشىلدى, ؛&ndash؛ دەيدى ايزادا.

ورتالىقتا قازىرگى تاڭدا ارت تەراپيا مامانى (قۇممەن سۋرەت سالىپ, سول سۋرەت ارقىلى بالالاردىڭ ىشكى جان دۇنيەسىن وقىپ بىلەتىن ادام) جانە پسيحولوگ جۇمىس ىستەيدى.

جاقىندا لوگوپەد ماماندىعىن قوسۋ جوسپارىندا بار. ويتكەنى بۇل ماماندىق يەلەرىنە سۇرانىس جوعارى.

&ndash؛ قازاقستاندا سۋرەت سالاتىن ورتالىقتار بار. ال ءبىزدىڭ ورتالىقتىڭ ەرەكشەلىگى &ndash؛ قۇممەن, سۋممەن, گۋاشپەن سۋرەت سالۋ ارقىلى ادامداردى ونەرمەن ەمدەۋ. الداعى ۋاقىتتا "مۋزىكا مەن ەرتەگى" سياقتى ەمدەۋدىڭ باسقا سالالارىن قوسقىمىز كەلەدى, &ndash؛ دەيدى ول.

ايزادا ورتالىققا بالالارىن اكەلىپ جۇرگەن اتا-انالارىنىڭ ورتالىق قىزمەتىنە ءدان ريزا ەكەنىن ايتادى.

 ؛

&ndash؛ العاش اشقان كەزدە "ماعان سەنىپ كەلىپ وتىرعان اتا-انانىڭ ءۇمىتىن اقتاي الامىن با؟" دەگەن قورىقىنىش بولدى. مەن مىسالعا ءوزىمدى, ەرەسەكتەردى الداۋىم مۇمكىن, ءبىراق بالانى الداي المايتىنىمدى ءتۇسىندىم. ءبىز جاساپ جاتقان ەڭبەك اقتالىپ جاتىر. ماسەلەن, بىزدە 5 جاستاعى گيپەربەلسەندى بالا بولدى. اتا-اناسى العاش اكەلگەندە قۇمنىڭ ۇستىندە ؛5 مينۋت عانا وتىردى. مامانداردىڭ قولىن تىستەپ, ويىنشىقتاردى شاشىپ ەنەرگياسى تاسىپ تۇرعانىن بىردەن بايقاتتى. ءبىزدىڭ ورتالىققا 3 اي قاتىسقان سوڭ قۇمدا 40 مينۋت وتىراتىنداي دارەجەگە جەتتى. بۇنداي وزگەرىستەر بىزگە ۇلكەن شابىت بەردى, ؛&ndash؛ دەيدى ايزادا.

 ؛

"مولەكۋلا" ورتالىعىنا "داۋن سيندرومى" بار ەرەكشە بالالارعا تەگىن قىزمەت كورسەتىلەدى. ولار ۇيىندە ارالاساتىن ورتا بولماعاندىقتان, وسى ارت تەراپيا ورتالىعىنا بارىپ, سۋرەت سالىپ, وزدەرىن ەركىن سەزىنە باستاعان.

 ؛

&ndash؛ مەنى "داۋن سيندرومىنا" شالدىققان بالالاردىڭ جاعدايى ۇنەمى الاڭداتاتىن. ورتالىقتى اشۋداعى ماقساتتارىمىزدىڭ ءبىرى وسى سىرقاتقا قالدىققان بالالاردىڭ ساۋىعىسۋىنا سەپتىگىمىزدى تيگىزۋ ەدى. ؛اتىراۋدا بالالار اراسىنداعى داۋن سيندرومى ستاتيستيكاسى وتە جوعارى. ءارى جاعداي جىلدان جىلعان كۇردەلەنىپ بارادى. قاپلادا 13 جاسقا دەيىنگى ەرەكشە بالالاردىڭ ورتالىقتارى بار, كەيدە ول ورتالىقتارعا بالالار سىيماي دا جاتادى. سودان مەنى "بۇل بالالار 13 جاستان كەيىن قايدا بارادى؟" دەگەن سۇراق قاتتى مازالادى. سوندىقتان ورتالىعىمىزعا كەلەتىندەردىڭ جاسىن 13 پەن 18 جاس اراسى دەپ بەكەتتىم. اتا-انالار مەن قالا تۇرعىندارىنىڭ پىكىرىن ەستىگەندە "مولەكۋلا" ورتالىعى بەكەر اشىلماعانىن تۇسىنەمىن. ءبىزدىڭ ەلدە ارت تەراپيا ماماندارى وتە از. مىسالى, مەنىڭ ارت تەراپيا مامانىم مەكتەپتە سۋرەت سالۋدان ساباق بەرەدى. وسىلاي كوپ ماماندار ارنايى ورتالىق بولماعاندىقتان, جۇمىسىن باسقا جاقتا جالعاستىرۋعا ءماجبۇر. بۇل سالا رەسەيدە وتە جاقسى دامىعان. ال قازاقستانعا ەندى عانا كەلىپ جاتىر, ؛&ndash؛ ؛ دەپ اتاپ وتكەن ايزادا "ەگەر وسىنداي ورتالىقتار كوبەيسە, اركىم ءوز ماماندىعىندا جۇمىس جاسايتىن ەدى" دەيدى.

 ؛

الەمدە 700 بالانىڭ بىرەۋى داۋن سيندرومىمەن تۋادى. ال قازاقستاندا بۇل دەرتكە شالدىققان 12 مىڭعا جۋىق بالا بار. ونىڭ ىشىندە اتىراۋ وبلىسىندا 3720, اتىراۋ قالاسىندا 1722 بالا وسى سىرقاتقا شالدىققان. ماماندار داۋن سيندرومى سەكىلدى ءتۇرلى دەرتكە اتىراۋ وبلىسىنىڭ ەكولوگيالىق جاعدايى دا اسەر ەتىپ وتىرعانىن ايتادى.

مارحاببات ءىلياس

مارحابات ءىلياس

اۆتورمەن ونىڭ facebook پاراقشاسى ارقىلى حابارلاسۋعا بولادى.

جازىلىڭىز

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر